Yowanane 5:44 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁴ Nuenu, badi batumbishangana, badi kabai bakeba butumbi budi bufuma kudi Nzambi nkayandi, nudi bamanye mua kuitabusha munyi?

MUKANDA WA MYIDI MUKULU

⁴⁴ Nudi basue kutumbishangana, kadi kanuena nukeba butumbi budi bufuma kudi Mvidi Mukulu nkayende. Munudi mua kuitaba mbishi?

Yowanane 5:44 Referans Kwoze

Yowanane 12:43

Kusua kuabo kua butumbi bua bantu kuakatamba kusua kuabo kua butumbi bua Nzambi.

Rome 2:29

Kadi yeye udi Muena Yuda bua malu adi munda muandi; ne ditengula didi dia mu mutshima didi mu nyuma, kadiena mu mikenshi mifunda; udi ne butumbi buandi kabui bufuma kudi bantu, kadi budi bufuma kudi Nzambi.

Filipe 2:3

Kanuenji muanda bua ditahuluka anyi bua kuditumbisha kua hatuhu; kadi mu mitshima mihuekela muntu ne muntu abale mukuabo bu muntu udi umutamba yeye buimpe.

Matayi 23:5

Badi benza malu abo onso anu bualu bua bantu babamone; badi badiundisha nfulakatelio yabo badi badiundisha mibanga ya bikowelu biabo,

1 Petro 1:7

bualu bua kuteta kua ditabusha dienu, nasha ditetshibua ne kahia, didi ditamba ngolo udi ujimina mushinga mukole, nekusanganyibue ne butumbi ne dinemekibua ne buneme halua dibuluibua dia Yesu Kilisto.

1 Samuele 2:30

Nunku Yehowa, Nzambi wa Isalele, udi wamba ne, Nakadianjila kuamba ne, Ba mu nsubu webe ne ba mu nsubu wa tatu webe nebende ku mesu kuanyi tshiendelele; kadi katataka Yehowa udi wamba ne, Bualu ebu bumuke kundi, bualu bua badi bantumbisha nembatumbishe, ne badi bampetula, nembalengulule.

1 Korente 4:5

Nunku nulekele kulumbulula malu ku mpala kua tshikondo atshi, tô ne halua Mukelenge, neasokolole biandi malu masokoka a midima hatoke, neamueneshe biandi meshi a mu mitshima; hashishe butumbi bua kudi Nzambi nebuikale kudi muntu ne muntu.

Rome 2:10

Kadi butumbi ne buneme ne ditalala nebikale kudi muntu yonso udi wenza malu mimpe, kudi Muena Yuda diambedi ne kudi Muena Gelika kabidi.

Rome 2:7

Badi bakeba butumbi ne buneme ne malu adi kâl manyanguka, ku dinanukila diabo mu mudimu muimpe, neabafute muoyo wa tshiendelele.

Luke 19:17

Wakamuambila ne, Bimpe, wewe udi muhika muimpe: bualu bua wewe wakadi mutumikile hawakadi ne tshintu tshikese, wikale biebe nfumu wa misoko dikumi.

2 Kulondolola 6:8

Kadi Yehowa wakambila Davidi tatu wanyi ne, Wewe wakuenza bimpe bua bualu ebu buakadi mu mutshima webe bua kuibakila dina dianyi nsubu;

Yakobe 2:1

Bana betu, kanuikadi ne ditabusha dia Mukelenge wetu Yesu Kilisto, Mukelenge wa butumbi, ne kansungunsungu kudi bantu.

Ebrewu 3:12

Bana betu, nudimuke bua bumue kakulu kuikala umue wenu udi ne mutshima mubi wa buhidia munda muandi, mu dilekela diandi dia Nzambi wa muoyo;

2 Korente 10:18

Kenyeye udi udianyisha udi witabushibua, kadi yeye udi Mukelenge wanyisha.

Yowanane 17:3

Eu udi muoyo wa tshiendelele, bua bobo bakumanye wewe, Nzambi umuehele mulelela, ne yeye uwakatuma, Yesu Kilisto mene.

Yowanane 8:43

Munyi kanuena numanya mundi ngamba? Bualu bua kanuena bamanye mua kunvua dî dianyi,

Yowanane 3:20

Muntu yonso utu wenza malu mabi katu wasua munya, kena ulua mu munya bua bienzedi biandi kabimanyibu.

Yirmeya 13:23

Muena Atiopa udi mua kuandamuna dikoba diandi, anyi nkashama udi mua kuandamuna matoba andi, anyi? Nunku nuenu batu benza malu mabi nenumanye mua kuenza malu makane.

1 Samuele 15:30

Hashishe Shaula wakamba ne, Nakuenza bibi, kadi unnemeshe katataka, ndi nkusengelela, ku mesu kua bakulu ba bantu banyi ne kua Bena Isalele, uhingane nʼanyi kabidi bua meme kutendelela Yehowa, Nzambi webe.

Yowanane 5:41

Tshiena nkeba kuangata butumbi kudi bantu.

1 Tesalonike 2:6

anyi bakebi ba butumbi kudi bantu, nasha kunudi nasha kudi bantu bakuabo; nasha tuetu tuakadi mua kuikala bujitu kunudi bu bapostolo ba Kilisto.

1 Timote 1:17

Kudi Mukelenge wa kashidi, udi kai mua kufua, udi kai mua kumuenebua ku mesu, Nzambi umue, buneme ne butumbi bikale kudiye ku bikondo ne ku bikondo. Amen.

Yuda 1:25

kudi Nzambi umue umuehele, Musungidi wetu, bua Yesu Kilisto Mukelenge wetu, kuikale butumbi ne buneme ne bukokeshi ne bukole, ku mpala kua bikondo bionso ne katataka ne tshiendelele. Amen.