Zekâya 10:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Dibue dia mu ditumba dia nsubu nedifume kudi Bena Yuda, ne mutondo wa ntenta neufume kudibo kabidi; buta bua kuluangana nʼabu nvita nebufume kudibo, ne bakokeshi bonso nebafume kudibo.

MUKANDA WA MYIDI MUKULU

⁴ Bamfumu ba mishindu yonsu, nebafume mu tshisamba etshi, nebikale ne bukole, bu dibue dia mu ditumba, bashindame bu milonda idibu bashindika nayi ntenta mu buloba, bakole bu buta bua mvita.

Zekâya 10:4 Referans Kwoze

Zekâya 9:10

Yeye neatshibule dikalu dia nvita ku Efelayima, neashihe kabalu ka nvita ku Yelushalema, neatshibule buta bua nvita; neambe mei a kuvuisha nʼau ditalala munkatshi mua bisamba bia bantu. Bukokeshi buandi nebuikale ku mai manene tô ne ku mai manene makuabo, ne ku musulu wa Pelata tô ne kunfudilu kua buloba.

Zekâya 9:8

Nenyunguluke nsubu wanyi bu mudi bansentedi bamulama, bua muntu kahitshi eku ne eku; bua mubakengeshi kafila ku luseke luabo kabidi; bualu bua mpindiu udi mulami wabo mutabale.

Dibadika 24:17

Ndi mumutangile kadi tshiena mumutangile katataka, ndi mumumone kadi yeye kena ha buihi, Mutoto nebiluhuke kudi Yakoba, ne dikombo dia bukelenge nedibike munkatshi mua Bena Isalele, nedikume ku matshika a Moaba, nedishihe bana bonso ba Shete.

Didimanyisha 17:14

Ne bobo nebaluangane nvita ne Muana wa Mukoko, ne Muana wa Mukoko neabahite bukole, bualu bua yeye udi Mukelenge wa bakelenge ne Nfumu wa banfumu; ne bantu badi nʼandi, babikidibue, ne basungidibue, ne ba kueyemena, nebahite bukole kabidi.

2 Timote 2:4

Kakuena disalayi didi dijingila ne malu a muoyo wa ha buloba henzadi mudimu wadi, bua kusankishadi wakadibuesha mu busalayi.

Matayi 9:38

Nunku, nulombe Mukelenge wa bintu bia kunowa, atume biandi bena mudimu mu kunowa kuandi.

Yirmeya 1:18

Mona, lelu eu ndi nkuvuisha bu musoko wa lumbu, ne bu dikunshi dia tshiamu, ne bu bimanu bia tshiamu tshia mitaku ku mpala kua bena buloba aba bonso, ku mpala kua bakelenge ba Yuda, ku mpala kua baminyampala babo, ku mpala kua bakuidi babo, ne kua bantu ba hatuhu ba mu buloba ebu.

Yeshaya 54:16

Tangila, nakufuka mutudi wa biamu udi uhuhisha kadilu ka makala ne udi uhatula tshielelu tshia nvita tshiakanangane ne mudimu watshi; ne nakufuka muhaudi bua kuhauleye;

Yeshaya 49:2

Wakuvuisha mukana muanyi bu muele wa nvita udi musakisha bimpe; wakunsokoka mu dileshi dia tshianza tshiandi; wakunvuisha mukete musenene, wakunsokoka mu musaka wandi wa mikete.

Yeshaya 19:13

Bakokeshi ba mu Soana bakulua bahote, bakokeshi ba mu Mempi bakudingibua; bantu badi bu dibue dia mu ditumba dia bisamba biabo bakuhambuisha ba mu Ejipitu.

Misambu 118:22

Dibue diakahidiabo kudi bibaki ba nsubu diakulua mutu wa ditumba.

Ezela 9:8

Katataka mu tshituha tshikese Yehowa, Nzambi wetu, wakutulesha luse luandi bua kutushila difuka dikese dia bantu ne bua kutuha mutshi wa tshikuminu mu muaba wandi wa tshijila, bua Nzambi wetu atabashe mesu etu, bua kutusangasha mu buhika buetu.

1 Samuele 14:38

Shaula wakamba ne, Nuenu bukelenge ba bantu, Semenai ha buihi, tumanye bietu, tujingulule bilengele kuakafuma bualu ebu bubi lelu eu.

Genese 49:24

kadi buta buandi buakuikala bukole, maboko andi ne bianza biandi biakakoleshibua kudi bianza bia Nzambi wa Bukole wa Yakoba. (Mulami wa mikoko wakafumaku, ku dibue dia Isalele).

Luke 20:17

Kadi yeye wakabajosha, wakabakonka ne, Edi ndî kai diakafundabo mu Mukunda wa Nzambi ne, Dibue diakahidiabo kudi bibaki ba nsubu Bakaditeka ku mutu kua ditumba?

Efeze 2:20

Tudi tuibakibua ha mutu ha bapostolo ne baprofete, bu bishimikidi bia nsubu; Kilisto Yesu nkayandi udi dibue dinene dia ku ditumba dia nsubu;

1 Petro 2:6

Bualu bua dî didi mu Mukanda wa Nzambi ne, Tangilai, udi nteka mu Siona dibue dinene dia mu ditumba dia nsubu, disungula ne dia mushinga mukole; Weyemena kudidi kena ufuishibua bundu.

Yirmeya 51:20

Wewe udi tshilonda tshianyi ne bielelu bianyi bia nvita, nentshibule nʼabi ba mu bisamba bia bantu bituha, nembutule nʼabi makelenge;

Yeshaya 28:16

Bua mei â Mukelenge Yehowa udi wamba ne, Tangilai, ndi nteka dibue mu Siona bua kuasahu bishimikidi bia nsubu, ndibue diakutetshibua bimpe, dibue dia mushinga mukole didi ditumba dia mu bishimikidi bijadikibue bikole; waditabusha kena udiendesha lukasa.