Yowanane 6:44 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁴ Kakuena muntu udi mumanye mua kudivuila kundi, hikala Tatu wakuntuma kai mumukoke; ne meme nemubishe dituku dia kunshikidilu.

MUKANDA WA MYIDI MUKULU

⁴⁴ Muntu kena mua kufika kundi padi Tatu uvua muntume kayi mumufikishe kundi. Meme nemmubishe ku lufu dituku dia nshikidilu.

Yowanane 6:44 Referans Kwoze

Yowanane 6:65

Wakamba ne, Bua bualu ebu nakunuambila ne, Kakuena muntu ndi mumanye mua kudivuila kundi, bikalabo kabai bamuhebu kudi Tatu.

Yowanane 12:32

Ne meme, biambishabo ha buloba, nenkoke bantu bonso kundi.

Matayi 16:17

Yesu wakamuandamuna ne, Simona Bâ-yona, wewe udi ne disanka; bantu kabakukubuluila bualu ebu, anu Tatu wanyi wa mu diulu.

Yowanane 6:45

Baprofete bakafunda ne, Nzambi neabayishe bonso. Muntu yonso wakunvua mei a Tatu, wakuayila, ulualua kundi.

Yirmeya 31:3

Yehowa wakamueneka kundi kale, wamba ne, Nakukunanga ne dinanga dia tshiendelele, nunku nakunanukila kukulesha luse lujalame.

Yowanane 5:44

Nuenu, badi batumbishangana, badi kabai bakeba butumbi budi bufuma kudi Nzambi nkayandi, nudi bamanye mua kuitabusha munyi?

Osheya 11:4

Nakabakoka ne mionshi idibo bakoka nʼai muntu, ne mionshi ya dinanga mene; nakadi kudibo bu muntu udi wambula mutshi wa tshikokedi ha nshingu yabo; ne nakateka bia kudia ku mpala kuabo.

Kolose 2:12

Nuakajikibua nʼandi mu dibatiza, munuakabishibua nʼandi munda muadi kabidi, bualu bua ditabusha dienu dia mu kuenza kua Nzambi wakamubisha munkatshi mua bafue.

Filipe 1:29

bualu bua nuakahebua ngasa bua bualu bua Kilisto, kena anu bua kumuitabusha, kadi bua kukenga bua bualu buandi kabidi;

Musambu wa Solomo 1:4

Unkoke; netukulonde lukasa. Mukelenge wakulua nʼanyi mu nsubu muandi. Netusanke bua bualu buebe; kutumbisha kuetu kua dinanga diebe kudi kutamba kutumbisha kuetu kua nvinyo; badi bakunanga bulelela.

Yowanane 8:43

Munyi kanuena numanya mundi ngamba? Bualu bua kanuena bamanye mua kunvua dî dianyi,

Yirmeya 13:23

Muena Atiopa udi mua kuandamuna dikoba diandi, anyi nkashama udi mua kuandamuna matoba andi, anyi? Nunku nuenu batu benza malu mabi nenumanye mua kuenza malu makane.

Matayi 12:34

Nuenu bana ba nyoka, nudi babi, nudi bamanye mua kuamba mei mimpe munyi? Bua mukana mudi muamba anu malu adi matambe kuvulangana mu mutshima.

Yowanane 6:43

Yesu wakabandamuna ne, Kanuikadi ne tshimanu munkatshi muenu.