Yuda 1:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bantu aba badi batontolodi, bajianyi, benda bu mudi nkuka yabo (mishiku yabo idi yakula mei manene a diambu), badi banyisha bantu bua kuangata difutu.

MUKANDA WA MYIDI MUKULU

¹⁶ Bantu aba kabena baleja disanka dituku nansha dimue, badi batontolodi ba kashidi. Badi benza malu amu mudi nkuka yabu. Badi bakula ne dipetu, balabidila bantu bua kupeta bintu.

Yuda 1:16 Referans Kwoze

2 Petro 2:18

Bualu bua hadibo bakula mei manene a diambu, ku bienzedi biabo bia masandi, badi balobesha bakuabo mu nkuka ya mubidi, mbobo badi bamba kuhanduka kudi badi balonda dihambuka;

2 Petro 2:10

yeye udi utamba kukengesha bantu badi balonda malu a mubidi mu lukuka ludi lubabihisha, ne badi bahetula bukokeshi. Badi bena dikamakama ne badisu, kabena bazakala hakahendabo badi ne butumbi;

Filipe 2:14

Nuenze malu onso kanui ne ditontolola ne dielangana dia mpata;

1 Petro 4:2

bua nuenu kanuikadi ne muoyo kabidi mu nkuka ya bantu matuku enu atshidi mashale mu mubidi, kadi nuikale ne muoyo bu mudi disua dia Nzambi.

1 Timote 6:5

ne kutandangana kua bantu badi ne meshi abo moneka, ne bualu bulelela bumushibua munda muabo, badi batshinka ne, Buimpe bua Nzambi ntshihetelu tshia luhetu.

1 Korente 10:10

Lekelai kutontolola, bu muakatontolola bakuabo babo, bakashihibua kudi mushihi.

Yuda 1:18

ne bakanuambila ne, Mu tshikondo tshia kunshikidilu bena tuseku nebikaleku, benda bu mudi nkuka yabo idi ibenga Nzambi.

2 Petro 3:3

mimanye bienu bualu ebu ku mpala ne, Halua kunshikidilu kua matuku, baseki nebalue ne tuseku tuabo, benda bu mudi nkuka yabo mene,

1 Petro 2:11

Bananga, udi nutendekena bu benyi ne bena luendu ba ha buloba ne, Nuehuke ku nkuka ya mibidi idi iluangana ne mioyo yenu;

Misambu 15:4

Ku mesu andi muntu mubi udi mulenguludibue; kadi udi utumbisha bantu badi banemeka Yehowa. Biaditshiheye ne bualu bubi budi bumukuata, yeye kena wandamuka ku dî diandi.

Lewitiki 19:15

Kanuenji bibi hanualumbulula tshilumbu, kanunemekedi muntu muhele, kanutumbishi muntu munene, kadi nulumbulule bilumbu bia muena mutumba nʼenu ne buakane mu mutshima.

Yuda 1:15

bua kuenzesheye dihisha kudi bonso, ne bua kutuisheye bonso badi kabai ba Nzambi bua midimu yabo yonso idi ibenga Nzambi, yakenzabo mu buhidia buabo bua Nzambi, ne bua malu onso makole adi bantu babi babengi ba Nzambi bamudiule nʼau.

1 Petro 1:14

Nuikale bana batumikidi, kanudifuanyikishi bu munuakadi mu nkuka yenu ya diambedi, mu buhote buenu;

Ngalate 5:16

Ndi nuambila ne, Endai mu Nyuma Muimpe, nunku kanuena nulonda lukuka lua mubidi.

Yowanane 6:61

Hakamanya Yesu munda munda ne, Bayidi banyi badi bajiana bua dî edi, wakabakonka ne, Bualu ebu budi bunulenduisha, anyi?

Yeshaya 29:24

Bantu kabidi badi batuhakana mu mitshima yabo nebikale ne lungenyi, ne badi batontolola nebayile diyisha.

Misambu 17:10

Bakukanda mitshima yabo bua kabikadi ne luse, badi bamba mei a diambu mukana muabo.

Dibadika 16:11

Wewe ne bantu baudi nʼabo nuakudisangisha bua kuelangana ne Yehowa! Alona udi nganyi bua nuenu nudi numutontolola?

2 Timote 4:3

Bualu bua tshikondo netshilue hikalabo kabai bunvua diyisha dilenge ne lutulu; kadi bualu bua matshu abo adi asasakana, bobo nebadikebele bayishi ba bungi bu mudi disamina dibi dia mitshima yabo;

1 Tesalonike 4:5

kikadi nʼau mu nkuka ya disamina dibi dia mutshima, bu mudi ba bisamba bia bende benza badi kabai bamanye Nzambi.

Ngalate 5:24

Badi mu Kilisto Yesu bakamana kushiha mubidi ne milou yau ne nkuka yau ku mutshi mutshiamakane.

Yowanane 6:41

Bena Yuda bakamujiana, bualu bua yeye wakamba ne, Ndi bianyi bidia biakafuma mu diulu.

Luke 19:7

Hakamonabo bualu ebu, bakajiana ne, Wakuya kulala mu nsubu wa muntu mubi.

Luke 15:2

Kadi Bafalese ne bafundi bakajiana ne, Muntu eu udi witabusha bantu babi, udi udia nʼabo.

Luke 5:30

Bafalese ne bafundi babo bakajiana bayidi ba Yesu, bakabakonka ne, Nudi nudila, nudi nunuina ne basangishi ba mulambu ne bantu babi tshinyi?

Nsumuinu 28:21

Kulesha kansungusungu kakuena kuimpe; kadi muntu nênze malu mabi bua tshihesa tshia nshima.

Misambu 106:25

Kadi bakatontolola mu nsubu yabo ya ntenta, kabakunvua dî dia Yehowa.

Yobe 34:19

Neuhishe udi ubenga kunemeka anu bana ba bakelenge, udi kayi ubala babanji ne, Badi ku mpala kua bahele; bualu bua buonso buabo badi mudimu wa ku bianza biandi?

Yobe 32:21

Ndi nnusengelela ne, Meme tshikadi ne kansungusungu kudi muntu yonso nansha; tshitumbishi muntu ne mei a lubombo.

Dielulula 1:27

Nuakatontolola mu ntenta yenu, nuakamba ne, Bualu bua Yehowa wakadi nʼetu tshiji, yeye wakatuhatula mu buloba bua Ejipitu, bua kutufila mu bianza bia Bena Amole, bua bobo batushihe.

Dibadika 14:36

Balume aba bakatuma Mose bua kutentekelabo buloba, bakadi bahingana, bakadi batontoluesha bantu bonso kudiye, bualu bua bobo bakalua ne lumu lubi lua buloba,

Dibadika 16:41

Kadi hakatshiabu Bena Isalele bonso bakatontolola Mose ne Alona ne, Nuenu nuakushiha bantu ba Yehowa.

Misambu 73:8

Badi babuidia bantu, mu bubi buabo badi bamba mei a kukengesha nʼai bakuabo; badi bakula badibandisha.