Zekâya 1:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Kanuikadi bu muakadi batatu benu, bobo mene bakambilabo kudi baprofete ba diambedi ne, Yehowa wa misumba udi wamba ne, Alukilai bienu kundi ne lekelai kulonda bienzedi bienu bibi ne malu mabi enu. Kadi Yehowa udi wamba ne, Bobo kabakangunvuila, kabakateleja matshu abo kundi.

MUKANDA WA MYIDI MUKULU

⁴ Kanulondi malu avua bankambua benu benza. Bambi bavua bababela ku kale mu dina dianyi, bua balekele malu abu mabi ne ngenzelu yabu mibi. Kadi kabavua basue kubateleja. Kabavua bitabe.

Zekâya 1:4 Referans Kwoze

Misambu 78:8

Bua bana aba kabikadi bu muakadi batatu babo, bakadi mulongo wa bena tshitshu ne batomboki, mulongo wa bantu bakadi kabayi ne mitshima yabo nutantamane, ne bakadi ne nyuma yakadi kayiyi nueyemene Nzambi.

Yezekiyele 33:11

Ubambile ne, Mukelenge Yehowa udi wamba ne, Bu mundi meme ne muoyo, tshiena ne disanka bua lufu lua muntu mubi, kadi ndi nsanka bua muntu mubi umuke mu nshila wandi mubi bua ikale ne muoyo. Tshingulukai! Tshingulukai! Lekelai bienzedi bienu bibi! Bualu kai nudi basue kufua, nuenu Bena Isalele?

Yirmeya 35:15

Nakunutumina kabidi bena mudimu banyi honso, baprofete mene, mbika ne lunkelu bua kubatuma kunudi bua kunuambila ne, Muntu yonso alekele kuenda mu nshila wandi mubi, alongolole bienzedi biandi, kalondi nzambi mikuabo bua kuyikuatshila mudimu, bua nushikame mu buloba bunakanuha nuenu ne batatu benu. Kadi kanuakuteleja matshu enu kundi, kanuakungunvuila.

Zekâya 1:3

Nunku ubambile ne, Yehowa wa misumba udi wamba ne, Hinganai kundi, ne meme nempingane kunudi! Yehowa wa misumba udi wamba nunku.

1 Petro 1:18

Bualu bua nudi bamanye ne, Tuakahikudibua, kenku bintu bidi bijimina, ku argent anyi ku ngolo, mu malu a hatuhu a muoyo wenu akanushilabo kudi batatuʼenu;

Bienzedi 26:20

kadi nakambila ba mu Damaseke diambedi, ne ba mu Yelushalema, ne ba mu luseke luonso lua Yudaya, ne ba bisamba bia bende kabidi, bua kukudimunabo mitshima yabo, batshinguluke kudi Nzambi, benze malu adi makanangane ne dikudimuna dia mitshima yabo.

Bienzedi 3:19

Kudimunai mitshima yenu, andamukai kabidi, bua mibi yenu Ijimishibue; bua bikondo bia kunukankamasha bifume ku mesu kua Mukelenge,

Mika 2:6

Badi bambila baprofete ne, Lekelai tshiakulakula tshienu; lekelai kuakula malu â; bihendu kabiena bishika.

Amosa 5:24

Kadi kulumbulula kuakane kuhueke hanshi bu mai, ne buakane buikaleku bu musulu udi uhueka tshiendelele.

Osheya 14:1

Nuenu, Bena Isalele, hinganai kudi Yehowa Nzambi wenu, bualu bua nuakudishinda hanshi bua mibi yenu.

Yirmeya 44:16

Tudi tuamba bua dî diebe diwakutuambila mu dina dia Yehowa ne, Katuena tukunvuila.

Yirmeya 26:5

ne bua kunvua bienu mei a bantu banyi baprofete bandi nnutumina, njuka hanyi dinda dinda bua kubatuma kunudi, kadi kanuakubunvuila;

Yirmeya 18:11

Nunku wambile bantu ba mu Yuda ne ba mu Yelushalema dî edi ne, Yehowa udi wamba ne, Monai, ndi nnulongoluela makenga, ndi nnusunguila bualu bua kunuenzela; nunku buonso buenu nulekele kuenda mu nshila idi mihi, nulengeshe bienzedi bienu ne malu anudi nuenza.

Yirmeya 3:12

Ya, wele mbila ei ku luseke lua node, wamba ne, Yehowa udi wamba ne, Wewe Isalele, mundekedi, hingana kundi, Yehowa udi wamba ne, Tshiena nkutangila ne tshiji; bualu bua ndi ne luse; tshiena ngikala ne tshiji tshiendelele.

Yeshaya 31:6

Hinganai bienu, nuenu bana ba Isalele, kudi yeye unuakutamba kutombokela.

Nehemya 9:30

Kadi wewe wakabafuila luse bidimu bia bungi, wakabadimusha kudi Nyuma webe mukana mua baprofete bebe; kadi bobo kabakateleja matshu abo; nunku wewe wakabafila mu bianza bia bena maloba makuabo.

Nehemya 9:26

Kadi kabakatumikila dî diebe, bakakutombokela, bakakema mikenji yebe nyima, bakashiha baprofete bebe bakasua kubabela bua kukudimusha mitshima yabo kûdi kabidi; bakakutatshisha ne ntatu mikole.

Nehemya 9:16

Kadi bobo ne bankambua betu bakadisua, bakambula mpala yabo, kabakunvua mikenji yebe,

Ezela 9:7

Ku matuku a bankambua betu tô ne ku lelu tuakutamba kuhila; bua malu mabi etu, tuetu ne bakelenge betu ne bakuidi betu tuakafidibua mu bianza bia bakelenge ba maloba makuabo ku muele wa nvita, ku buhika ne ku kuhaula kua bintu bietu ne ku kufuishibua kua bundu ku mesu, bu mudibiku lelu eu,

2 Kulondolola 34:21

Yai bienu, nunkonkele Yehowa ne bantu badi bashala mu Isalele ne Yuda bua mei adi mu mukanda eu unuakasangana; bualu bua tshiji tshikole tshia Yehowa tshidi kutudi bualu bua batatuʼetu kabakatumikila mei a Yehowa bua kuenza malu onso adi mafunda mu mukanda eu.

2 Kulondolola 30:7

Kanuikadi bu batatuʼenu ne bu bana benu, bakenzela Yehowa, Nzambi wa bankambua babo, bibi, nunku yeye wakabafila bua bobo batuishe bakuabo mikemu, bu munudi numone.

Yirmeya 4:1

Yehowa udi wamba ne, Biwahingana kundi, wewe Isalele, biwahingana kundi, ne biûmusha malu a tshinyangu tshiebe ku mesu kuanyi, nunku wewe kuena umushibua.

Yirmeya 23:22

Bu bobo bimane ku mpala kuanyi bua kuangata lungenyi, hashishe bakadi kunvuisha bantu mei anyi; bakadi kubatshungulula ku nshila yabo mibi, ne ku bienzedi biabo bibi.

Yezekiyele 20:18

Mu tshihela nakambila bana bakalelabo ne, Kanulondi malu a batatu benu, kanutumikidi mikenji yabo, kanudinyangi ne mpingu yabo.

Yezekiyele 33:4

hashishe, muntu yonso udi unvua dî dia mpungi, kayi udimuka, bialua muele wa nvita kumushiha, mashi andi neikale anu ha mutu handi yeye.

Zekâya 7:7

Kanuakunvua mei akamba Yehowa mukana mua baprofete ba diambedi, hakadi Yelushalema ne bantu ne diakalengele, ne hakadi misoko numunyunguluke, ne hakadi bantu bashikame mu buloba ku Sude ne mu tshibanda, anyi?

2 Kulondolola 30:6

Nunku miloho yakaya ne mikanda ya mukelenge ne ya bantu banene ku nseke yonso ya Bena Isalele ne ya Bena Yuda, bu muakadi mukenji wa mukelenge ne, Nuenu Bena Isalele, kudimunai mitshima yenu kudi Yehowa, Nzambi wa Abalahama ne wa Isaka ne wa Isalele, bua yeye ahingane kudi difuka dienu diakahanduka mu bianza bia bakelenge ba Ashû.

Yirmeya 3:14

Yehowa udi wamba ne, Hinganai kundi, nuenu bana banyi bakadi bandekela, bualu bua ndi bayenu. Nennusungulule, muntu umue ku musoko umue, bantu babidi ku diku ne ku diku, nendue nʼenu ku Siona.

Yirmeya 25:8

Yehowa wa misumba udi wamba ne, Bualu bua kanuakumi mei anyi,

Yezekiyele 14:6

Bua malu â ambila ba mu tshisamba tshia Bena Isalele ne, Mukelenge Yehowa udi wamba ne, Kudimunai mitshima yenu, nukome mpingu yenu nyima, umushai mesu ku malu enu a bundu.

Danyele 9:6

Katuakunvuila bantu bebe, baprofete, bakuamba mei mu dina diebe kudi bakelenge betu, bakokeshi betu, batatu etu ne kudi bantu bonso ba mu buloba buetu.