Yowele 1:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Aka! Bua difuku adi! Bua dituku dia Yehowa didi ha buihi, ne didi dilua bu kubutuka kufume kudi Nzambi wa Bukole Buonso.

MUKANDA WA MYIDI MUKULU

¹⁵ Eyi, dituku didi dikuatshisha bowa, dituku didi Maweja-Nangila ufika munda, dikadi pabuipi. Didi difika pamue ne kabutu kavua Mvidi Mukulu wa bukole buonsu mumane kujadika.

Yowele 1:15 Referans Kwoze

Yirmeya 30:7

Aka! Dituku adi didi dinene, kakuena dikuabo bu diodi. Tshidi tshikondo tshia lutatu lua bana ba Yakoba, kadi nebabasungile kudilu.

Yowele 2:31

Diba nedikudimuke midima ne ngondo neakudimuke mashi, diambedi dituku adi dinene dia Yehowa, didi dikuatshisha bantu buowa, kadiyi dianze kulua.

Yowele 2:11

Yehowa udi wela dî dikole ku mpala kua masalayi andi; bualu bua tshisumbu tshiandi tshia masalayi tshidi tshinene, bualu bua muenji wa dî diandi udi ne bukole. Bualu bua dituku dia Yehowa didi dinene, didi dikuatshisha bantu buowa bukole; nganyi washindama ku mpala kuadi?

Didimanyisha 6:17

bualu bua dituku dinene dia tshishi tshiabo diakulua, ne nganyi udi mua kushindama?

Yakobe 5:9

Bana betu, kanutontolodianganyi, bua nuenu kanulumbuluishibu; tangilai, mulumbuluishi udi muimane ku mpala kua tshibi.

Misambu 37:13

Mukelenge udi umuseka, bualu bua udi umona ne, Dituku dia kumukengesha dilualua.

Yirmeya 46:10

Bualu bua dituku adi ndituku dia Mukelenge Yehowa wa misumba; dituku dia kusombuela, didiye udisombuela kudi bena lukuna bandi. Muele wa nvita neudie bantu, neukute, neunue mashi tô ne hashika nyota yau. Bualu bua Mukelenge, Yehowa wa misumba, neabale bantu bashihibue bu mulambu wa kuosha ku buloba bua nôde, hehi ne musulu wa Pelata.

Yezekiyele 30:3

Bualu bua dituku adi didi ha buihi, dituku dia Yehowa mene didi ha buihi, nedikale dituku didi ne matutu, tshikondo tshia kubutuka kua bisamba bia bantu.

Yowele 3:14

Misumba ne misumba ya bantu idi mu tshibanda tshia tshilumbuluidi! Bualu bua dituku dia Yehowa didi ha buihi mu tshibanda tshia tshilumbuluidi.

Obadya 1:15

Bualu bua dituku dia Yehowa didi ha buihi dilongoluela bisamba bionso bia bantu, bu muwakenza biebe, mbu mudibo bakuenzela, bienzedi biebe nebikuhingane.

Sefanya 1:7

Huwa biebe ku mpala kua Mukelenge Yehowa, bualu bua dituku dia Yehowa didi ha buihi! Bualu bua Yehowa wakumana kulongolola mulambu; wakujidila bantu bakubikileye bua kudia nʼandi bidia.