1 Bakalenga 17:22 - MUKANDA WA MYIDI MUKULU

²² Maweja-Nangila kuitaba dilomba dia muambi Eliya. Kubishaye muana awu ku lufu. Muana kutuadija kupuyakana.

Mukanda wa Nzambi Dihungila Dikulukulu ne Dihungila Dihia-dihia 2003

²² Yehowa wakunyua dî dia Eliya, muoyo wa muana wakahingana munda muandi kabidi, yeye wakatuluka.

1 Bakalenga 17:22 Referans Kwoze

Didimanyisha 11:11

Kadi matuku asatu ne tshitupa mamane kupita, Mvidi Mukulu neabapingajile mueyelu wa muoyi, bua bajuke. Bonsu badi babamona, nebakuatshike bowa bikole.

Dielulula 32:39

“Nuenu bena Izrayele, nujadike lelu ne: meme Maweja-Nangila nkayanyi, ndi nnusungidila. Kakuena mvidie mukuabu to, anu meme. Meme ndi mfuisha bantu, mbalama ne muoyi. Ndi mbatapa mputa, mbondapa kabidi. Udi mua kunyenga muntu mu tshianza tshianyi udiku anyi?

Ebrewu 11:35

Amu bua ditaba diabu, bakaji kumona muvuabu bapingaje bafue babu bamane kubabisha ku bafue. Bavua bakengeshe bakuabu too ne ku lufu. Kadi bavua babenga bua bantu kababasungididi bua bamone mua kubika ku lufu, bapeta muoyi mupiamupia udi mutambe buimpe.

Rome 14:9

Bualu Kristu mmufue, mubike kabidi ku lufu, bua ikale Mfumu wa bafue ne wa badi ne muoyi.

Yowanane 11:43

Yezu mumane kuamba nanku, kuelaye diyi dikole ne: — Lazare, patuka!

2 Bakalenga 13:21

Dituku dikuabu, bantu bavua baya kujiika tshitalu. Diakamue, kumonabu bivi abu. Kuimanshabu tshitalu tshivuabu natshi mu lukita lua Elisha, kunyemabu. Anu tshitalu atshi tshilengangane ne mifuba ya muambi Elisha, muntu mufue kufululuka, kuimana kulu.

1 Samuele 2:6

Maweja-Nangila udi ushipa, ufululula kabidi. Udi ufikisha muntu muaba wa bafue, anyi umumushamu.

Bienzedi 20:12

Kupingajabu nsongalume kuabu ne muoyi. Bantu kusanka bikole.

Luke 8:54

Kadi Yezu kumukuata ku tshianza, wela diyi dikole ne: — Nsongakaji, biika!

Luke 7:14

Ke Yezu kuya ku mushete wa tshitalu, kuulenga ne tshianza. Bavua bawambula, kuimanabu. Yezu kuambila mufue ne: — Nsongalume, ndi nkutumina diyi, biika!

1 Bakalenga 17:23

Muambi Eliya kuambula muana. Kutulukaye nende panshi. Kumupingajaye kudi mamuende, umuambila ne: — Tangila muanebe, udi ne muoyi!