Yowele 2:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Hashishe, Yehowa wakakuatshika mukau bua buloba buandi, wakafuna bantu bandi luse.

MUKANDA WA MYIDI MUKULU

¹⁸ Maweja-Nangila mmunange ditunga diende, mmufuile bantu bende luse.

Yowele 2:18 Referans Kwoze

Zekâya 8:2

Yehowa wa misumba udi wamba ne, Ndi munvue mukau bua Siona, nakukuatshika tshiji tshikole bua bualu buandi.

Zekâya 1:14

Nunku muanjelo wakadi uyikila nʼanyi wakangambila ne, Amba ne, Yehowa wa misumba udi wamba ne, Ntshidi mukuatshike mukau mukole bua Yelushalema ne bua Siona tô ne mpindiu.

Misambu 103:13

Bu mudi tatu ufuila bana bandi luse, mbu mudi Yehowa ufuila badi bamunemeka luse.

Yakobe 5:11

Monai, tudi tuidika bantu bakadikankamika ne, Badi ne disanka; nuakunyua lumu lua kudikankamika kua Yobo, nuakutangila bu muakumuenzela Mukelenge kunshikidilu, ne bu mudi Mukelenge mûle tente ne luse ne dinanga.

Muadi 3:22

Malu makane a Yehowa kaena ashika tshiendelele, ne luse luandi kaluena luhanga;

Yeshaya 63:15

Tangila hanshi ku muaba webe wa mu diulu, ne ku muaba webe wa tshijila ne wa butumbi, umone biebe. Lukunukunu luebe ne bienzedi biebe binene bidi kudi kunyi? Dijinga dia mu mutshima webe ne luse luebe bidi bikandibua kundi.

Yeshaya 63:9

Mu makenga abo onso yeye wakunvua dikenga, ne muanjelo utu wimana hehi nʼandi wakabasungila; mu dinanga diandi ne mu dibafuila diandi dia luse yeye wakabahikula; wakabambula ne wakabatuala mu matuku onso a kale.

Luke 15:20

Yeye wakabika, wakalua kudi tatu wandi. Hakadiye kuakua, tatu wandi wakamumona, luse luakamukuata, wakanyema lubilu, wakamuela tshituha ku nshingu, wakamutuatua mishiku.

Yirmeya 31:20

Efelayima udi muanʼanyi munanga, anyi? Udi muana undi nkongoluela, anyi? Bua misangu yonso hanamujiana, ntshidi mmuvuluka. Yehowa udi wamba ne, Nunku mutshima wanyi udi umujinga, nemmufuile luse bulelela.

Yeshaya 60:10

Bantu ba mu bisamba bia bende nebibake ngumbu yebe kabidi, bakelenge babo nebakukuatshile mudimu; bualu bua nakakukuma mu tshiji tshianyi, kadi mu dinanga dianyi dinakukulesha nakukufuila luse.

Yeshaya 42:13

Yehowa nealuhuke bu muena nvita mukole; neasonsole lukunukunu luandi bu muena nvita; nêle dî diandi, nêle mbila mikole; neadimueneshe bu muena bukitu kudi bena lukuna bandi.

Misambu 103:17

Kadi luse lujalame lua Yehowa ludi ku tshibangidilu tô ne kunshikidilu kudi badi bamunemeka. Buakane buandi budi kudi bana ba bana baledibue.

Balombodi 10:16

Bobo bakumusha nzambi ya bende yakadi munkatshi muabo, bakakuatshila Yehowa mudimu; ne mutshima wandi wakanyingalala bua ntatu ya Bena Isalele.

Dielulula 32:43

Nuenu ba bisamba bionso, sankai ne bantu bandi, bualu bua yeye nealombe mashi a bantu bandi, neasombuele badi nʼandi lukuna, udi umusha dihila dia buloba ne dia bantu bandi.

Dielulula 32:36

Bualu bua Yehowa nealumbuluile bantu bandi bilumbu biabo, neakudimune mutshima wandi bualu bua bantu bandi, hatangileye ne bukole buabo buakujimina, ne kakuena muntu udi mushale muhika anyi mudishikaminyi.

Dielulula 32:16

Bakamufuisha mukau ne nzambi ya bende; bakamufikisha munda ne malu mabi.

Yeshaya 37:32

Bualu bua difuka dia bantu nediluhuke mu Yelushalema, ne ba mu mukuna wa Siona badi bahanduka nebaluhukemu. Lukunukunu lua Yehowa wa misumba neluenze muanda eu.

2 Bakalenga 19:31

Bualu bua difuka dia bantu nediluhuke mu Yelushalema, nedihanduke ku mukuna wa Siona; lukunukunu lua Yehowa nebimane bualu ebu.