Yowele 1:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Madimi akubutudibua; buloba budi buasa muadi; bualu bua manvua akunyanguka, nvinyo mihia-mihia yakukama, ne manyi adi ahua.

MUKANDA WA MYIDI MUKULU

¹⁰ Madimi mmanyangakaja, buloba mbuume. Kamutshiena ntete ya kuenza bukula, kanutshiena maluvu. Kamutshiena mafuta, nansha dimata!

Yowele 1:10 Referans Kwoze

Osheya 4:3

Bua mianda yaya buloba budi buasa muadi, ne bantu bonso badi bashikamemu badi batekete, ne nyama ya mu mpata ne nyunyu ya mu diulu bidi bitekete muomumue; minyinyi ya mu mai kabidi idi ifua.

Osheya 9:2

Tshishihuidi ne tshikaminu kabiena bibadisha kabidi, nebahange nvinyo mihia-mihia.

Yirmeya 12:11

Bakuluvuisha bu muaba wa hatuhu, buloba budi bushala butuhu budi budila kundi; buloba buonso buakuvuishibua butuhu, bualu bua kakuena muntu udi uteka bualu ebu mu mutshima wandi.

Yowele 1:5

Tabalai, nuenu bakuatshiki ba maluvu, dilai bienu; asai miadi, nuenu bonso banu ba maluvu a nvinyo, bualu bua nvinyo mihia-mihia yakûmushibua mukana muenu.

Agayi 1:11

Nakabikila munanga bua kulua mu buloba, ne ha mikuna ne ha maminu ne ha nvinyo ne ha manyi, ne ha bintu bionso bidi buloba bulua nʼabi; ne kudi bantu ne nyama, ne ku midimu yonso ya ku bianza biabo.

Yowele 1:12

Muonshi wa tumuma udi munyanguke, mutshi wa nfigi udi ufuba; mutshi wa grenadier, wa dibue, wa pommier, mitshi yonso ya mu budimi mene yakufubidila; bua muanda eu disanka diakushika munkatshi mua bukua bantu.

Yirmeya 48:33

Disanka ne tuseku bidi biumushibua mu madimi akadi ne diminu mu buloba bua Moaba; nakukandisha nvinyo bua kayihatuki mu bikaminu, kakuena mukami udi udiata tumuma tua nvinyo ne kuela kua mbila, mbila kayena mbila ya disanka.

Yirmeya 12:4

Buloba nebuase muadi, ne midioko ya buloba buonso neyifubidile musangu bule bishi? Bua bubi bua bantu badi bashikamemu nyama ne nyunyu yakûmushibua ha buloba; bualu bua bantu aba badi bamba ne, Nzambi kena umona kunshikidilu kua malu etu.

Yeshaya 24:11

Muadi udi mu misesu bualu bua nvinyo kenaku; disanka dionso diakuandamuka midima, tuseku tua ba ha buloba tuakuhuwa.

Lewitiki 26:20

nenuenze mudimu wenu tshianana bualu bua buloba kabuena bukuama bintu, ne mitshi ya mu buloba kayena ikuama mamuma.

Genese 4:12

hawadima buloba, kabuena bukumeneshila bintu bimpe, wewe newikale munyemi ne muena tshiendenda ha buloba.

Yeshaya 15:6

bualu bua mai a Nimelima adi kabutu, mashinde akufubidila, mashinde matekete akûma; kakuena mudioko umue utshidi mubishi.

Yeshaya 24:7

Nvinyo muhia-muhia udi ujinga, muonshi wa tumuma tua nvinyo wakulekela, bonso badi ne mitshima ya disanka badi bahumuna.

Yowele 2:19

Yehowa wakakudimuna bantu bandi dî, wakabambila ne, Tangilai, nennutumine manvua ne nvinyo mihia-mihia ne manyi, nennukutshishebi; ne tshiena nnuvuisha bu tshintu tshia kuhendabo munkatshi mua bisamba bia bantu kabidi.

Abakuke 3:17

Bikala mutshi wa nfigi kauyi usampila ntonga, hikalaku kakuyi tumuma ku mionshi ya nyinyo; biahanga mutshi wa olive kukuama, biahanga madimi kulua bia kudia; bikala mikoko ya mu luhangu kayiyiku, ne bikalaku kakuyi bimuna mu mpangu yabi;

Malaki 2:3

Monai, nentekeshe maboko enu, nendabe tunvi ha mpala henu, tunvi tua nyama mifila bu milambu mu bidia bienu bia disanka; nebaye nʼenu ku muaba udibo batuimasha.