Yowanane 4:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Mukashi wakamuambila ne, Mukelenge, Umpe mai â, tshikadi ne nyota, tshilu tô kunoko bua kusuna.

MUKANDA WA MYIDI MUKULU

¹⁵ Mukaji kumuamba ne: — Mulongeshi, umpeshe mayi awu, bua tshikadi kabidi ne nyota, tshikadi kabidi ne dikenga dia kusuna mayi muaba ewu.

Yowanane 4:15 Referans Kwoze

Yowanane 6:34

Bakamuambila ne, Mukelenge, Utuhe bidia ebi matuku onso.

Rome 8:5

Bualu bua badi balonda malu a mubidi badi bateka meshi abo ku malu a mubidi; badi balonda Nyuma badi bateka meshi abo ku malu a Nyuma.

Rome 6:23

Bualu bua difutu dia bubi ndufu, kadi diha dia luse dia Nzambi mmuoyo wa tshiendelele mu Kilisto Yesu Mukelenge wetu.

Yowanane 6:26

Yesu wakabandamuna ne, Bulelela, bulelela, udi nuambila ne, Kanuena nunkeba bua bimanyinu binuakutangila, nudi nunkebela bua nuakudia mitanda, nuakûkuta.

Misambu 4:6

Ba bungi badi bamba ne, Muntu kayi watulesha diakalengele? Yehowa, utubandishile munya wa mpala webe.

1 Yone 5:20

Tudi bamanye ne, Muana wa Nzambi wakumana kulua wakutuha meshi bua tuetu tumumanye yeye udi wa bushua; ne tuetu tudi munda mua udi wa bushua, munda mua Muana wandi Yesu Kilisto mene. Eu udi Nzambi wa bushua, ne udi muoyo wa tshiendelele.

Yakobe 4:3

Nudi nulomba ne kamuena nuangata bintu, bualu bua nudi nabilomba bibi, anu bualu bua kubimuangalasha ku masanka enu.

1 Korente 2:14

Muntu wa ha buloba kena witabusha malu a Nyuma wa Nzambi, bualu bua malu â adi mahote kudiye; yeye kena mua kudimanyinau, bualu bua malu â adi ajinguludibua kudi Nyuma.

Yowanane 4:16

Yesu wakamuambila ne, Ya ubikile mulume webe, ulue biebe kunoko.

Yowanane 6:35

Yesu wakabambila ne, Ndi bianyi bidia bia muoyo; walua kundi kena wikala ne nsala, wangitabusha kena wikala ne nyota.