1 Bakalenga 17:1 - MUKANDA WA MYIDI MUKULU

¹ Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

Mukanda wa Nzambi Dihungila Dikulukulu ne Dihungila Dihia-dihia 2003

¹ Eliya, Muena Tishebe, wakadi usomba mu Gilada, wakambila Ahaba ne, Bu mudi Yehowa, Nzambi wa Isalele, ne muoyo, undi ngimana ku mpala kuandi, nansha mume nansha nvula kabiena bimueneka bidimu ebi anu ku dî dianyi.

1 Bakalenga 17:1 Referans Kwoze

Yakobe 5:17

Eliya uvua muntu bu tuetu. Kutendelelaye ne munanunanu bua mvula kaloki. Mvula nansha kuloka bidimu bisatu ne tshitupa.

Luke 1:17

Neadianjile kumpala kua Mvidi Mukulu. Neikale ne lungenyi, kabidi ne bukole, bivua muambi Eliya nabi. Neatuangaje batatu ne bana. Neapingaje bantomboji mu njila wa bantu bakane. Nealongoluele Maweja-Nangila bantu badi bamuindila.

1 Bakalenga 22:14

Kadi, muambi Mika kuandamuna ne: — Bu mudi Maweja-Nangila ne muoyi, nemmuambile anu tshidi Maweja-Nangila ungambila.

2 Bakalenga 3:14

Elisha kubambila kabidi ne: — Bu mudi Maweja-Nangila Mvidi Mukulu wa bukole buonsu, undi ngenzela mudimu ne muoyi, ndi nnuandamuna anu, bualu ndi nnemeka Yosafate mukalenga wa bena Yuda. Bu meme tshiyi nnemeka Yosafate, tshivua mua kukuteleja, nansha kukutangila mene to.

Didimanyisha 11:6

Bajadiki abu badi ne bumfumu bua kukanga diulu, kukandika mvula bua kaloki matuku adibu bamanyisha bantu muaku wa Mvidi Mukulu. Badi kabidi ne bumfumu bua kuandamuna mayi enza mashi, ne bua kunyanga buloba, misangu yonsu idibu basue, ne bipupu bia mishindu yonsu.

Rome 11:2

Mvidi Mukulu kena mubenge bantu bende, bavuaye mudianze kudisunguila. Nudi bamanye bidibu bafunde mu Mukanda wa tshijila. Pavua Eliya ufunda bena Izrayele ku tshilumbu kudi Mvidi Mukulu,

Luke 21:36

Kanuladi tulu to! Nutendelele diba dionsu, bua nupete bukole bua kupitshisha bimpe bionsu bidi ne bua kuenzeka, ne bua kumueneka bakankamane kumpala kua Muana wa muntu.

Luke 9:30

Diakamue bantu babidi kumueneka muaba uvua Yezu, bayukila nende. Bavua Moshe ne Eliya,

Matayi 7:29

Bualu Yezu kavua ulongesha bu balongeshi bakuabu ba mikenji, uvua ulongesha ne bumfumu.

1 Bakalenga 18:1

Matuku a bungi mamane kupita, munkatshi mua tshidimu tshisatu tshia munanga, Maweja-Nangila kuambila muambi Eliya ne: — Uye kudi mukalenga Akabe, umuambila ne: Meme Maweja-Nangila nendokeshe mvula pa buloba buvua bumisha kudi munanga.

Dielulula 10:8

Tshikondu atshi Maweja-Nangila kupesha bena Levi midimu mishilangane eyi: kuambula mushete wa ndondu wa Maweja-Nangila, kuenzela Maweja-Nangila mudimu, kuela bantu lupemba mu dina dia Maweja-Nangila. Midimu eyi, ke itshidibu benza too ne mpindiewu.

Bienzedi 27:23

Butuku ebu, mutumibue wa Mvidi Mukulu undi ngitaba, nkuatshila mudimu, mmummuenekele.

Luke 1:19

Ke mutumibue kumuandamuna ne: — Meme ndi Ngabriyele. Ndi ngimana kumpala kua Mvidi Mukulu bua kumuenzela mudimu. Yeye mmuntume bua kuyukidilangana nebe, ne kukumanyisha Lumu elu lua Disanka.

1 Bakalenga 18:15

Muambi Eliya kuandamuna ne: — Bu mudi Maweja-Nangila ne muoyi, Maweja-Nangila wa bukole buonsu, undi nkuatshila mudimu, ndi nkujadikila ne: lelu netumonangane ne Akabe.

1 Bakalenga 18:10

Bu mudi Maweja-Nangila Mvidi Mukulu webe ne muoyi, ndi nkujadikila ne: mfumuanyi Akabe mmutume bantu mu bisamba bionsu ne mu makalenga onsu bua kukukebabu. Pavua bamfumu ba matunga bamba ne: “Muambi Eliya kena kuetu to,” bavua ne bua kuditshipa bua kujadika ne: kabena bakumona to.

Balombodi 12:4

Ke Yefete kubikidisha bena Ngilaade bonsu. Kuluishaye bena Efrayime, kubatshimuna. Bena Efrayime ke bavua bamba ne: “Nuenu bena Ngilaade, nudi anu bena Efrayime bavua banyema kuetu. Nudi bumuke mu tshisamba tshietu tshia bena Efrayime, bua kubuela mu tshia bena Menashe!”

Yowanane 1:25

Ke bavua bamukonka ne: — Paudi kuyi Meshiya, kuyi Eliya, nansha muambi utudi bindile, kadi udi utua bantu mu mayi bua tshinyi?

Yowanane 1:21

Kumukonkabu ne: — Kadi udi nganyi? Udi Eliya anyi? Yowanane kuandamuna ne: — Tshiena Eliya. Kumukonkabu kabidi ne: — Udi Muambi utudi bindile anyi? Kuandamunaye ne: — To.

Luke 9:54

Balongi bende Yakobe ne Yowanane bamona nanku, kuambabu ne: — Mfumu, udi musue tutume diyi mu diulu, kapia kapueke, kababutule anyi?

Luke 9:33

Pakavua bantu aba bumuka kudi Yezu, ke Petro kumuambila ne: — Mfumu, tudi ne disanka patudi tusomba apa. Nanku netuase tuzubu tua ntente tusatu, kamue kebe, kakuabu ka Moshe, kisatu ka Eliya. (Kavua mumanye tshivuaye wamba.)

Matayi 27:49

Kadi bantu bakuabu kuamba ne: — Indila, tutangile Eliya, ne wafika bua kumusungidila!

Matayi 27:47

Bantu bakuabu bavua muaba awu bumvua nanku, kuambabu ne: — Udi ubikila Eliya!

Matayi 16:14

Kumuandamunabu ne: — Bamue badi bamba ne: udi Yowanane-Batiste, bakuabu ne: udi Eliya, badipu kabidi ne: udi Yirmeya, nansha muambi mukuabu.

Matayi 11:14

Nuenu basue kuitaba tshindi ngamba, numanye ne: Yowanane ke Eliya uvuabu batumanyishe ne: neafike!

Yirmeya 15:19

Kadi Maweja-Nangila kungandamuna ne: Wewe mupingane kundi, nenkuakidile, ushale muena mudimu wanyi. Pawikala kuyi wamba kabidi malu a tshianana, kadi umanyishe bantu malu adi ne bualu, newikale tshiakabidi muambi wanyi. Meme nengikale mukana muebe. Bena Yuda badi ne bua kukulonda, kadi wewe kuena ne bua kubalonda bobu!

Yeshaya 49:18

Banduluka, tangila ku nseke yebe, umone: bana bebe badi badisanga pamue bonsu, bakadi bafika kuudi. Maweja-Nangila udi wamba ne: bu mundi Meme Mvidi Mukulu ne muoyi, ndi nditshipa ne: Neusanke bua bantu bebe, amu bu mudi nsongakaji, udi ubuela mu dibaka, usanka bua mabue a mushinga mukole, ne mukaba muimpe udiye uvuala.

2 Bakalenga 5:16

Kadi muambi Elisha kuandamuna ne: — Bu mudi Maweja-Nangila undi nkuatshila mudimu ne muoyi, ndi nkujadikila ne: tshiena ngangata tshintu nansha tshimue. Namane uvua anu umusengelela, kadi muambi Elisha kubenga.

1 Bakalenga 17:2

Pashishe, Maweja-Nangila kuambila muambi ne:

1 Bakalenga 17:12

Mukaji kuandamuna ne: — Bu mudi Maweja-Nangila Mvidi Mukulu webe ne muoyi, ndi nkujadikila ne: tshiena ne diampa to. Ndi mushale anu ne dianza dia bukula mu mulondu, ne mafuta makese mu kasu. Ndi mufike muaba ewu bua kuangula tukunyi, bua kuya kulamba biakudia bidi bishala abi, bua meme kudia ne muananyi wa balume. Patuadia biakudia abi netufue, bualu katuena ne bikuabu to.

2 Bakalenga 1:3

Kadi, mutumibue wa Maweja-Nangila kuya kuambila muambi Eliya, muena Tishebe, ne: — Juka uye kusambakena ne bantu badi mukalenga Akaziya wa mu Samariya mutume, ubakonke ne: “Mu ditunga dia bena Izrayele kamuena Mvidi Mukulu anyi? Nudi nuya kukonka anu mvidie Baale Zebube, udi mu Ekrone bua tshinyi?”

2 Bakalenga 5:20

Ngeyazi, muena mudimu wa muambi Elisha kuela meji ne: “Mfumuanyi Elisha mmubenge bintu bionsu bivuabu bamulambula kudi Namane, muena Siriya. Nanku, bu mudi Maweja-Nangila ne muoyi, ndi ndonda Namane bua kupeta bintu bikuabu bidiye nabi!”

2 Kulondolola 6:26

“Padi bena Izrayele bakutombokela, wewe mukandike bua mvula kaloki, kadi bena Izrayele batangile ku nzubu eku bua kukutendelela ne kukutumbisha, padibu badipuekesha, balekela kukutombokela,

Yobe 12:15

Padiye kayi mulokeshe mvula, bionsu bidi biuma. Padiye amu ulokesha mvula, buloba budi bunyanguke.

Yeshaya 5:6

Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Yirmeya 14:22

Ku mvidie yonsu ya patupu ya pa buloba, udi mua kulokesha mvula mvidie kaayi? Tshibuashibuashi nkayatshi katshiena mua kulokesha mvula, kadi amu wewe Maweja-Nangila. Mvidi Mukulu wetu, tudi bakutekemena, bualu amu wewe ngudi wenza malu onsu.

Yirmeya 28:8

Nansha wewe, nansha meme, katuyi banji kukuata mudimu wa buambi, kuvua bambi kale. Bambi abu bavua bambila bantu ba mu matunga manene, ne ba mu makalenga manene, malu a Mvidi Mukulu. Bavua bapita kumanyisha amu bua mvita, makenga ne disama dia tshiambu.

Agayi 1:10

Ke padi mvula kayi uloka, bintu kabiyi bitoloka.

1 Bakalenga 8:35

“Padi bena Izrayele bakutombokela, udi mua kukandika bua mvula kaloki to. Nanku, padi bena Izrayele batangila ku nzubu eku, bua kukutendelela ne kukutumbisha, padibu badipuekesha, balekela kukutombokela,

2 Bakalenga 4:38

Tshikondu tshivua tshiyole tshia nzala mu ditunga, Elisha kupingana mu tshimenga tshia Ngilgale. Kubikidishaye tshisumbu tshia bambi. Kuambilaye muena mudimu wende ne: — Teka luesu lunene pa kapia, utulambile nsupu.

2 Kulondolola 21:12

Dituku dikuabu, Yorame kupeta mukanda ufumina kudi muambi Eliya. Uvua mufunde ne: “Maweja-Nangila Mvidi Mukulu wa nkambua webe Davide, udi wamba ne: kuena mulonde tshilejilu tshia tatuebe Yosafate, nansha tshia kakuebe Asa, mukalenga wa bena Yuda.