Yowanane 21:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Hakashikishabo kudia, Yesu wakakonka Simona Petelo ne, Simona wa Yona, wewe udi mutambe aba bakuabo kunnanga, anyi? Yeye wakamuambila ne, Bulelela, Mukelenge, wewe udi mumanye ne, Ndi mukusue. Yesu wakamuambila ne, Udishe bana banyi ba mikoko.

MUKANDA WA MYIDI MUKULU

¹⁵ Bobu bamane kudia, Yezu kukonka Simone Petro ne: — Simone, muana wa Yowanane, udi munnange mupite mudi bakuabu aba bannange anyi? Petro kuandamuna ne: — Eyowa, Mfumu, udi mumanye mundi mukunange. Yezu kumuambila ne: — Ukube bana banyi ba mikoku.

Yowanane 21:15 Referans Kwoze

Rome 15:1

Butudi nʼabu, tuetu bantu bakole, mbua kutuala matekete a badi batekete, kembua kudisankisha nkayetu.

1 Yone 4:19

Tuetu tudi ne dinanga, bualu bua yeye wakadianjila kutunanga.

Yeshaya 40:11

Neadishe tshisumbu tshiandi tshia mikoko bu mudi mulami wa mikoko uyidisha, neambule bana ba mikoko mu maboko andi, neabatuale mu tshiadi tshiandi, ne nealom,bole mikoko idi imuamushila bana bitulu bitulu.

1 Petro 1:8

Yeye, unuakadi kanui batangile ku mesu, nyeye unudi nunanga; kadi nudi numuitabusha, kanui numutangila katataka, ne nudi nusanka bikole ne disanka didi hadi mua kuambibua ne didi diûle tente ne butumbi;

Efeze 6:24

Ngasa ikale ne bantu bonso badi bananga Mukelenge wetu Yesu Kilisto ne dinanga didi kadi mua kuhanga.

Bienzedi 20:28

Nuditangile bienu bimpe, ne tshisumbu tshionso tshiakanutekelabo batangidi kudi Nyuma Muimpe, nudishe ekelesia wa Mukelenge wakasumbeye ku mashi andi.

1 Yone 5:1

Muntu yonso udi witabusha ne, Yesu udi Kilisto udi muledibue kudi Nzambi; ne muntu yonso udi unanga wakamulela udi unanga kabidi wakuledibua kudiye.

Yowanane 16:27

bua Tatu mene udi munusue, bualu bua nuenu nuakunsua meme, nuakuitabusha ne, Nakafuma kudi Tatu.

Yirmeya 3:15

Nennusunguile balami badi benza bu mudi mutshima wanyi musue, nebanudishe ne lungenyi ne meji mimpe.

Yezekiyele 34:23

Nenteke mulami umue ha mutu hai, yeye neayidishe, muntu wanyi Davidi mene; yeye neayidishe, yeye neikale mulami wai.

1 Petro 2:25

Bualu bua nuakadi nuhambuka bu mikoko, kadi katataka nuakuhingana kudi Mulami ne Mutangidi wa mioyo yenu.

Ebrewu 4:13

Ne kakuena tshintu tshifukibua tshidi katshi tshimueneshibua ku mesu kuandi, kadi bintu bionso bidi butaka ne bibuluka ku mesu kua utudi nʼandi ne bualu.

Luke 22:32

kadi nakukulombela wewe Nzambi bua ditabusha diebe kadihangi; wewe, hawakudimuka, ukoleshe mitshima ya bana benu.

Ebrewu 13:20

Nzambi wa ditalala wakabisha mulami munene wa mikoko munkatshi mua bafue kabidi ku mashi a dihungila dia tshiendelele, Mukelenge wetu Yesu mene,

Rome 14:1

Nuitabushe muntu udi mutekete mu ditabusha diandi bu muanʼenu, kadi kembua kuelangana nʼandi mpata.

Matayi 16:17

Yesu wakamuandamuna ne, Simona Bâ-yona, wewe udi ne disanka; bantu kabakukubuluila bualu ebu, anu Tatu wanyi wa mu diulu.

Yirmeya 23:4

Yehowa udi wamba ne, Nenteke balami ha mutu hai, nebayidishe bimpe; kayena itshina kabidi, kayena ikuatshika buowa, kakuena kuikala umue wa munkatshi muai wajimina.

Didimanyisha 2:23

Nenfuishe bana bandi ne lufu, ne ekelesia yonso neimanye ne meme nyeye udi uteta meshi ne mitshima; ne nempe kudi muntu ne muntu wa munkatshi muenu difutu bu mudi midimu yandi.

1 Petro 2:2

bu bana balela katataka, nujinge mabele a meshi adi kâi ne kudinga, bua nuenu nudiundeku tô ne ku luhandu;

Ngalate 5:6

Bualu bua mu Kilisto Yesu, bikala muntu mutengula anyi bikaleye kai mutengula, kakuena bualu, kadi anu ditabusha didi dienza malu mu luse.

Yowanane 21:12

Yesu wakabambila ne, Luai nudie. Kakuakadi muyidi wakadi ne dikima dia kumuebesha ne, Wewe nganyi? Bakadi bamumanye ne, Mukelenge.

Yowanane 21:7

Muyidi, wakadi Yesu musue, wakambila Petelo ne, Mukelenge. Hakunvua Petelo ne, Mukelenge, wakadijingila tshivualu tshiandi bua wakadi mutshivule, wakadiela mu mai.

Matayi 18:10

Nudimuke, kanulenguludi muana umue wa mu bana aba bakese; ndi nuambila ne, Mu diulu matuku onso banjelo babo batu batangila Tatu wanyi udi mu diulu ku mesu.

Efeze 4:14

Wakenza nunku bua tuetu katuikadi bu bana kabidi badi batshikishibua eku ne eku ne badi batambakashibua ku luhehele luonso lua diyisha, ku majimbu a bantu, ku budimu budibo balonda mu mashimi abo;

1 Korente 8:11

Bualu bua ku lungenyi luebe, muntu mutekete udi ujimina, muanʼenu mene, wakafuilabo kudi Kilisto.

Yowanane 8:42

Yesu wakabambila ne, Bu Nzambi muikale Tatu wenu, nuakadi kunsua meme; bualu bua nakufuma kudi Nzambi, ndi mulueku; tshiakudivuila, kadi yeye wakuntuma.

Marke 14:29

Kadi Petelo wakamuambila ne, Bialenduka bakuabo bonso, meme tshiena ndenduka.

Luke 12:32

Nuenu tshisumbu tshikese tshia mikoko, kanutshinyi; bua Tatu wenu udi musue kunuha bukelenge.

Genese 33:13

Yakoba wakamukudimuna ne, Mukelenge wanyi udi mumanye ne bana batshidi batekete ne mikoko ne ngombe bidi ne bana, ne biabenzeshabo lukasa lukasa anu dituku dimue, bimuna bionso nenfue.

Matayi 10:37

Muntu udi ne tatu wandi anyi baba wandi dinanga ditambe didiye nʼadi kundi meme kena ukumbana bua kuikaleye muyidi wanyi; muntu udi ne muanʼandi mulume anyi muanʼandi mukashi dinanga ditambe didiye nʼadi kundi meme kena ukumbana bua kuikaleye muyidi wanyi.

2 Bakalenga 20:3

Yehowa, ndi nkusengelela ne, Uvuluke bu munakuenda ku mpala kuebe mu bushuwa ne mutshima mutoke, nakuenza malu mimpe ku mesu kuebe. Hezikiya wakatamba kudila.

2 Samuele 7:20

Davidi udi mua kukuambila dî kai dikuabo? Bualu bua wewe Mukelenge Yehowa udi mumanye muntu webe.

Yowanane 13:37

Petelo wakamukonka ne, Mukelenge, munyi mundi tshi mumanye mua kukulonda katataka? Nenkufuile.

Yowanane 1:42

Wakalua nʼandi kudi Yesu. Yesu wakamumona wakamuambila ne, Wewe udi Simona, muana wa Yona; nebakuidike dina ne, Kefa (kukudimuna kua muaku ne, Petelo).

Matayi 26:35

Petelo wakamuambila ne, Bikala bualu bunkuata bua kufua nʼebe, tshiena nkuhidia. Bayidi bonso bakamba muomumue.

Matayi 26:33

Petelo wakamuandamuna ne, Bialenduka bakuabo bonso, meme tshiena ndenduka tshiendelele,

Bienzedi 20:29

Ndi mumanye ne, Hanumuka bianyi, nkashama idi ne luonji neilue munkatshi muenu, neyone tshisumbu tshia mikoko;

Yezekiyele 46:24

Yeye wakangambila ne, Abi mbilambilu bidi benji ba mudimu ba mu ntempelo ne bualu bua kulambila bantu milambu yabo.