1 Bakalenga 21:4 - MUKANDA WA MYIDI MUKULU

⁴ Mukalenga Akabe kupingana ku nzubu kuende, mubungame, mufike munda bua diandamuna dia Nabote adi. Akabe kulala pa bulalu, mutangile ku tshimana, kayi mua kudia kantu nansha kamue.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Ahaba wakabuela mu nsubu muandi mubungame ne mutshima muneme bujitu bualu bua dî diakamuambila Nabota, Muena Yizelele; bualu bua yeye wakamuambila ne, Tshiena nkuha buhianyi bua batatu banyi. Wakakudimana ha bulalu buandi, wakatangisha mpala wandi ku tshimanu, kakadia tshintu.

1 Bakalenga 21:4 Referans Kwoze

1 Bakalenga 20:43

Akabe mukalenga wa bena Izrayele kupingana kuende ne kanyinganyinga ne tshiji, mu tshimenga tshia Samariya.

Yakobe 1:14

Kadi badi bateta muntu, padi majinga ende mabi amulobesha, amukuata mu buteyi.

Efeze 4:27

Tshianana, diabolu neapete mushindu wa kunupita bukole.

Yona 4:9

Mvidi Mukulu kukonka kabidi Yona ne: — Udi ufika munda bua mutshi ewu, pa bualu anyi? Yona kuandamuna ne: — Eyowa, ndi mufike munda pa bualu, ndi mua kufua mene.

Yona 4:1

Yona umona nanku, kufikaye munda bikole menemene.

Muambi 6:9

Bidi bimpe kusanka ne biudi nabi pa muntu pa kukeba bikuabu bia mishindu yonsu, bualu abi bidi kabidi patupu bu kuipatangana ne lupepele.

Yobe 5:2

Muntu mutatakane udi wasa Mvidi Mukulu tshilumbu, tshiotshi tshidi tshimushipa. Muntu mutshimbakane udi umvua lubabu munda, ufua nalu.

1 Bakalenga 21:3

Kadi, Nabote kuandamuna ne: — Maweja-Nangila kena mua kuanyisha bua meme kukupa budimi bua mvinyo bundi mupiane kudi bankambua banyi to.

2 Samuele 13:4

Yonadabe kukonka Amnone ne: — Muana wa mukalenga, udi uleja mpala mubi ku dituku dionsu nunku bua tshinyi? Kuena mua kungambilaku tshidi tshikutonda anyi? Amnone kuandamuna ne: — Bualu ndi munange Tamare, muakunyi wa Absalome, muanetu wa tatu.

2 Samuele 13:2

Nanku, Amnone kutuadija kusama, bualu kavua ne dikisha bua Tamare, muana mukuabu wa tatuende uvuaye ujinga. Amnone kavua ne mushindu wa kubuelela Tamare mu nzubu, bualu Tamare kavua muanji kumanya balume.

1 Samuele 28:23

Shawule kubenga mua kudia biakudia nansha bikese. Kadi bantu bavuaye nabu ne mukaji muena lubuku, kumusengelela bikole. Nanku kuitabaye. Kujukaye panshi, kusomba pa bulalu.

1 Bakalenga 21:1

Malu awu mamane kujika, bualu bukuabu kuenzeka mu tshimenga tshia Yizreyele, muvua muntu mukuabu dina diende Nabote. Uvua ne budimi bua mvinyo mu tshimenga atshi, pabuipi ne nzubu kampande wa bukalenga wa Akabe, mukalenga wa Samariya.

1 Bakalenga 21:5

Mukajende Yezabele ubuela, kumusangana mulale, kumukonka ne: — Udi mubinduluke nenku bua tshinyi? Kuena musue kudia biakudia munyi?

Estere 5:13

Kadi bionsu ebi kabiena binsankisha nansha kakese, misangu yonsu indi mmona Mordekayi, muena Yuda, wenzela mudimu ku tshiibi tshia lupangu lua mukalenga.

Yona 4:4

Maweja-Nangila kukonka Yona ne: — Udi ufika munda pa bualu anyi?

Yona 4:8

Diba dimane kubanda, Mvidi Mukulu kutuma lupepele lua luya, lufumine ku luseke ludi diba dipatukila. Kupulalu mutshi awu. Munya mukole kuosha Yona mu mutu. Kusuaye kufua tshipuka. Nanku Yona kujinga lufu, wamba ne: “Mbimpe meme kufua pa mutu pa kushala ne muoyi.”