Yowanane 17:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Eu udi muoyo wa tshiendelele, bua bobo bakumanye wewe, Nzambi umuehele mulelela, ne yeye uwakatuma, Yesu Kilisto mene.

MUKANDA WA MYIDI MUKULU

³ Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Yowanane 17:3 Referans Kwoze

1 Yone 5:20

Tudi bamanye ne, Muana wa Nzambi wakumana kulua wakutuha meshi bua tuetu tumumanye yeye udi wa bushua; ne tuetu tudi munda mua udi wa bushua, munda mua Muana wandi Yesu Kilisto mene. Eu udi Nzambi wa bushua, ne udi muoyo wa tshiendelele.

Yowanane 17:25

Tatu wanyi muakane, ba ha buloba kabakakumanya, kadi meme nakakumanya; aba kabidi bakamanya ne, Wewe wakuntuma;

Yowanane 3:17

Nzambi kakatuma Muana wandi ha buloba bua kulumbuluisha ba ha buloba, kadi bua ba ha buloba basungidibue kudiye.

Osheya 6:3

Tumumanye bietu, tunanukile kukeba kumanya Yehowa. Kulua kuandi kudi kujadikibua bulelela bu mudi butuku butshia; nealue kutudi bu nvula mbedi, bu mudi nvula mishishe iloka ha buloba.

1 Yone 4:6

Tuetu tudi bana ba kudi Nzambi, udi mumanye Nzambi udi utunvuila; udi kai wa kudi Nzambi kena utunvuila. Mu bualu ebu tudi bamanye nyuma wa bulelela, ne nyuma wa mashimi.

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

Yowanane 17:23

meme munda muabo, wewe munda muanyi bua bobo kuikala bamue bulelela; bua ba ha buloba bamanye ne, Wewe wakantuma; wewe udi mubasue bu mûdi munsue meme.

Yeshaya 61:1

Nyuma wa Mukelenge Yehowa udi hamʼbidi hanyi, bualu bua Yehowa wakunjidika ne manyi ha mutu hanyi bua meme kuambila badi mu dikenga lumu luimpe; wakuntuma bua kusangasha mitshima ya badi batamba kunyingalala, bua kuambila badi babueshibue mu buhika dî bua budishikaminyi buabo, ne bua kuambila badi basuikibue mu nsubu wa lukanu bua dikohoka diabo;

Yowanane 17:21

bua buonso buabo bikale bamue; Tatu, bu mûdi munda muanyi ne meme munda muebe, bobo kabidi bikale munda muetu, bua ba ha buloba bitabushe ne, Wewe wakantuma.

Yowanane 3:34

Udi mutuma kudi Nzambi udi wamba mei a Nzambi; bualu bua yeye kena umulobela Nyuma.

2 Korente 4:6

Bualu bua Nzambi nguakamba ne, Munya neuteme mu mîdima; yeye wakatema mu mitshima yetu bua kutuha dinkenka dia lungenyi lua butumbi bua Nzambi ha mpala ha Yesu Kilisto.

2 Tesalonike 1:8

Neadisombuele kudi bantu badi kabai bamanye Nzambi ne kudi badi kabai batumikila lumu luimpe lua Mukelenge wetu Yesu;

Yowanane 17:8

bualu bua mei awakumpa nakubahau; bakuitabusha, bakumanya bulelela ne, Nakufuma kûdi; bakuitabusha kabidi ne, Wewe wakuntuma.

Yowanane 14:26

Kadi Musambi, Nyuma Muimpe mene, watumabo kudi Tatu mu dina dianyi, yeye neanuyishe malu onso, neanuvuluishe mei onso anakunuambila.

Yowanane 8:19

Bakamukonka ne, Tatu webe udi hanyi? Yesu wakandamuna ne, Kanuena banmanye, kanuena bamanye Tatu wanyi; bu nuenu banmanye meme, nuakadi kumanya Tatu wanyi kabidi.

1 Korente 15:34

Nutabale biakane, nulekele kuenza malu mabi; bualu bua bakuabo kabena bamanye Nzambi. Ndi ngamba nuaku bua kunufuisha bundu.

Yeshaya 53:11

Yeye neamone kanyinganyinga ka muoyo wandi, neasanke; muntu wanyi muakane neavuishe bantu bangi bakane ne kumanya kuandi kua Nzambi, neabatuadile malu mabi abo.

1 Tesalonike 1:9

Bua bobo nkayabo batu bamba bua bualu buetu, bu muakadi tshibueledi tshietu kunudi, ne bu munuakakudimuka kudi Nzambi hanuakalekela mpingu bua kukuatshila Nzambi wa muoyo ne wa bushua mudimu,

Yirmeya 10:10

Kadi Yehowa udi Nzambi wa bushuwa; yeye udi Nzambi wa muoyo ne Mukelenge wa tshiendelele. Buloba budi buzakala hikaleye ne tshiji, ne ba mu bisamba bia bantu kabena mua kuimana ku mpala kua tshiji tshiandi.

Yeshaya 48:16

Semenai ha buihi nʼanyi, unvuai bualu ebu! Ku tshibangidilu tô ne mpindiu tshiakuamba dî mu busokoko; katshia ku tshikondo tshiakenjibuabu meme nakadiku; ne katataka Mukelenge Yehowa wakuntuma ne Nyuma wandi.

Misambu 9:10

Badi bamanye dina diebe nebakueyemene; buala bua wewe, Yehowa, kuena muanze kulekela bantu badi bakukeba.

Yowanane 10:36

bua yeye wakajidilabo kudi Nzambi ne wakatumeye ha buloba, munyi nudi nuamba ne, Udi uhenda Nzambi, bua nakuamba ne, Ndi Muana wa Nzambi?

Yowanane 7:29

Meme ndi mumumanye, bualu bua nakufuma kudiye, yeye wakuntuma.

Yowanane 6:57

Bu muakantuma Tatu udi ne muoyo, ne bu mundi ne muoyo bualu bua Tatu, nunku wandia meme neikale ne muoyo bualu buanyi.

2 Kulondolola 15:3

Bena Isalele kabakadi ne Nzambi mulelela tô musangu mule, kabakadi ne muakuidi wa kubayisha, kabakadi ne mikenji ya Nzambi;

Yowanane 5:44

Nuenu, badi batumbishangana, badi kabai bakeba butumbi budi bufuma kudi Nzambi nkayandi, nudi bamanye mua kuitabusha munyi?

Yowanane 11:42

Nakumanya ne, Wewe udi unvua mei anyi matuku onso; kadi nakuamba dî edi bualu bua bantu badi bimane banyunguluke bitabushe ne, Wewe udi muntume.

Luke 9:48

wakabambila ne, Witabusha muana mukese eu mu dina dianyi udi ungitabusha meme; wangitabusha meme udi witabusha udi muntume; bua udi mutambe bukese munkatshi muenu nyeye udi mimene.

Marke 9:37

Witabusha muana mukese nunku mu dina dianyi udi ungitabusha meme; wangitabusha meme, kena ungitabusha meme nkayanyi, udi witabusha udi muntume.

1 Korente 8:4

Ne bualu bua kudia kua bintu bia kutendelelabo nʼabi mpingu, tudi bamanye ne, Kakuena luhingu ludi ne bualu ha buloba, ne kakuena Nzambi mukuabo anu umue.

Nsumuinu 8:35

Bualu bua wansangana udi usangana muoyo, udi uheta diakalengele kudi Yehowa.

Yowanane 17:18

Bu muwakuntuma munkatshi mua ba ha buloba, mbu munakubatuma munkatshi mua ba ha buloba kabidi.

Filipe 3:8

E, bulelela mene, ndi mbala bintu bionso bu tshintu tshijimina bualu bua bulengele butambe bua kumanya kua Kilisto Yesu, Mukelenge wanyi; unakajimishila bintu bionso bua bualu buandi, ne ndi mbibala bu bintu bia kuela ku diala bua meme mpete Kilisto,

Filipe 3:10

Mbua meme kumumanya yeye, ne bukole bua dibika diandi ku lufu, ne buobumue nʼandi mu makenga andi, muikale mufuanyikishibue nʼandi mu lufu luandi;

Ebrewu 3:1

Nunku, bana betu ba tshijila, babanyanganyi ba dibikila dia mu diulu, nuelangane meshi bua Mupostolo ne Muakuidi Munene wa dijukula dia ditabusha dietu, Yesu mene;

2 Petro 1:2

Ngasa ikale kunudi ne ditalala divulangana mu dimanya dijalama dia Nzambi ne dia Yesu, Mukelenge wetu.

2 Petro 1:3

Mbu mudi bukole bua bunzambi buandi, buakatuha bintu bionso bidi bua muoyo ne bua buimpe bua Nzambi, bualu bua kumanya kuetu kua yeye wakambikila bua butumbi buandi buine ne bua buimpe buandi.

2 Petro 1:8

Bikala malu â ngenu ne biavulanganau, adi anuvuisha kanui batuke ne kanui nuhanga mamuma tô ne ku dinanga dijalama dia Mukelenge wetu Yesu Kilisto.

1 Yone 1:2

(muoyo eu kabidi wakamueneshibua, ne tuakutangila ne tudi tunumanyisha ne tudi tunuambila bualu bua muoyo, muoyo wa tshiendelele, wakadi kudi Tatu ne wakamueneshibua kutudi);

1 Yone 1:3

malu atuakutangila ne atuakunvua, tudi tunuambila kabidi, bua nuenu nuangate buobumue nʼetu; bulelela, buobumue buetu budi ne Nzambi ne Muana wandi Yesu Kilisto,

1 Yone 2:23

Muntu yonso udi uvila Muana, yeye kena ne Tatu; kadi muntu udi ujukula Muana udi ne Tatu kabidi.