Yowanane 6:51 - Mukanda wa Nzambi Dihungila Dikulukulu ne Dihungila Dihia-dihia 2003

⁵¹ Ndi bianyi bidia bidi ne muoyo biakafuma mu diulu; biadia muntu bidia ebi, neikale ne muoyo tshiendelele; bulelela, bidia binafila ku muoyo wa ba ha buloba nmubidi wanyi.

MUKANDA WA MYIDI MUKULU

⁵¹ Meme ndi diampa dia muoyi difume mu diulu. Wadia diampa edi, neashale ne muoyi tshiendelele. Diampa dindi mfila, mmubidi wanyi meme. Ndi ngufila bua bantu bikale ne muoyi.

Yowanane 6:51 Referans Kwoze

Luke 22:19

Yeye wakamema mutanda wa bidia; hakasakidileye Nzambi, wakautshibula, wakaha bayidi bandi, wakamba ne, Eu udi mubidi wanyi udi unuhebua; enzai nunku bua kunvuluka.

Yowanane 6:33

Bua bidia bia Nzambi mbiobio bîdi bifuma mu diulu, bidi biha ba ha buloba muoyo.

Yowanane 3:13

Kakuena muntu wakubanda mu diulu anu yeye wakufuma mu diulu, Muana wa muntu mene, udi biandi mu diulu.

Tite 2:14

Yeye wakadifila bua bualu buetu, bua kutuhikula ku malu mabi onso, ne bua kudilengeshila bantu badi mua kuikala bandi bine, bikala ne lukunukunu lua kuenza midimu mimpe.

Matayi 20:28

nunku kabidi Muana wa muntu kakuluila bua bantu bamukuatshile mudimu, wakuluila bua kubakuatshila mudimu ne bua kufila muoyo wandi bua kuhikula nʼau bantu ba bungi.

Ebrewu 10:20

mu nshila wakatujidileye, nshila muhia-muhia ne wa muoyo, kuhita tshilulu tshikudika, kutshiamba ne, Mubidi wandi;

2 Korente 5:21

Yeye nguakadi kai mumanye bubi, Nzambi wakamuvuisha bubi bua bualu buetu; bua tuetu tuikale buakane bua Nzambi munda muandi.

1 Petro 2:4

nulue kudiye ndibue didi ne muoyo, diakahidiabo kudi bantu, kadi didi disungula kudi Nzambi, ndia mushinga mukole;

Efeze 5:2

Nuende bienu mu luse bu muakanusua Kilisto, wakadifila bua bualu buetu bu mulambu ne tshintu tshishiha bua kuikaleye muhuya wa dihembu dimpe kudi Nzambi.

Yowanane 3:16

Bualu bua Nzambi wakatamba kusua ba ha buloba, yeye wakabaha Muanʼandi umuehele mulela bua muntu yonso wamuitabusha kafu biandi, kadi ikale ne muoyo wa tshiendelele.

Yowanane 1:29

Hakatshiabu, yeye wakamona Yesu ulua kudiye, wakamba ne, Tangilai, Muanʼa mukoko wa Nzambi, udi umusha bubi bua ba ha buloba!

1 Yone 4:14

Tuetu tuakutangila ne tudi tunumanyisha ne, Tatu wakutuma Muana wandi bua kuikaleye Musungidi wa ba ha buloba.

1 Yone 4:10

Mu muanda eu mudi dinanga, kembua tuetu tuakunanga Nzambi, kadi bua yeye wakatunanga, wakatuma Muana wandi bu mulambu wa kubuikila nʼau mibi yetu.

1 Yone 2:2

ne yeye udi bu mulambu wa kubuikila nʼau mibi yetu; kengua mibi yetu nkayai, kadi wa mibi, ya bonso ba ha buloba kabidi.

Yowanane 1:14

Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

Efeze 5:25

Balume, suai bakashi benu bu muakasua Kilisto ekelesia kabidi, wakadifila bua bualu buandi;

2 Korente 5:19

ne. Nzambi munda mua Kilisto wakadi ulengesha ba ha buloba kudiye, kakababadila malu mabi abo, ne wakateka munda muetu dî dia kulengeshisha bakuabo kudiye.

Yowanane 7:38

Misulu ya mai a muoyo nebatuke munda mua wangitabusha, bu muakamba Mukanda wa Nzambi.

Yowanane 3:14

Bu muakabisha Mose nyoka mu tshihela, nunku budi Muana wa muntu nʼabu mbua kubishibua muomumue;

Yowanane 3:36

Udi witabusha Muana udi ne muoyo wa tshiendelele; kadi udi uhidia Muana kena umona muoyo, tshishi tshia Nzambi tshidi tshishala ngandi.

Yowanane 5:24

Bulelela, bulelela, ndi nuambila ne, Unvua dî dianyi, witabusha wakuntuma, udi ne muoyo wa tshiendelele, kena ulua ku tshilumbu, wakumuka mu lufu, wakubuela mu muoyo.

Yowanane 6:35

Yesu wakabambila ne, Ndi bianyi bidia bia muoyo; walua kundi kena wikala ne nsala, wangitabusha kena wikala ne nyota.

Yowanane 6:41

Bena Yuda bakamujiana, bualu bua yeye wakamba ne, Ndi bianyi bidia biakafuma mu diulu.

Yowanane 6:47

Bulelela, bulelela, ndi nuambila ne, Udi witabusha udi ne muoyo wa tshiendelele.

Yowanane 6:48

Ndi bianyi bidia bia muoyo.

Yowanane 6:50

Ebi mbidia bitu biafuma mu diulu, bua muntu kudia biandi, kafu.

Yowanane 11:26

muntu yonso udi ne muoyo, udi ungitabusha, kena ufua tshiendelele. Wewe udi witabusha dî edi, anyi?