Yowele 3:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nunku nuenu nenumanye ne, Meme, Yehowa Nzambi wenu, ndi mushikame mu Siona, mukuna wanyi wa tshijila. Yelushalema neikale muaba wa tshijila, bantu ba bende kabena bahitshilamu kabidi.

Yowele 3:17 Referans Kwoze

Yowele 2:27

Nenumanye ne meme ndi munkatshi mua Bena Isalele, meme Yehowa, ndi Nzambi wenu, ne kakuena Nzambi mukuabo; bantu banyi kabena bafuishibua bundu kabidi kashidi.

Nahume 1:15

Monai, ha mikuna hadi makasa a messager udi ulua ne lumu luimpe, udi wela lubila lua ditalala! Uvuluka masanka ebe a bia kudia, Yuda, Shilesha mitshihu yebe; bualu bua mundi mubi au kena uhitshila munkatshi muenu kabidi, yeye wakubutudibua kabutu.

Yeshaya 52:1

Tabala, tabala, wewe Siona, udiluatshishe bukole buebe; udiluatshishe bivualu biebe bilengele, wewe Yelushalema, musoko wa tshijila! Bualu bua ku dituku edi tô ne ku mpala udi kayi mutengula ne udi mubiha kabena babuela munda muebe kabidi.

Didimanyisha 21:27

Kakuena tshintu tshia tshianana tshidi tshibuelamu, nasha kakese; nasha muntu udi wenza bualu bubi ne mashimi; kadi anu badi ne mena abo mafunda mu mukanda wa muoyo wa Muana wa Mukoko nebabuelemu.

Yeshaya 4:3

Hashishe, nebabikile muntu udibo bashiya mu Siona ne utshidi mushale mu Yelushalema ne, Wa Tshijila, mmuntu yonso mene udibo bafunda dina diandi munkatshi mua bantu basungudibue bua kuikaleye ne muoyo mu Yelushalema.

Yirmeya 31:23

Yehowa wa misumba, Nzambi wa Isalele, udi wamba ne, Hanabumusha mu buhika bua kubaha diakalengele, nebambe mei â mu buloba ne mu misoko ya mu Yuda ne, Yehowa akusankishe, wewe nsubu wa buakane, wewe mukuna wa tshijila!

Yowele 3:21

Nensombuele mashi abo andi tshiyi muanji kusombuela; bualu bua Yehowa udi mushikame mu Siona.

Zekâya 8:3

Yehowa udi wamba ne, Nempingane ku Siona, nenshikame munkatshi mua Yelushalema; nebabikile Yelushalema ne, Musoko wa kungeyemena; nebabikile mukuna wa Yehowa wa misumba ne, Mukuna wa tshijila.

Mika 4:7

Nenyishe badi benda bazobele difuka dia tshisamba, nenvuishe bantu bakihatabo diambedi bu tshisamba tshinene, ne Yehowa neabakokeshe mu mukuna wa Siona ku dituku edi tô ne tshiendelele.

Danyele 11:45

Hashishe, neashimike ntenta yandi ya bukelenge hankatshi ha mai manene ne mukuna wa tshijila ne wa butumbi. Kadi neafike kunshikidilu kua muoyo wandi, kayi ne muntu wa kumukuatshisha.

Yezekiyele 48:35

Nyungulukilu wa musoko mu nseke yau mai ikale coudées binunu dikumi ne muanda mukulu. Nebabikile dina dia musoko ku dituku adi tô ne tshiendelele ne, Yehowa udi aha.

Yezekiyele 43:12

Eu mmukenji bua ntempelo: nseke yonso idi inyunguluka muaba eu wa ha mutu ha mukuna ikale miaba mitambe tshijila. Mona biebe ne, Eu ndi mukenji bua ntempelo.

Yeshaya 35:8

Tshibebe tshikaleku, ne nshila, nebamubikile ne, Nshila wa Tshijila; badi kabayi balengeshibue ku bubi buabo kabena bamanye mua kuhitshilaku, kadi neikaleku bua bantu bandi; bena luendu, nansha bahote mene, kabena bendelamu.

Yeshaya 12:6

Bandisha dî diebe, ela mbila, wewe muena musoko wa Siona; bualu bua udi munene munkatshi muebe nyeye Wa Tshijila wa Isalele.

Misambu 76:2

Mu Salema kabidi mudi nsubu wandi wa ntenta mushimikibue, ne muaba wandi wa kuikala udi mu Siona.

Misambu 9:11

Nuimbile Yehowa udi mushikame mu Siona misambu ya kumutumbisha nʼai; numanyishe bienzedi biandi munkatshi mua bantu ba ha buloba.

Ekesode 16:12

Nakunvua tshitanu tshia Bena Isalele, ubambile ne, Dilolo nenudie munyinyi, dinda nenukute bidia, nuenu nenumanye ne, Meme ndi bianyi Yehowa, Nzambi wenu.

Yeshaya 11:9

Kabiena bienzela bikuabo bintu bibi, kabiena bishiha bikuabo, mu mukuna wanyi wa tshijila wonso; bualu bua buloba nebuikale bûle tente ne kumanya kua Yehowa, bu mudi mai a mu mai manene abuikila miaba yau yonso.

Yeshaya 46:13

Ndualua ne buakane buanyi ba buihi nʼenu, kabuena bushala kule, ne luhandu luanyi kaluena lujanguluka; nenteke luhandu mu Siona, nempe Bena Isalele butumbi buanyi.

Yeshaya 56:7

nendue ne bantu aba ku mukuna wanyi wa tshijila, nembavudishile disanka mu nsubu wanyi wa kutendelela. Milambu yabo ya kuosha ne milambu yabo ya bia kudia neyitabushibue ha tshioshelu tshianyi; bualu bua nebabikile nsubu wanyi ne, Nsuhu wa tshitendelelu tshia bantu bonso.

Yirmeya 31:40

Tshibanda tshionso tshia Hinoma, tshidi ne bitalu ne butue, ne madimi onso adi ayila tô ne ku kasulu ka Kidilona, tô ne ku ditumba dia tshibi tshia tubalu ku luseke lua esete, nebikale miaba ya tshijidila kudi Yehowa; kabena babitula kabidi, kabena babishimbula tô ne tshiendelele.

Yezekiyele 20:40

Mukelenge Yehowa udi wamba ne, Bualu bua ha mukuna wanyi wa tshijila, ha mukuna wa Isalele udi mubande mulu, bonso ba mu tshisamba tshia Bena Isalele, buonso buabo mene, nebankuatshile mudimu mu buloba ebu. Mu muaba wawa nembitabushe, ne mu muaba wawa nennulombe milambu yenu ne mamuma a kumudilu anudi nufila kundi ne bintu bienu bionso bia tshijila.

Yezekiyele 37:6

Nenteke mifungu hamʼbidi henu, nennuluatshishe misunyi, nennubuikile ne dikoba, nennuele muhuya munda muenu, ne nenuikale ne muoyo; nunku nenumanye ne, Meme ndi Yehowa.

Yezekiyele 44:9

Bua muanda eu Yehowa udi wamba ne, Muntu wa mu tshisamba tshia bende, udi kayi mutengula mu mutshima anyi mubidi, wa mu bantu aba bonso ba mu bisamba bia bende badi munkatshi mua Bena Isalele, kabuedi mu tshitendelelu tshianyi.

Danyele 9:16

Mukelenge, bu mudi bienzedi biebe bionso biakane udi nkusengelela ne, Tshifikʼa munda tshiebe ne tshiji tshiebe tshikole biumuke ku musoko webe Yelushalema, mukuna webe wa tshijila. Bualu bua mitu yetu ne bua malu mabi a batatuʼetu, Yelushalema ne bantu bebe biakulua tshihendu kudi bantu bonso badi batunyunguluke.

Yobe 15:19

buloba buakafidibua kudibo nkayabo, ne kakuakadi muntu wa bende wakahita munkatshi muabo.