Yowanane 8:41 - Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Nutu nuenza bienzedi bia tatu wenu. Bakamuambila kabidi ne, Katuena baledibue mu masandi; tudi ne Tatu umue, Nzambi mene.

MUKANDA WA MYIDI MUKULU

⁴¹ Nudi nuenza midimu ya momumue ne idi tatuenu wenza. Bobu kumuandamuna ne: — Katuena bana balela mu buendenda to. Tudi amu ne Tatu umue, ke Mvidi Mukulu.

Yowanane 8:41 Referans Kwoze

Yeshaya 64:8

Kadi wewe Yehowa udi Tatu wetu; tuetu tudi dima ne wewe udi mufumbi; buonso buetu tudi bintu biwakuenza ku bianza biebe.

Yowanane 8:44

Nuenu nudi bana ba diabolo, tatu wenu, nudi basue kuenza bu mudi nkuka ya tatu wenu. Ku tshibangidilu yeye wakadi mushihianganyi, katu wimana mu bualu bulelela, bua yeye kena ne bualu bulelela munda muandi. Hambeye dî dia mashimi, udi wamba malu andi mene; bua yeye udi muena mashimi, ne udi tatu wau.

Yowanane 8:38

Meme ntu ngamba malu anakutangila kudi Tatu wanyi, nuenu kabidi nutu nuenza malu anuakunvua kudi tatu wenu.

Yeshaya 63:16

Bualu bua wewe udi Tatu wetu, nansha bikala Abalahama kayi mutumanye, nansha bikala Isalele kayi mutuitabushe bu bana bandi. Wewe, Yehowa, udi Tatu wetu; Muhikudi wetu wa ku tshibangidilu ndina diebe.

Malaki 2:11

Yuda wakalekela Yehowa, tshinyangu tshiakenjibua mu Isalele ne mu Yelushalema; bualu bua Yuda wakanyanga tshitendelelu tshia Yehowa tshidiye unanga, ne wakubaka mukashi mutendeledi wa nzambi wa bende.

Malaki 1:6

Muana wa balume udi unemeka tatuʼandi, muhika udi unemeka nfumu wandi; kadi bingikala tatu, kunemekibua kuanyi kudi hanyi? Bingikala mukelenge, dintshina didi hanyi! Edi ndikonka dia Yehowa wa misumba kunudi, nuenu bakuidi, badi balengulula dina dianyi. Kadi nudi nunkonka ne, Tuakulengulula dina diebe munyi?

Yirmeya 31:20

Efelayima udi muanʼanyi munanga, anyi? Udi muana undi nkongoluela, anyi? Bua misangu yonso hanamujiana, ntshidi mmuvuluka. Yehowa udi wamba ne, Nunku mutshima wanyi udi umujinga, nemmufuile luse bulelela.

Yirmeya 3:19

Nakamba ne, Ahu nenkuteke munkatshi mua bana banyi, nenkuhe buloba buimpe ne buhianyi buimpe munkatshi mua bisamba bionso bia bantu! Nakamba kabidi ne, Neumbikile ne Tatu wanyi ne kuena uhingana ku nyima kuyi undonda.

Dielulula 32:6

Nuenu bantu bahote badi kabayi ne meji, nudi nuhingishila Yehowa malu mabi nunku, anyi? Yeye kena tatu wenu wakanuafuka, wakanuenza, wakanujadika, anyi?

Dielulula 14:1

Nuenu nudi bana ba Yehowa, Nzambi wenu: kanuditahi nsalu, kanubeyi makiki enu bualu bua bantu bafue.

Ekesode 4:22

Wewe newambile Palô ne, Yehowa udi Wamba ne, Isalele udi muanʼanyi wa balume, muanʼa bute wanyi,

Osheya 1:2

Ku tshibangidilu hakayikila Yehowa ne Hoshea, Yehowa wakamuambila ne, Ya biebe, ubake mukashi wa masandi, ulele nʼandi bana ba mu masandi; bualu bua ba mu buloba ebu badi balonda malu a masandi, bahambuke kudi Yehowa.

1 Yone 3:12

kembua kuikala bu Kana, wakadi wa mubi, wakashiha muanʼabo. Ne yeye wakamushihela tshinyi? Bualu bua midimu yandi yakadi mibi ne ya muanʼabo yakadi miakane.