1 Bakalenga 17:12 - MUKANDA WA MYIDI MUKULU

¹² Mukaji kuandamuna ne: — Bu mudi Maweja-Nangila Mvidi Mukulu webe ne muoyi, ndi nkujadikila ne: tshiena ne diampa to. Ndi mushale anu ne dianza dia bukula mu mulondu, ne mafuta makese mu kasu. Ndi mufike muaba ewu bua kuangula tukunyi, bua kuya kulamba biakudia bidi bishala abi, bua meme kudia ne muananyi wa balume. Patuadia biakudia abi netufue, bualu katuena ne bikuabu to.

Mukanda wa Nzambi Dihungila Dikulukulu ne Dihungila Dihia-dihia 2003

¹² Yeye wakamuambila ne, Bu mudi Yehowa, Nzambi webe, ne muoyo tshiena ne bidia, kadi ndi ne anu dianza tente dia bukula mu mulondo ne manyi tukese mu kasu; tangila, ndi ngangula tutshi tubidi bua meme kudilambila ne muana wanyi, hatuadia, netufue.

1 Bakalenga 17:12 Referans Kwoze

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

Genese 21:16

Kuyaye kusomba pa nkayende mutantshi muipi udibu mua kuela muketa ufika. Uvua wamba ne: “Tshiena musue kumona mudi muananyi ufua to”. Agare kusomba ku mpenga, udila muadi.

Muadi 4:9

Bivua bipite buimpe kufua ku muele wa mvita, pa mutu pa kufua ku nzala, pa mutu pa kulewuka ku tshiyole.

Yirmeya 14:18

Pandi nya ku budimi, ndi mmona amu bitalu bia bantu bavua bafue mu mvita. Pandi mpingana mu tshimenga, ndi mmona anu bitalu, bia bantu bavua bafue ku tshiyole tshia nzala. Bambi ne batuangaji badi batambakana mu ditunga, kabayi bamanye tshia kuenza.

Yirmeya 5:2

Padi bena mu Yerushalayime baditshipa bamba ne: “Tudi tuditshipa mu dina dia Maweja-Nangila udi ne muoyi…”, mitshipu eyi nya dishima.

Yirmeya 4:2

Wewe muikale muntu wa muoyi umue, wa buakane ne wa luse, wewe muditshipe muambe ne: “Ndi nditshipa mu dina dia Maweja-Nangila udi ne muoyi”, nanku bisamba bia bantu bakuabu nebindombe bua meme kubiela lupemba. Nebisanke bualu buanyi meme Maweja-Nangila.

2 Samuele 15:21

Kadi Itayi kuandamuna ne: — Mukalenga wanyi, bu mudi Maweja-Nangila ne muoyi, ne bu muudi wewe kabidi ne muoyi, ndi nditshipa ne: Tuyaya nebe muaba uudi uya. Pavuafua netufue nebe: pawikala ne muoyi, nengikale ne muoyi kabidi.

1 Samuele 26:10

Bu mudi Maweja-Nangila ne muoyi, ndi nkujadikila ne: Maweja-Nangila nkayende neajikije bualu buende. Shawule udi mua kufua bu mudi bantu bonsu bafue anyi udi mua kufua mu mvita.

1 Samuele 25:26

Mpindiewu bu mudi Maweja-Nangila ne muoyi, ne bu muudi wewe ne muoyi, Maweja-Nangila nkayende akukandike bua kushipianganyi, bua kudisombuedi wewe mukalenga to. Kadi baluishi bebe, ne bonsu badi bakuenzele bibi, babanyoke mudibu ne bua kunyoka Nabale.

1 Samuele 20:21

Pashishe nentume muana muena mudimu wanyi, bua kukeba miketa ayi. Pangambila muena mudimu ne: “Tangila, miketa kayena kule to, pingana uyangule,” neujadike ne: kakuena bualu to. Diba adi udi mua kupingana bualu kakuena njiwu to. Ndi nkujadikila bualu ebu, kumpala kua Maweja-Nangila.

1 Samuele 20:3

Davide kuambila Yonatane ne: — Ndi nditshipa, nkujadikila ne: tatuebe udi unkebela lufu! Kadi, tatuebe mmumanye ne: meme Davide ndi mulunda webe. Ke padiye wamba ne: Ki mbimpe bua Yonatane amanye bualu ebu to. Bualu neanyingalale bikole. Nanku, bu mudi Maweja-Nangila ne muoyi, ne bu muudi wewe Yonatane ne muoyi, ndi nkujadikila ne: nkushala anu katupa kakese bua tatuebe kunshipa.

1 Samuele 14:45

Kadi bena mvita kuambila Shawule ne: — Yonatane udi mupeteshe bena Izrayele ditshimuna mu mvita eyi minene, neafue bua tshinyi? Kabiena mua kuenzeka to. Bu mudi Maweja-Nangila ne muoyi, katuena tuitabe nansha bua lusuki lua Yonatane lumate panshi to. Bualu bionsu bidiye muenze lelu ebi, mmuenze ne diambuluisha dia Mvidi Mukulu. Nanku, bena mvita kusungidila Yonatane bua kafu to.

1 Samuele 14:39

Bu mudi Maweja-Nangila, Musungidi wa bena Izrayele ne muoyi, ndi nditshipa ne: muntu udi muenze bibi neafue, nansha yeye muananyi wa balume Yonatane. Munkatshi mua bena mvita bonsu, muntu nansha umue kena muandamune to.

Matayi 26:7

Mukaji kampande kufika kudiye ne mulangi wa albatre, muwule ne manananshi a mushinga mukole. Kuelaye Yezu manananshi aa mu mutu pavuaye ku mesa.

Genese 21:15

Kadi mayi avuabu nawu mu kabulubulu kujika. Agare kushiya muana muinshi mua mutshi.

1 Bakalenga 17:11

Mukaji kuya bua kumuangatshila mayi. Kadi, muambi Eliya kumubikila kabidi, umuambila ne: — Untuadileku ne tshipese tshia diampa.

1 Bakalenga 17:13

Muambi Eliya kumuambila ne: — Kutshinyi to. Uye kuenza bu muudi wamba amu. Kadi, bangabanga ungenzele meme diampa dikese, umpeshe. Pashishe, wenza diampa diebe wewe ne dia muanebe.