1 Bakalenga 16:19 - MUKANDA WA MYIDI MUKULU

¹⁹ Bionsu ebi, bivua bienzeka bualu Zimri uvua muenze bidi Maweja-Nangila ubenga. Uvua muenze buenzayi, anu bu muvua Yerobowame muenze, mufikishe kabidi bena Izrayele ku dienza bibi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ bua malu mabi akenzeye ku mesu kua Yehowa bua kuendeye mu nshila wa Yalobama ne bua malu mabi akenzesheye Bena Isalele.

1 Bakalenga 16:19 Referans Kwoze

1 Bakalenga 15:26

Uvua muenze bidi Maweja-Nangila ubenga. Uvua muenze malu anu bu tatuende, uvua ufikisha bena Izrayele ku dienza bibi. Nadabe uvua muenze malu mabi onsu avua tatuende muenze.

1 Bakalenga 15:34

Kadi, kuenzaye malu mabi avua Maweja-Nangila kayi musue to. Kuenzaye malu mabi bu muvua Yerobowame muenze, mufikishe ne bena Izrayele ku dienza bibi. Uvua muenze malu mabi avua Yerobowame muenze.

1 Bakalenga 14:16

Maweja-Nangila nealekele bena Izrayele, bualu Yerobowame mmuenze bibi, kabidi mmufikishe bena Izrayele ku dienza bibi.

1 Bakalenga 12:28

Mukalenga Yerobowame kuela meji, ukeba tshia kuenza. Pashishe kuenzaye tuana tua ngombe tubidi tua tshiamu tshia mpawungi. Kuambilaye bena Izrayele ne: — Nuvua nuya mu Yerushalayime misangu yonsu. Kadi mpindiewu kanuyi kabidi mu Yerushalayime to. Tangilayi Mvidi Mukulu wenu uvua munupatule mu Ejipitu udi muaba ewu.

Misambu 9:16

Bisamba bia bantu mbidishinde mu tshiina, tshivuabi biumbuile bisamba bikuabu. Bukondu buvuabi biele mu musokoku mbubijingile.

1 Bakalenga 16:13

Bionsu abi bivua bienzeka, bualu Basha ne muanende Ela bavua benza bibi. Bavua bafikisha kabidi bena Izrayele ku dienza bibi. Bualu Maweja-Nangila Mvidi Mukulu wa bena Izrayele, uvua mufike munda bua mvidie ivuabu batendelela.

1 Bakalenga 16:7

Maweja-Nangila uvua muambile muambi Yehu, muana wa Anani, bua amanyishe Basha ne bena nzubu malu aa, anu bua buenzayi buabu. Basha ne bena nzubu wende bavua benza bidi Maweja-Nangila ubenga, bualu bavua benza malu mabi anu bu muvua Yerobowame ne bena nzubu wende benza. Uvua mushipeshe kabidi ndelanganyi ya Yerobowame yonsu.

1 Bakalenga 15:30

Bionsu abi bivua bienzeka bualu Yerobowame uvua muenze bibi, mufikishe kabidi bena Izrayele ku dienza bibi. Bualu ebu buvua bufikisha Maweja-Nangila Mvidi Mukulu wa bena Izrayele, munda bikole.

1 Bakalenga 16:26

Uvua muenze buenzavi anu bu Yerobowame, muana wa Nebate, uvua mufikishe bena Izrayele ku dienza bibi. Maweja-Nangila Mvidi Mukulu wa bena Izrayele, uvua mufike munda bua mvidie ivuabu batendelela.