1 Bakalenga 17:18 - MUKANDA WA MYIDI MUKULU

¹⁸ Mamuende wa muana kukonka muambi Eliya ne: — Muambi wa Mvidi Mukulu, udi mungenzele nenku bua tshinyi? Udi mufike muaba ewu bua wewe kuvuluija Maweja-Nangila buenzayi bundi muenze, bua Maweja-Nangila kushipa muananyi anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Mukashi wakakonka Eliya ne, Ndi nʼebe bualu kai, wewe muntu wa Nzambi? Wewe wakuluila bua kunvuluisha bua bubi buanyi ne bua kushiha muanʼanyi!

1 Bakalenga 17:18 Referans Kwoze

Luke 5:8

Simone Petro umona nanku, kutuaye binu kumpala kua Yezu, wamba ne: — Mfumu, umuka kundi. Ndi muena malu mabi.

Luke 4:34

— Akia! Yezu wa mu Nazarete, udi musue kutuenzela tshinyi? Udi mulue kutubutula anyi? Ndi mukumanye bimpe ne: udi Wa Tshijila! Mvidi Mukulu mmukutume!

2 Bakalenga 3:13

Muambi Elisha kukonka mukalenga wa bena Izrayele ne: — Udi mulue kumatshisha bua tshinyi? Udi mua kuya kuebeja malu kudi bambi ba tatuebe, nansha bambi ba mamuebe! Mukalenga wa bena Izrayele kubenga ne: — Nansha! Tuetu bakalenga basatu, Maweja-Nangila ke udi mututume muaba ewu, bua kutufila mu bianza bia bena Mowabe.

Yowanane 2:4

Kadi Yezu kumuandamuna ne: — Mamu, wewe ke ukadi ungambila tshindi ne bua kuenza anyi? Diba dianyi ki ndianji kukumbana.

2 Samuele 16:10

Mukalenga Davide kumukonka ne: — Wewe Abishayi ne muanenu Yowabe, nudi nubuelakana mu bualu ebu bua tshinyi? Pikala muntu ewu umpenda, misangu mikuabu Maweja-Nangila ke udi mumutume bua kumpendaye. Nanku muntu kena mua kumutandisha to.

Luke 8:28

Muntu awu umona Yezu, kuelaye lubila, udiela ku makasa ende, wamba ne diyi dikole ne: — Yezu, Muana wa Mvidi Mukulu Muena kulu, butudi nebe mbunganyi? Ndi nkusengelela ne: kunkengeshi to.

Marke 6:16

Erode umvua nanku, kuambaye ne: — Udi Yowanane-Batiste umvua mukoseshe mutu awu, mmubiike ku lufu!

Marke 5:7

kuela diyi dikole ne: — Yezu Muana wa Mvidi Mukulu wa kulu, butudi nebe mbunganyi? Ndi nkusengelela mu dina dia Mvidi Mukulu, kunnyoki nansha!

Yobe 13:26

Udi ungasa bilumbu bikole be. Udi unnyoka nansha bua bilema bia ku buana.

Yobe 13:23

Bilema kabidi ne bubi bindi muenze bidi bishi? Undeje mundi mukutombokele.

2 Kulondolola 35:21

Kadi Neko kutuma bantu bua kumukonka ne: “Mukalenga wa bena Yuda, udi ubenga bua meme kupitshila mu njila ewu bua tshinyi? Tshiena mfika lelu bua kuluangana nebe to. Ndi nduangana ne muluishi mukuabu. Mvidi Mukulu mmuntumine diyi dia kuya lukasa. Mvidi Mukulu udi nanyi. Lekela kubenga diyi diende, bualu udi mua kukushipesha.”

1 Bakalenga 18:9

Obadya kukonka muambi Eliya ne: — Paudi umfila mu bianza bia Akabe, ndi mukuenzele bualu bubi kaayi? Udi untuma bua meme kufua!

1 Bakalenga 13:1

Nanku, Maweja-Nangila kutuma muambi ufuma mu ditunga dia bena Yuda, uya ku Betele. Muambi awu ufika, kusanganaye Yerobowame osha mulambu pa tshilambuilu.

2 Samuele 19:22

Kadi Abishayi, muana wa Seruya, kukonka mukalenga Davide ne: — Bualu budi Shimeyi wamba ebu, ke budi butukandika bua katumushipi anyi? Kena mutshipe mukalenga uvua Maweja-Nangila musungule anyi?

Genese 50:17

“Nuambile Yozefe mu dina dianyi ne: ufuile bana benu luse ku malu mabi onsu adibu bakuenzele.” Ke pavuabu bamulomba ne: “Utufuileku luse, bualu tudi tutendelela Mvidi Mukulu umue wa tatuebe Yakobe.” Yozefe umvua miaku ayi, kuasaye muadi.

Genese 50:15

Bana babu ne Yozefe bamona ne: tatu wafu, bavua bapampakana, bamba ne: “Misangu mikuabu Yozefe udi mua kutusombuela ku malu mabi onsu atuvua bamuenzele.”

Matayi 8:29

Ke bobu kuela mbila ne: — Muana wa Mvidi Mukulu, butudi nebe mbunganyi? Udi mufike bua kutunyoka, diba kadiyi dianji kukumbana, bua tshinyi?

Dibadika 5:15

neafikishe mukajende kudi mutuangaji. Neafile kabidi mulambu wa kilo isatu ya bukula bua orje. Kadi kena mua kuelamu mafuta nansha kutekamu musenga wa kamonya to, bualu mmulambu wa bualu budibu babanda nabu mukaji, kabayi bajadike.

1 Bakalenga 12:22

Kadi, Mvidi Mukulu kuyukila ne muambi Shemaya, umuambila ne:

1 Bakalenga 17:17

Matuku makuabu mamane kupita, muana wa mukaji mukamba uvua muakidile muambi Eliya ku nzubu kuende awu, kutuadija kusama. Disama kukola, muana kufua.

1 Bakalenga 17:19

Muambi kumulomba ne: — Mpeshaku muanebe awu! Mukaji uvua muambule muanende awu. Muambi Eliya kumuangata. Kubandaye nende mu nzubu wa tshilala kulu, mu tshibambalu tshivuaye yeye muambi Eliya ulala. Kuladikaye muana pa bulalu abu.

1 Bakalenga 20:28

Muambi wa Mvidi Mukulu kuya kabidi kudi Akabe, mukalenga wabena Izrayele, umuambila ne: — Maweja-Nangila udi wamba ne: “Bu mudi bena Siriya bamba ne: meme Maweja-Nangila ndi anu Mvidi Mukulu wa ku mikuna, tshiena wa mu mpata, ndi mfila bena mvita babu bonsu mu bianza biebe, bua wewe kumanya ne: meme ndi Maweja-Nangila.”

Genese 44:16

Yuda kuandamuna ne: — Mukalenga wetu, tshitudi mua kuamba ntshinyi bua kukujadikila mutudi babinge. Mvidi Mukulu mmuleje patoke bubi buetu. Udi ne dikopu mu tshibombi tshiende ne tuetu bonsu tudi tushala bapika bebe.

Balombodi 13:6

Mukaji uya kuende, kuambilaye bayende ne: — Muntu wa Mvidi Mukulu mmummuenekele. Uvua bu mutumibue wa Mvidi Mukulu, bualu uvua mukuate bowa bua kumutangila. Tshiena mumukonke muaba udiye ufuma. Kena mungambile dina diende to.

2 Bakalenga 1:9

Mukalenga Akaziya kutuma mulombodi, ne bena mvita makumi atanu, bua kukuata muambi Eliya. Bena mvita abu, kubanda ku lusongu lua mukuna uvua muambi Eliya musombe. Mulombodi wa bena mvita kuambila Eliya ne: — Muambi wa Mvidi Mukulu, tuluka! Ke mudi mukalenga Akaziya mutume diyi!