Yowanane 3:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bakalua kudi Yone, bakamuambila ne, Labi, uwakadi nʼandi dishia dia Yadene, uwakambila bantu, udi ubatiza bantu, bantu bonso balualua kudiye.

MUKANDA WA MYIDI MUKULU

²⁶ Balongi kuya kudi Yowanane, kumuebeja ne: — Mulongeshi, udi uvuluka muntu unuvua nende dishiya dia Yardene, uuvua utulondela bualu buende awu. Ukadi pende utua bantu mu mayi. Bonsu badi baya kudiye!

Yowanane 3:26 Referans Kwoze

Yowanane 1:7

Yeye wakalua bu mumanyi wa bualu bua kumanyisheye bantu bua munya, bua buonso buabo bitabushile bua dî diandi.

Yowanane 12:19

Bafalese bakambilangana ne, Nudi numona ne kanuena nuheta bualu; monai, ba ha buloba bonso badi bamulonda.

Yowanane 11:48

Bituamulekela hatuhu, bantu bonso nebamuitabushe; Bena Lomo nebalue, nebanyenge muaba wetu ne tshisamba tshietu.

Yowanane 1:15

Yone wakambila bantu bualu buandi, wakela dî bikole ne, Kayeu unakuamba ne, Ulualua ku nyima kuanyi udi muntambe, bua yeye wakadiku ku mpala kuanyi.

Yeshaya 45:23

Nakuditshiha mu dina dianyi nkayanyi, dî diakane diakuhatuka mukana muanyi, kadiena dihingana: Diamba ne, Tshinu tshionso netshintuile hanshi, ludimi luonso neluditshihe,

Yowanane 3:2

yeye wakalua kudi Yesu butuku, wakamuambila ne, Labi, tudi bamanye ne, Wewe udi muyishi mufume kudi Nzambi, bualu bua kakuena muntu udi mumanye mua kuenza bimanyinu ebi biudi wenza, bikala Nzambi kai nʼandi.

Yowanane 1:9

Munya mulelela wakadiku, wakadi ulua ha buloba, utemena bantu bonso.

Matayi 23:7

badi basue bantu babasekelele mu bisalu, badi basue bantu bababikile ne, Labi.

Muambi 4:4

Hashishe, nakatangila mudimu wonso ne ngenzelu wau mulengele bidi bivuisha bantu mukau. Bualu ebu budi hatuhu, bu kuihata kua luhehele.

Misambu 65:2

Wewe udi unvua milombu, bukua bantu bonso nebufike kûdi.

Matayi 23:8

Kadi nuenu kanubikidibu ne, Labi, bualu bua nuenu nudi ne muyishi umue, buonso buenu nudi bana ba muntu umue.

Yowanane 4:1

Hakamanya Mukelenge ne, Bafalese bakunvua ne, Yesu udi mutambe Yone kuvuisha bantu bayidi ne kubabatiza

Yowanane 4:2

(kadi Yesu mene kakadi ubabatiza, bayidi bandi bakadi bababatiza),

Yowanane 4:31

Hakadibo benza nunku, bayidi bakamusengelela ne, Labi, diaku.

Yowanane 5:33

Nuenu nuakatuma bantu kudi Yone, ne yeye wakujadika bualu bulelela ne kuamba kuandi.