Yowanane 17:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Hakamba Yesu malu â, wakatangila mulu, wakamba ne, Tatu, diba diakufika; utumbishe Muanʼebe, bua Muana akutumbishe;

MUKANDA WA MYIDI MUKULU

¹ Yezu mumane kuakula nanku, kutangilaye mulu, wamba ne: — Tatu, diba ndimane kufika. Leja butumbi bua Muanebe, bua Muana aleje kabidi butumbi buebe.

Yowanane 17:1 Referans Kwoze

Yowanane 12:23

Yesu wakabambila ne, Diba diakufika bua Muana wa muntu kutumbishibua.

Bienzedi 3:13

Nzambi wa Abalahama ne wa Isaka ne wa Yakoba, Nzambi wa bankambua betu, yeye wakatumbisha Muana wandi Yesu, unuakufila, ne unuakuhidia ku mesu kua Pilato, hakasueye kumulekela.

Yowanane 7:39

Yeye wakadi Wamba bua Nyuma wangatabo kudi bakumuitabusha; Nyuma kakadi muanze kulua, bua Yesu kakanza kutumbishibua.

1 Petro 1:21

Bua bualu buandi nudi bena kuitabusha ba Nzambi wakamubisha ku bafue, wakamuha butumbi; bua ditabusha dienu ne ditekemena dienu bikale mu Nzambi.

Yowanane 11:4

Hakunvua Yesu dî edi, wakamba ne, Edi kadiena disama dia lufu, kadi didi bualu bua butumbi bua Nzambi ne bua Muana wa Nzambi kutumbishibueye.

Marke 14:41

Wakalua biandi musangu muisatu, wakabambila ne, Nudi nulala nuikisha! Kuakushika; diba diakufika! Muana wa muntu udi mufila mu bianza bia bantu babi.

Misambu 123:1

Ndi mbandisha mesu anyi kûdi, wewe udi mushikame mu diulu.

Yowanane 11:41

Bakumusha dibue. Yesu wakabandisha mesu mulu, wakamba ne, Tatu, ndi nkusakidila bua wewe wakunvua dî dianyi.

Yowanane 8:20

Yeye wakamba mei â mu muaba wa tshibutshilu tshia mu ntempelo, hakadiye uyisha bantu mu ntempelo; muntu kakamukuata, bualu bua diba diandi kadiakadi dianze kulua.

Yowanane 7:30

Bakakeba mua kumukuata; kadi muntu kakamulenga tshianza, bualu bua diba diandi kadiakadi dianze kulua.

Yowanane 16:32

Unvuai, diba nedilue, diakumana kufika mene mene, dianumuangalashabo, muntu kuandi, muntu kuandi; nenunshîe meme nkayanyi; kadi tshiena nkayanyi bualu bua Tatu udi neanyi.

Yowanane 13:1

Diambedi disanka dia Kuhita kua Yehowa kadi dianze kulua, Yesu wakamanya ne, Diba dianyi dia kumuka ha buloba bua kuya kudi Tatu diakufika, yeye mumane kusua bandi mene bakadi ha buloba, wakabasua tô ne kunshikidilu.

Luke 22:53

Hanakadi nʼenu mu ntempelo ku dituku ku dituku, kanuakandenga bianza; kadi edi diba ndienu, ne bukokeshi bua mîdima.

Luke 18:13

Kadi musangishi wa mulambu wakimana ha bule, kakasua kuambula mpala mulu, wakadikuma mu tshiadi, wakamba ne, Nzambi, ndi muntu mubi, unfue luse.

Yeshaya 38:14

Nakadila bu mudi nyunyu wa kandindi anyi nyunyu wa mudinga udila, nakadila bu nyunyu wa nkutshi. Mesu anyi adi ahanga ne kutangila kuau mulu; Mukelenge, badi bankengesha; wikale tshieya tshianyi!