Yowele 2:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Nenumanye ne meme ndi munkatshi mua Bena Isalele, meme Yehowa, ndi Nzambi wenu, ne kakuena Nzambi mukuabo; bantu banyi kabena bafuishibua bundu kabidi kashidi.

MUKANDA WA MYIDI MUKULU

²⁷ Nanku, nuenu bena Izrayele, nenumanye ne: ndi munkatshi muenu. Maweja-Nangila Mvidi Mukulu wenu mmeme, kakuena mukuabu. Tshiena mua kufuisha bantu banyi bundu kabidi musangu nansha umue.”

Yowele 2:27 Referans Kwoze

Sefanya 3:17

Yehowa Nzambi webe udi munkatshi muenu, muena bukitu bukole udi ukusungila. Yeye neasanke bua bualu buebe ne disanka dinene, neakusangashe mu dinanga diandi, neasanke bua bualu buebe ne kuimba kua misambu.

Yeshaya 45:5

Meme ndi Yehowa, kakuena mukuabo nansha; kakuena nzambi mukuabo muomumue nʼanyi nansha; nenkusuike mukaba, wewe kuyi muanze kummanya nansha;

Yowele 3:17

Nunku nuenu nenumanye ne, Meme, Yehowa Nzambi wenu, ndi mushikame mu Siona, mukuna wanyi wa tshijila. Yelushalema neikale muaba wa tshijila, bantu ba bende kabena bahitshilamu kabidi.

Yezekiyele 39:28

Bobo nebamanye ne, Ndi Yehowa Nzambi wabo mu mianda ei ne, Nakabatuma mu buhika munkatshi mua bisamba bia bantu, hashishe nakubasangisha mu buloba buabo mene; ne tshiena nshiya umue wabo munkatshi mua bisamba bia bantu kabidi.

Yowele 2:26

Nenudie bintu bikumbane, nenukute; nenutumbishe dina dia Yehowa Nzambi wenu, wakunuenzela malu a kukema; ne bantu banyi kabena bafuishibua bundu kabidi kashidi.

Misambu 46:5

Nzambi udi munkatshi muau, kabena bamanye mua kûnyungisha; Nzambi neaukuatshishe hatshia butuku.

Dielulula 23:14

bualu bua Yehowa, Nzambi wenu, udi wendakana munkatshi mua tshitudilu bua kunusungila, ne bua kufila badi nʼenu lukuna mu bianza bienu; nunku tshitudilu netshikale tshia tshijila. Yehowa katangidi tshintu tshibi munkatshi muenu, kasesuki kunudi.

Yeshaya 12:6

Bandisha dî diebe, ela mbila, wewe muena musoko wa Siona; bualu bua udi munene munkatshi muebe nyeye Wa Tshijila wa Isalele.

Didimanyisha 21:3

Nakinama dî dikole difuma mu nkuasa wa butumbi diamba ne, Tangilai, nsubu wa tshilulu wa Nzambi udi munkatshi mua bantu, ne yeye neikale nʼabo, ne bobo nebikale bantu bandi; ne Nzambi mume neikale nʼabo, neikale Nzambi wabo.

1 Petro 2:6

Bualu bua dî didi mu Mukanda wa Nzambi ne, Tangilai, udi nteka mu Siona dibue dinene dia mu ditumba dia nsubu, disungula ne dia mushinga mukole; Weyemena kudidi kena ufuishibua bundu.

Misambu 68:18

Wewe wakubanda mulu, wakuyamu ukoka bantu bawakukuata mu nvita ku nyima kuebe; wakuangata maha munkatshi mua bantu; e, wakuângata kabidi munkatshi mua badi bakutombokela, bua Yehowa Nzambi ashikameku.

2 Korente 6:16

Ntempelo wa Nzambi udi uhunga di kai ne mpingu? Bualu bua tuetu tudi bu ntempelo wa Nzambi udi ne muoyo; bu muakamba Nzambi ne, Nengikale munda muabo, nengendakane munda muabo; Nengikale Nzambi wabo ne bobo nebikale bantu banyi.

Yezekiyele 39:22

Nunku mu dituku adi tô ne tshiendelele Bena Isalele nebamanye ne, Meme ndi Yehowa Nzambi wabo.

Yeshaya 53:6

Buonso buetu tuakubambuka bu mikoko, tuakukudimuka bua kuya muntu wandi nshila muntu wandi nshila; Yehowa wakuteka dihila dia bubi bua buonso buetu hamʼbidi handi.

Yeshaya 45:18

Bua edi ndî didi Yehowa wakafuka diulu wamba, Nzambi mene wakafuka buloba ne wakabuenza, wakabujadika, kakabufuka bu tshintu tshia hatuhu, wakabufuka bua bantu bashikamehu; yeye mene udi wamba ne, Meme ndi Yehowa, ne kakuena mukuabo nansha.

Yeshaya 44:8

Kanutshinyi, kanuikadi ne buowa. Tshiakukuambila bualu ebu kale, tshiakukuleshabu, anyi? Nuenu nudi bamanyi bianyi. Nzambi mukuabo udiku muomumue nʼanyi, anyi? Nansha dibue dikuabo kadienaku; tshiena mumanye dikuabo nansha.

Yeshaya 45:6

bua bantu ba kudi kuhatuka diba, ne ba kudi kubuela diba bamanye ne kakuena mukuabo muomumue nʼanyi. Meme ndi Yehowa, ne kakuena mukuabo nansha.

Yeshaya 49:23

Bakelenge nebikale batatu bebe balami, ne bakelenge babo bakashi nebikale bamamu bebe bandeshi. Nebatue mpala yabo hanshi ku mpala kuebe, nebalake luhuishi lua ku makasa ebe. Ka wewe neummanye meme ne, Ndi Yehowa mene; badi bangeyemena kabena bafuishibua bundu.

Yezekiyele 37:6

Nenteke mifungu hamʼbidi henu, nennuluatshishe misunyi, nennubuikile ne dikoba, nennuele muhuya munda muenu, ne nenuikale ne muoyo; nunku nenumanye ne, Meme ndi Yehowa.

Yowele 3:21

Nensombuele mashi abo andi tshiyi muanji kusombuela; bualu bua Yehowa udi mushikame mu Siona.

Sefanya 3:11

Mu dituku adi kuena ufuishibua bundu bua bienzedi biebe bionso biwakuntombokela nʼahi; bualu bua mu dituku adi nengumushe munkatshi muenu bantu bebe badi baditumbisha ne dihetu diabo; wewe kuena wikala ne dihetu kabidi mu mukuna wanyi wa tshijila.

Dibadika 11:29

Mose wakamuambila ne, Wewe udi ne mukau ku bualu buanyi, anyi? Nakadi kusua bua bantu ba Yehowa bonso bikale baprofete, ne Yehowa ateke Nyuma wandi kudibo.

Dibadika 23:21

Yeye kena mutangile malu mabi munkatshi mua bana ba Yakoba, yeye kena mutangile mitshima mikole munkatshi mua Isalele. Yehowa, Nzambi wandi udi nʼandi ne dî dia lubila dia bukelenge didi munkatshi muabo.

Nsumuinu 1:23

Andamukai bua kunvua kubela kuanyi. Monai! Nennuitshikishile nyuma wanyi hamʼbidi henu, nennumanyishe mei anyi.

Yeshaya 44:3

Bualu bua nendongolole mai ha buloba budi kabuyi ne mai, nempatule misulu mu buloba budi bûme; nengitshikishe Nyuma wanyi hamʼbidi ha bana bebe, ne disankisha dianyi hamʼbidi ha tunkanunuma tuebe.

Yeshaya 46:9

nuvuluke malu akadiku diambedi, bua meme ndi Nzambi, ne kakuena mukuabo; meme ndi Nzambi ne kakuena mukuabo bu meme,

Yezekiyele 39:29

Tshiena mbasokoka mpala wanyi kabidi; bualu bua nakuhumuina Bena Isalele Nyuma wanyi. Mukelenge Yehowa udi wamba dî edi.

Zekâya 2:9

Monai, nenkume tshianza tshianyi ha mutu habo, ne bobo nebikale bintu bia kuhaulabo kudi bakadi babakuatshila mudimu; nenumanye ne Yehowa wa misumba wakuntuma.