Zekâya 9:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yehowa Nzambi wabo nebahandishe mu dituku adi, nealame bantu bandi bu tshisumbu tshia mikoko; bualu bua nebikale bu mabue a mushinga mukole mu tshifulu tshia mukelenge, bakenka mu buloba buandi.

MUKANDA WA MYIDI MUKULU

¹⁶ Dituku adi, Maweja-Nangila Mvidi Mukulu neasungidile bantu bende, mudi mulami wa mikoku usungidila mikoku yende. Nebakenke bu mabue a mushinga mukole, adi ku tshifulu tshia lumu. Nebele nsese mu ditunga.

Zekâya 9:16 Referans Kwoze

Yeshaya 62:3

Newikale tshifulu tshia bulengele mu tshianza tshia Yehowa, ne tshifulu tshia bukelenge mu tshianza tshia Nzambi webe.

Luke 12:32

Nuenu tshisumbu tshikese tshia mikoko, kanutshinyi; bua Tatu wenu udi musue kunuha bukelenge.

Agayi 2:23

Yehowa wa misumba udi wamba ne, Mu dituku adi, Nenkuangate wewe Zelubabela, muntu wanyi, muana wa Shalatiele, nenkuvuishe bu kakanu ka ku munu wanyi; bualu bua nakukusungula. Yehowa wa misumba udi wamba mei â.

Yowanane 10:27

Mikoko yanyi idi yunvua dî dianyi, ndi muimanye, idi indonda;

Yezekiyele 34:31

Mukelenge Yehowa udi wamba ne, Nuenu, mikoko yanyi, mikoko ya mu budimi buanyi bua mashinde, undi bantu, ne meme ndi Nzambi wenu.

Yirmeya 31:11

Bualu bua Yehowa wakuhikula Yakoba, wakamusungila mu bianza bia wakadi umuhita bukole.

Yeshaya 60:14

Bana ba balume ba bantu aba bakakukengesha nebalue badinamina hanshi kûdi; bantu aba bonso bakakuhetula nebatue mpala yabo hanshi tô ne ku makasa ebe mene; nebakubikile ne, Musoko wa Yehowa, Siona wa Wa Tshijila wa Isalele.

Yeshaya 60:3

Bisamba bia bantu nebilue ku munya webe, bakelenge nebalue ku dinkenke dia kubanda kua munya webe.

Misambu 100:3

Numanye bienu ne, Yehowa udi Nzambi! Nyeye mene wakatufuka, tudi bantu bandi; tudi bantu bandi ne mikoko ya mu mpata wandi.

Zekâya 8:23

Yehowa wa misumba udi wamba dî edi ne, Mu matuku au bantu dikumi ba mu muaku ne mu muaku nebakuate ku luzemba lua tshivuali tshia Muena Yuda, bamuambila ne, Tudi basue kuya nʼebe, bualu bua tuakunvua ne Nzambi udi nʼebe.

Yeshaya 40:10

Monai! Mukelenge Yehowa nealue bu muena bukole, ne diboko diandi nedimukokeshile bantu. Monai! Bukenji buandi budi nʼandi, ne ditutu diandi didi ku mpala kuandi.

Sefanya 3:20

Mu tshikondo atshi nendue nʼenu, ne mu tshikondo atshi nennusangishe hohamue; bua nennuvuishile dina dinene ne butumbi munkatshi mua bantu bonso ba ha buloba, hanahingasha diakalengele dienu ku mesu kuenu mu muaba wa buhika buenu. Yehowa udi wamba dî edi.

Mika 7:14

Ulombele bantu bebe ne mulangala webe wa bulami, mikoko ya buhianyi buebe, idi mishikame ha nkayai mu ditu munkatshi mua Kâmele; badie biabo mu Bashana ne mu Gilada, bu muakenzabo mu matuku a kale.

Yirmeya 23:3

Nensangishe mikoko ya mu tshisumbu tshianyi idi ishala, nenyumushe mu maloba onso anakuyituma, nendue nʼai kabidi mu mpangu yai; neyilelangane, neyikumbane ya bungi.

Mika 5:4

Yeye neajalame, neadishe mikoko yandi mu bukole bua Yehowa, mu butumbi hua dina dia Yehowa Nzambi wandi. Yoyi neyishikame tshiendelele, bualu bua mu tshikondo atshi yeye neikale ne butumbi tô ne kunfudilu kua buloba.

Yirmeya 31:10

Nuenu ba mu bisamba bia bantu, unvuai dî dia Yehowa, nudiambe mu maloba a ku muelelu wa mai manene adi kule; nuambe ne, Wakatangadisha Bena Isalele neabasangishe kabidi, neabalame bu mudi mulami ulama mikoko yandi.

Zekâya 10:6

Nenkoleshe Bena Yuda, nempandishe ba mu tshiota tshia Yosefe, nembahingashe kabidi bualu bua ndi nʼabo luse, nebikale bu bavua kabayi bihatshibue kundi; bualu bua ndi Yehowa Nzambi wabo, nembunvuile.

Ekesode 28:9

Wewe newangate mabue abidi a onyx, ufundehu mena a Bena Isalele,

Ekesode 28:21

Mabue neikale dikumi ne abidi bu bungi bua mena a Bena Isalele, nebafunde dina dia tshisamba ne tshisamba tshia Bena Isalele ha dibue ne ha dibue.

Yeshaya 54:12

Nengase bibumba bia mu nsubu yebe ne mabue a rubis, nengase bibi bia musoko webe ne mabue a escarboucle, ne ngumbu yebe yonso idi ikunyunguluka ne mabue a mushinga mukole.

Yezekiyele 34:11

Bualu bua Mukelenge Yehowa udi wamba ne, Monai, meme, meme nkayanyi nendonde mikoko yanyi, nenyikebe.

Yezekiyele 34:12

Bu mudi mulami wa mikoko ukeba tshisumbu tshia mikoko yandi mu dituku didiyi mitangadishibue, nunku nenkebe mikoko yanyi; nenyisungile ku miaba kudiyi mitangadishibue mu dituku dia matutu ne dia mîdima mikole.