1 Bakalenga 2:29 - MUKANDA WA MYIDI MUKULU

²⁹ Muntu mukuabu kufika kudi mukalenga Shelomu, umuambila ne: — Yowabe mmunyeme. Udi mu ntenta wa Maweja-Nangila, mmusokomene pabuipi ne tshilambuilu. Nanku Shelomu kutuma Benaya, muana wa Yoyada, mu ntenta amu, umuambila ne: — Uye kushipa Yowabe!

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Bakambila mukelenge Solomo ne, Yoaba udi munyemene mu Ntenta wa Yehowa, udi wimana ku tshishihelu. Hashishe Solomo wakatuma Benaya, muana wa Yehoyada, ne, Ya umushihe.

1 Bakalenga 2:29 Referans Kwoze

1 Bakalenga 2:25

Nanku Shelomu kutuma Benaya, muana wa Yoyada, bua kushipa Adoniya. Ke muvua Adoniya mufue nanku.

Ekesode 21:14

Pikala muntu mutekete mukuende tshiji, mumushipe ku bukole ne budimu, nansha yeye ku tshilambuilu tshianyi, numukuate numushipe.

1 Petro 4:17

Tshikondu ntshifike tshidi Mvidi Mukulu utuadija kulumbuluisha bantu. Neadianze kulumbuluisha bantu bende. Kadi padiye ubanga kutulumbuluisha tuetu nanku, ku ndekelu badi babenga kuitaba Lumu lua Disanka neabenzele tshinyi?

Yezekiyele 9:6

Nushipe bakulakaje, bansongalume ne bansongakaji, bana ne bakaji. Kadi kanulengi bantu badi ne tshimanyinu pa mpala. Nutuadije kushipa bantu badi mu nzubu wanyi wa tshijila ewu. Kutuadijabu kushipa bakulu bavua bimane kumpala kua nzubu wa Mvidi Mukulu.

1 Bakalenga 2:46

Ke mukalenga Shelomu kutuma diyi, Benaya muana wa Yoyada kupatuka ne Shimeyi mu nzubu wa bukalenga, kumushipa. Biangatshile tshikondu atshi, bukalenga bua Shelomu kushindama bikole.

1 Bakalenga 2:31

Mukalenga kuandamuna ne: — Mbimpe bitambe! Umushipele muaba awu, bu mudiye muambe amu. Pashishe umujike. Nanku bena nzubu wa tatu wanyi Davide ne meme, katuakuikala kabidi ne tshilumbu, bua kusombuela bantu babidi bavua Yowabe mushipe kabayi bualu.

2 Samuele 8:18

Benaya, muana wa Yoyada, uvua mulombodi wa bena Kireti, ne bena Peleti, bena mvita bavua balame mukalenga Davide. Bana ba Davide bavua batuangaji kabidi.

1 Bakalenga 2:30

Benaya ufika mu ntenta, kuambilaye Yowabe ne: — Mukalenga Shelomu udi wamba ne: umuka muaba ewu. Yowabe kubenga ne: — Tshiena ngumuka to. Ndi musue kufuila amu muaba ewu. Benaya kuya ku nzubu kua mukalenga Shelomu, kumuambila bionsu bivua Yowabe muambe.

Nsumuinu 28:17

Muntu mushipe muntu nende, neaye kudiela mu dijimba. Bantu kabamupumbishi bua kuenza nanku to.