Yowanane 7:51 - Mukanda wa Nzambi Dihungila Dikulukulu ne Dihungila Dihia-dihia 2003

⁵¹ Mukenshi wetu udi ukosa tshilumbu tshia muntu diambedi kabai banze kunvua dî diandi, kabai banze kumanya bualu buakuenzeye, anyi?

MUKANDA WA MYIDI MUKULU

⁵¹ — Bilondeshile mikenji yetu, katuena mua kupisha muntu katuyi banji kumvua bidiye wamba, katuyi bamanye bivuaye muenze.

Yowanane 7:51 Referans Kwoze

Nsumuinu 18:13

Biakudimuma mundi dî kayi muanze kuteleja matshu diambedi, bualu ebu budi bulua buhote ne bundu kudiye.

Dielulula 1:17

Kanuikadi ne kansungusungu hanualumbulula bilumbu; nunvue dî dia muntu mukese ne dia muntu munene muomumue; kanutshinyi mpala wa muntu; bualu bua kulumbulula kua bilumbu kudi kua Nzambi: tshilumbu tshidi tshihita bukole, nulue nʼatshi kundi, meme nentshiunvue.

Bienzedi 23:3

Hashishe, Paulo wakamuambila ne, Nzambi neakukume, wewe tshimanu tshia nsubu tshidi tshitokesha; udi mushikame undumbuluisha bu mudi mukenshi, kadi wewe wakubangila bua kunkumabo bu mudi kamui mukenshi, munyi?

Dielulula 17:6

Numushihe anu ku mei a bamonyi babidi anyi basatu; kanumushihi anu ku dî dia mumonyi umue.

Ekesode 23:1

Kumanyishi bakuabo lumu ludi kaluyi lululela. Kubuelakanyi ne bantu babi bualu bua kuikala bu mumanyi wa malu adi kayi malelela.

Dibadika 35:30

muntu udi ushiha mukuabo, nebashihe mushiku bu mu dî dia bamonyi; kadi kabena bamanye mua kumushiha anu ku dî dia mumonyi umue.