Zekâya 1:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nunku nakambila muanjelo wakadi uyikila nʼanyi ne, Ebi mbinganyi? Yeye wakangandamuna dî ne, Ei nnsengu yakatangadisha Bena Yuda, Bena Isalele ne Bena Yelushalema.

Zekâya 1:19 Referans Kwoze

Zekâya 8:14

Bualu bua Yehowa wa misumba udi wamba ne, Bu munakela meji bua kunuenzela bibi, bakankuatshisha batatu benu tshiji, ne tshiakakudimuna mutshima wanyi;

Zekâya 2:2

Nunku nakamukonka ne, Uyaya kudi kunyi? Yeye wakangandamuna ne, Bua kuidikisha Yelushalema, bua kutangila ne udi ne butshiama kai ne bule kai.

Zekâya 1:21

Nunku meme nakamukonka ne, Bantu aba bakulua kuenza tshinyi? Yeye wakamba ne, Ei nnsengu yakatangadisha Bena Yuda, ne bua muanda eu kakuakadi muntu wakabisha mutu wandi; ne hatudi aba bakulua bua kubakuatshisha buowa, ne bua kukosa hanshi nsengu ya ba mu bisamba bia bantu, biakambula nsengu yabo bua kuluisha nʼai ba mu buloba bua Yuda ne bua kutangadisha badimu.

Zekâya 1:9

Nakamba ne, Mukelenge wanyi, ebi mbinganyi? Muanjelo wakadi uyikila nʼanyi wakangambila ne, Nenkujinguluile bintu ebi.

Ezela 4:4

Hashishe bena buloba bakatekesha maboko a Bena Yuda, bakatatshisha mu mudimu wabo,

Ezela 4:1

Hakunvua bena lukuna ba Bena Yuda ne Bena Benyamina lumu ne, Bantu bakahingana ku buhika badi bashila Yehowa, Nzambi wa Isalele, ntempelo,

Ezela 4:7

Mu matuku a Atashasete, Bishilama ne Miteledata ne Tabêla ne ba ku mulongo wabo bakafundila Atashasete, mukelenge wa Pelasa, mukanda; mukanda eu wakadi mufundibue mu maleta a Bena Sulia, mufundibue mu muaku wa Bena Sulia.

Abakuke 3:14

Wakasompola mitu ya bena nvita ne mafuma ebe, bakalua bu nvunde bua kuntangadisha. Disanka diabo diakadi bu dia bantu badi basue kumina bahele mu busokoko.

Amosa 6:13

Nuenu nudi nusankila mu tshintu tshia tshianana, nudi nuamba ne, Tuetu bine nkayetu katuena badiangatshile bukole ku makanda etu, anyi?

Danyele 12:7

Nakunvua dî dia muntu wakadi muluate bilulu bia lin, ne wakadi umueneka ku mutu kua mai a musulu, hakabisheye tshianza tshiandi tshia balume ne tshia bakashi mulu, wakaditshiha mu dina dia udi ne muoyo tshiendelele ne, Malu â neashike hahita tshikondo tshimue, bikondo bibidi ne tshituha tshia tshikondo, hamanabo kutekesha bukole bua bantu ba tshijila.

Ezela 5:3

Ku tshikondo atshi Tatenai, gouverneur wa buloba bua dishiya dia muamua dia musulu wa Pelata, ne Shetâ-bozenai ne bena mulongo wabo, bakalua kudibo, bakabakonka ne, Wakunuelela mukenji bua kuasa nsubu eu ne bua kushikisha lumbu nganyi?

1 Bakalenga 22:11

Sedekiya, muana wa Kenana, wakadienzela nsengu ya biamu, wakamba ne, Yehowa udi wamba ne, Wewe neusekile nʼai Bena Sulia tô ne hajiminabo.

Misambu 75:4

Ndi neambila badi ne diambu ne, Kanuikadi ne diambu; ndi ngambila bantu babi ne, Kanuambudi lusengu luenu mulu;

Misambu 75:5

Kanuambudi lusengu luenu mulu, kanuambi mei a dikamakama ne nshingu yenu nutantamane.

Yirmeya 48:25

Yehowa udi wamba ne, Bakuhempa lusengu lua Moaba, diboko diandi diakutshibuka.

Danyele 7:16

Nakasemena ha buihi ne mukuabo wa bakadi bimane, nakamulomba ne, Unjinguluile malu au onso hatoke. Nunku yeye wakangambila, wakammanyisha dijingulula dia malu au.

Zekâya 1:18

Nakabanduluka, nakatangila; ne monai, nsengu inai yakadiku!