Yowanane 15:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nakunuambila malu â bua disanka dianyi kuikaladi munda muenu, ne bua disanka dienu kukumbanadi.

MUKANDA WA MYIDI MUKULU

¹¹ Mvua munuambile nanku bua disanka dianyi dikale munda muenu; kabidi bua disanka dienu dikale dijima.

Yowanane 15:11 Referans Kwoze

Rome 15:13

Nzambi wa ditekemena anûshe tente ne disanka ne ditalala dia mu ditabusha dienu, bua nuenu nukumbane mu ditekemena mu bukole bua Nyuma Muimpe.

Yowanane 17:13

Kadi katataka udi ndua kûdi; udi ngamba malu â ha buloba bua disanka dianyi kukumbanadi munda muabo.

Yowanane 16:24

Tô ne katataka kanuakanza kulomba tshintu mu dina dianyi; nulombe, nenuangate, bua disanka dienu dikumbane.

1 Yone 1:4

Tudi tunufundila malu â bua disanka dietu divulangane.

1 Petro 1:8

Yeye, unuakadi kanui batangile ku mesu, nyeye unudi nunanga; kadi nudi numuitabusha, kanui numutangila katataka, ne nudi nusanka bikole ne disanka didi hadi mua kuambibua ne didi diûle tente ne butumbi;

2 Yone 1:12

Bualu bua ndi ne malu a bungi a kunufundila, tshiakasua kunufundila ha mabeshi ne mai a mikanda; kadi ndi ntekemena bua kulua kunudi, ne bua kuakula nʼenu ku mesu, bua disanka dienu dikumbashibue.

Yowanane 16:33

Nakunuambila malu â bua nuenu nuikale ne ditalala munda muanyi. Ha buloba nudi ne dikenga; kadi nukoleshe mitshima yenu; nakuhita ba ka buloba bukole.

2 Korente 1:24

Kembua tudi ne bukokeshi ku ditabusha dienu, kadi tudi bakuatshishanganyi nʼenu mu disanka dienu; bualu bua nudi nujalama mu ditabusha.

1 Tesalonike 5:16

Nusanke misangu yonso;

Luke 15:32

Biakadi bimpe bia kusaba ne kusanka, bualu bua muanʼenu eu wakadi mufue, udi ne muoyo kabidi; wakadi mujimine, wakumueneka.

Luke 15:9

Hamumoneye, neabikile balunda bandi ne bena mutumba nʼandi, neabambile ne, Nusanke nʼanyi, bua nakumona mpalata wakadi mujimine.

Filipe 1:25

Bualu bua ndi ngitabushishibua bualu ebu, ndi mumanye ne nenshaleku mu mubidi, E, bulelela, nenshale nʼenu bonso bua kudiunda kuenu ne kusanka kuenu bia mu ditabusha;

Efeze 5:18

Kanukuatshiki maluvu, mudi dinyanguka dia muoyo munda muau, kadi nûshibue tente ne Nyuma Muimpe.

Yowanane 3:29

Udi ne mukashi udi biandi mubaki wa mukashi; kadi mulunda wa mubaki, himaneye nʼandi, hatelesheye dî diandi, neatambe kusanka bualu bua dî dia mubaki; ka disanka dianyi didi dikumbane.

Luke 15:5

Haumoneye, neawambule ha diaha ne mutshima usanka.

Luke 15:23

Nulue ne muana wa ngombe udi ne manyi, numushihe, tudie bietu, tusanke bietu,

Yirmeya 32:41

Bulelela, nensanke bua kubenzela bimpe, ne nembakune mu buloba ebu mu bushuwa ne mutshima wanyi mujima ne muoyo wanyi mujima.

Yeshaya 53:11

Yeye neamone kanyinganyinga ka muoyo wandi, neasanke; muntu wanyi muakane neavuishe bantu bangi bakane ne kumanya kuandi kua Nzambi, neabatuadile malu mabi abo.

Sefanya 3:17

Yehowa Nzambi webe udi munkatshi muenu, muena bukitu bukole udi ukusungila. Yeye neasanke bua bualu buebe ne disanka dinene, neakusangashe mu dinanga diandi, neasanke bua bualu buebe ne kuimba kua misambu.

Yirmeya 33:9

Musoko eu newikale kundi bu dina dia disanka, bu dianyisha ne bu butumbi, munkatshi mua ba mu bisamba bionso bia ha buloba balualua kunvua lumu lua malu mimpe andi ngenzela; nebatshine ne nebazakale bua diakalengele ne ditalala binauhesha.

Yeshaya 62:4

Kabena bakubikila kabidi ne, Mushiya hatuhu; kabena babikila buloba buebe kabidi ne, Bubutuke; kadi nebakubikile ne, Disanka-dianyi-didi-kudiye, nebabikile buloba buebe ne, Mubakibue; bualu bua Yehowa udi nʼebe disanka, ne buloba buebe nebuikale bu mukashi mubakibue kudi mulume.