1 Bakalenga 1:11 - MUKANDA WA MYIDI MUKULU

¹¹ Nanku, muambi Natane kuya kudi Batsheba, mamuende wa Shelomu umuambila ne: — Bushuwa ukadi mumane kumvua ne: Adoniya, muana wa Agite, mmuditeke mu bukalenga. Kadi mukalenga Davide kena mumanye bualu ebu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe Natana wakambila Betasheba, mamu wa Solomo, ne, Kuakunvua lumu ne, Adoniya, muana wa Hagita, udi ukokesha, ne mukelenge wetu Davidi kena mumanye bualu ebu, anyi?

1 Bakalenga 1:11 Referans Kwoze

2 Samuele 3:4

Muana muinayi udi Adoniya, muana wa Angite. Muana muitanu udi Shefatya, muana wa Abitale.

1 Kulondolola 29:1

Mukalenga Davide kuambila bena Izrayele bonsu bavua muaba awu ne: — Muananyi Shelomu udi Maweja-Nangila musungule, utshidi muana mutekete, kena muanji kujingulula bimpe mudi panu. Kadi mudimu wa kuenza mmupite bunene, bualu ki nnzubu wa bukalenga bua muntu udiye ne bua kuasa to. Kadi nnzubu wa Maweja-Nangila Mvidi Mukulu.

2 Samuele 15:10

Pavuaye mu tshimenga atshi, kutumaye bantu bende mu musokoku mu bimenga bionsu bia bena Izrayele. Bantu abu, bavua baye bua kuambila bena Izrayele ne: “Panuikala bumvua miadi ya mpungi, nuele mbila ne: Absalome ke udi mushale mukalenga mu Ebrone.”

1 Bakalenga 1:10

Kadi kavua mubikile muambi Natane, nansha Benaya, nansha muanabu Shelomu ne bena mvita bavua balame mukalenga Davide.

1 Bakalenga 2:13

Dituku dikuabu, Adoniya, muana uvua Davide mulele ne mukajende Agite, kuya kudi Batsheba, mamuende wa Shelomu. Batsheba kukonka Adoniya ne: — Udi mufike ne muoyi wa kungenzela bimpe anyi? Adoniya kuitaba ne: — Eyowa.