Yowanane 7:42 - Mukanda wa Nzambi Dihungila Dikulukulu ne Dihungila Dihia-dihia 2003

⁴² Mukanda wa Nzambi kawena wamba ne, Kilisto neikale kankanunuina ka Davidi, neafume ku Beteleheme, kuakadi Davidi, anyi?

MUKANDA WA MYIDI MUKULU

⁴² Mbafunde mu Mikanda ya tshijila ne: Meshiya neikale wa ku ndelanganyi ya Davide. Neatumine mu Betleyeme, mu musoku uvua Davide usomba.

Yowanane 7:42 Referans Kwoze

Mika 5:2

Kadi wewe, Betelehema Efelata, udi mukese munkatshi mua biota bia Yuda, mukuabo nealuhuke munda muebe bua bualu buanyi, bua kuikala mukokeshi wa Bena Isalele; tshibangidilu tshiandi tshidi tshia kale kale, tshia ku ntuadishila mene

Matayi 2:5

Bakamuambila ne, Mu Beteleheme wa mu Yudaya; bualu bua dî edi diakufundibua kudi muprofete ne,

Luke 2:4

Yosefe, kabidi, wakumuka mu Galela, mu musoko wa Nazaleta, wakabanda mu Yudaya, ku musoko wa Bayidi, udibo babikila ne, Beteleheme, bualu bua yeye wakadi wa mu nsubu wa Davidi ne wa tshiota tshiandi;

Yirmeya 23:5

Yehowa udi wamba ne, Monai, mu matuku atshidi alua, nensampishile Davidi Lutonga luakane; yeye neakokeshe bu mukelenge, nealeshe bakuabo meji makane, neajadike kulumbulula kuimpe ne buakane mu buloba.

Luke 2:11

lelu bakunulelela Musungidi mu musoko wa Davidi, yeye udi Kilisto Mukelenge.

Matayi 1:1

Mukanda wa bankambua ba Yesu Kilisto, muana wa Bayidi, muana wa Abalahama.

Yeshaya 11:1

Lutonga nelutoloke ku tshikuku tshia Yishai, ne ditamba dia ku miji yandi nedikuame mamuma.

Misambu 132:11

Yehowa wakaditshiha kudi Davidi ne mutshima udi wa bushuwa, kena ukudimuka bua kubenga dî diandi ne, Neashikike wahatuka munda muebe mu nkuasa webe wa bukelenge.

1 Samuele 16:1

Yehowa wakambila Samuele ne, Wewe neudile muadi bua Shaula musangu bule munyi bualu bua meme nakamuhidia mu bukelenge bua Isalele? Ûshe lusengu luebe ne manyi tente, uye biebe, nenkutume kudi Yishai, Muena Beteleheme, bualu bua nakadisunguila mukelenge munkatshi mua bana bandi ba balume.

Misambu 89:4

Nenjadike tunkanunuma tuebe tshiendelele, nengase nkuasa webe wa bukelenge tô ne ku bikondo bionso.

1 Samuele 16:18

Hashishe umue wa bansongalume bandi wakamba ne, Mona, nakatangila muana wa balume wa Yishai, Muena Beteleheme, udi mumanye mua kuimba tshisanji bimpe, udi muntu wa bukitu, muena nvita mene, udi Wamba mei a lungenyi, udi ne mpala mulengele: Yehowa udi nʼandi kabidi.

Yowanane 7:27

Kadi tuetu tudî bamanye muntu eu kuakufumeye; halua Kilisto, kakuena muntu wamanya kuafumeye.

1 Samuele 17:58

Shaula wakamukonka ne, Wewe nsongalume, udi muana wa nganyi? Davidi wakamukudimuna ne, Ndi muana wa muntu webe Yishai, Muena Beteleheme.

1 Samuele 16:4

Samuele wakenza muakamba Yehowa, wakaya ku Beteleheme. Bakulu ba musoko bakalua kumuakidila, benda bazakala, bakakonka ne, Ulualua ne ditalala, anyi?

Matayi 2:6

Wewe Beteleheme, buloba bua Yudaya, Kuena tshianana munkatshi mua banfumu ba mu Yudaya, Bualu bua ngovena nealuhuke munda muebe, Yeye neikale mulami wa Isalele, bantu banyi.

1 Kulondolola 2:51

Salama, tatu wa Beteleheme, Halefe, tatu wa Bete-gadê.