Zekâya 3:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Wakandesha Yoshua muakuidi munene muimane ku mpala kua muanjelo wa Yehowa, ne Satana muimane ku tshianza tshiandi tshia balume bua kumudingila malu.

MUKANDA WA MYIDI MUKULU

¹ Maweja-Nangila kundeja Yeshuwa, mutuangaji munene, muimane kumpala kua mutumibue wa Maweja-Nangila. Satane uvua muimane ku dia balume dia Yeshuwa bua kumufunda ku tshilumbu.

Zekâya 3:1 Referans Kwoze

1 Petro 5:8

Nuikale bahote, nutabale; umena lukuna wenu, diabolo mene, udi wendakana bu nyama wa ntambue udi ukungula, ukeba bantu ba kudieye;

Luke 22:31

Yesu wakamba ne, Simona, Simona, mona, Satana wakalomba mua kunuangata bualu bua kunusengeye bu ntete;

Misambu 109:6

Sungula biebe muntu mubi bua kuikaleye ku mutu kuandi; mumubandi wandi imane ku tshianza tshiandi tshia balume.

Luke 21:36

Tabalai misangu yonso, nutendelele Nzambi mua kuikala ne bukole bua kuhanduka mu malu â onso alua, ne bua kuimana ku mesu kua Muana wa muntu.

Malaki 3:1

Yehowa wa misumba udi wamba ne, Monai, ndi ntuma messager wanyi, yeye nealongolole nshila ku mpala kuanyi; Mukelenge unudi nukeba nealue lubilu mu ntempelo wandi, messager wa dihungila, unudi nʼandi disanka, monai mudiye ulua!

Agayi 1:1

Mu tshidimu tshibidi tshia mukelenge Dayawesha, mu ngondo muisambombo, mu dituku dia kumudidi dia ngondo, dî dia Yehowa diakalua mukana mua muprofete Hagai kudi Zelubabela, muana wa Shalatiele, gouverneur wa mu Yuda, ne kudi Yoshua, muana wa Yehosadaka, muakuidi wa ha mutu ha bakuabo,

1 Kulondolola 21:1

Satana wakimana ku mpala kua Bena Isalele, wakasonsola mutshima wa Davidi bua kubaleye Bena Isalele.

Zekâya 6:11

Eyo, angata argent ne or kudibo, wifule bifulu bia butumbi, ubiase ku mutu kua Yoshua, muana wa Yehosadaka, muakuidi mimene.

Zekâya 3:8

Nunku, unvuai, wewe Yoshua muakuidi munene, wewe ne balunda bebe badi bashikame ku mpala kuebe; bualu bua badi tshimanyinu tshia malu mimpe alualua ku mpala; bualu bua nendue ne muntu wanyi Lutonga.

Agayi 2:4

Kadi Yehowa udi wamba ne, Kolesha mutshima webe mpindiu, Zelubabela; wikale ne mutshima mukole, wewe Yoshua, muana wa Yehosadaka, muakuidi munene; koleshai mitshima yenu, nuenu bantu bonso ba mu buloba ebu; enzai mudimu kabidi, bualu bua Yehowa wa misumba udi wamba ne, Meme ndi nʼenu.

Agayi 1:12

Hashishe, Zelubabela, muana wa Shalatiele, ne Yoshua, muana wa Yehosadaka, muakuidi wa ha mutu ha bakuabo, ne bantu bonso bakadi bashala, bakatumikila dî dia Nzambi wabo, ne mei a muprofete Hagai, bualu bua Yehowa Nzambi wabo, wakamutuma; ne bantu bakadi batshina ku mpala kua Yehowa.

2 Kulondolola 29:11

Bana banyi balume, kanujangaluki; bualu bua Yehowa wakanusungula bua nuenu nuimane ku mpala kuandi bua kumukuatshila mudimu, ne bua nuenu nuikale bena mudimu bandi ne bua kumuoshela musenga wa manananshi.

Genese 48:16

muanjelo wakampikula ku malu mabi onso, avudishile bansongalume aba disanka, dina dianyi ne dina dia batatuʼanyi, Abalahama ne Isaka, ashale kudibo, bakumbane ba bungi mu buloba.

Zekâya 2:3

Monai, muanjelo wakadi uyikila nʼanyi wakumuka, ne munga muanjelo wakalua kusangakena nʼandi;

Zekâya 1:19

Nunku nakambila muanjelo wakadi uyikila nʼanyi ne, Ebi mbinganyi? Yeye wakangandamuna dî ne, Ei nnsengu yakatangadisha Bena Yuda, Bena Isalele ne Bena Yelushalema.

Zekâya 1:13

Yehowa wa kandamuna muanjelo wakadi uyikila nʼanyi mei makese, mei a kumusamba nʼau.

Zekâya 1:9

Nakamba ne, Mukelenge wanyi, ebi mbinganyi? Muanjelo wakadi uyikila nʼanyi wakangambila ne, Nenkujinguluile bintu ebi.

Yezekiyele 44:15

Mukelenge Yehowa udi wamba ne, Kadi bakuidi ba munkatshi mua Bena Lewi, bana ba Sadoka, bakadi balama tshitendelelu tshianyi hakahambuka Bena Isalele bua kumuka kundi, bobo bine basemene ha buihi hanyi bua kunkuatshilabo mudimu; bimane ku mpala kuanyi bua kufila manyi ne mashi kundi.

Yezekiyele 44:11

Nebikale bakuatshi ba mudimu mu tshitendelelu tshianyi, bikale ne mudimu wa kulama bibuelelu bia ku ntempelo, bakuate mudimu wabo munda mua ntempelo, bashihele bantu milambu yabo ya kuosha ne milambu mikuabo, bimane ku mpala kuabo bua kubakuatshila mudimu.

Yirmeya 15:19

Nunku Yehowa udi wamba ne, Biwalukila kundi, nenkuhingashe bua wewe wimane ku mpala kuanyi; biûmusha malu ebe matambe buimpe bua kâbuelakanyi ne malu adi mabi, wewe newikale bu mukana muanyi. Bobo nebahingane kûdi, kadi wewe kuena ne bua kuhingana kudibo.

Misambu 106:23

Nunku yeye wakamba ne, Nembabutule; bualu buakadiye kuenza, kadi Mose, muntu wandi musungula, wakimana hankatshi habo ne Nzambi bua kukudimuneye tshiji tshiandi bua kababutudi.

Ezela 5:2

Hashishe Zelubabela, muana wa Shaletiele, ne Yeshua, muana wa Yozadaka, bakajuka, bakabanga kuasa nsubu wa Nzambi udi mu Yelushalema; baprofete ba Nzambi bakadi nʼabo, bakabakuatshisha.

1 Samuele 6:20

Bena Bete-shemeshe bakakonkangana ne, Nganyi udi mumanye mua kuimana ku mesu kua Yehowa, Nzambi wa tshijila? Humukeye kutudi, neaye kudi banganyi?

Dielulula 18:15

Yehowa, Nzambi wenu, neanubishile muprofete munkatshi mua bana benu bu meme, nenunvue dî diandi:

Dielulula 10:8

Ku tshikondo atshi Yehowa wakajidila tshisamba tshia Lewi, bua kutualabo mushete wa tshihungidi tshia mei a Nzambi, ne bua kuimana ku mpala kua Yehowa bua kamuenzela mudimu, ne bua kuvudishila bantu disanka mu dina diandi, bu mudibo benza lelu.

Genese 3:15

Nenteke lukuna hankatshi hebe ne mukashi, ne hankatshi ha bana bebe ne bana bandi, muana wa mukashi neakukume ku mutu kuebe, ne wewe neumusume ku tshikankanyi-tshiandi.

Ezela 10:18

Munkatshi mua bana ba bakuidi bakadi babake bakashi ba bende bakasangana bantu nunku: ba bana ba Yeshua, muana wa Yozadaka, ne bana babo Mâseya ne Eliezê ne Yaliba ne Gedaliya.

Zekâya 4:14

Nunku yeye wakamba ne, Ebi bidi bu bantu babidi bakajidilabo ne manyi, badi bimana ha buihi ne Mukelenge wa buloba buonso.

Ezela 2:2

hakahia ne Zelubabela bakadi Yeshua, Nehemiya, Selaya, Lêlaya, Môdekai, Bileshana, Misepâ, Bigewai, Lehuma ne Bâna. Bungi bua bantu ba mu Bena Isalele bakadi: