Yowanane 13:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Hashishe yeye wakela mai mu dilonga, wakabanga kuowesha bayidi makasa ne kuakuhula ne dituaya diakadiye mudijingile.

MUKANDA WA MYIDI MUKULU

⁵ Pashishe kuelaye mayi mu dilongu, kubanga kuowesha balongi bende mayi ku makasa, wakupula ne tshilamba tshivuaye mudijingile mu tshimonu.

Yowanane 13:5 Referans Kwoze

Luke 7:44

Hakatshingulukeye kudi mukashi, wakambila Simona ne, Udi utangila mukashi eu? Nakubuela mu nsubu webe kuakumpa mai a makasa anyi, kadi yeye wakubolesha makasa anyi ne binsonshi biandi, wakuakuhula ne nsuki yandi.

Misambu 51:2

Unguvuwe tshishiki ku mahambuka anyi, untokeshe ku bubi buanyi.

Genese 19:2

Yeye wakamba ne, Tangilai, ba kelenge banyi ndi nnusengelela ne Luai kunu, nubuele mu nsubu wa muntu wenu, nulalemu butuku ebu, nuvuwe makasa enu, hashishe, ne nubike dinda dionso, nenuye mu nshila wenu Bobo bakamba ne, Nansha, netuikale mu misesu butuku ebu buonso.

1 Timote 5:10

udi ne lumu luimpe lua bienzedi biandi bimpe, bikaleye mudiundishe bana bandi, bikaleye musangele benyi, bikaleye mume makasa a basanto, bikaleye mukuatshishe bena makenga, bikaleye munanukile kulonda midimu mimpe yonso.

Genese 18:4

Nuitabushe balue ne mai, nuvuwe makasa enu, nuikishe bienu mu diledi dia mutshi,

Didimanyisha 7:14

Nakamuambila ne, Mukelenge wanyi, wewe udi mumanye. Wakangambila kabidi ne, Aba mbantu badi bumuka mu dikenga dinene, ne bakuvua mayeka abo, ne bakâtokesha mu mashi a Muana wa Mukoko.

Ebrewu 10:22

tusemene bietu ha buihi nʼandi ne mutshima mulelela mu dimanya dijalame dia ditabusha, ne mitshima yetu mimiamina bua kulengesha kua muoyo-mukese mubi, ne mibidi yetu miuvue ne mai mimpe.

Efeze 5:26

bua yeye amujidile, mumane kumulengesha ne kuvua kua mai ne dî diandi;

1 Korente 6:11

Bakuabo benu bakadi nunku; kadi nuakuvuibua, nuakajidibua, nuakabingishibua mu dina dia Mukelenge Yesu Kilisto, ne mu Nyuma wa Nzambi wetu.

Bienzedi 22:16

Udi ushangulukila katataka tshinyi? Bika ubatijibua, uvuibue ku mibi yebe, Ubikila dina diandi.

2 Bakalenga 3:11

Kadi Yehoshafata wakebesha ne, Kakuena muprofete wa Yehowa kunoko utudi mua kuebesha Yehowa dî mukana muandi, anyi? Umue wa bantu ba mukelenge wa Isalele wakamba ne, Elisha, muana wa Shafata, udiku, wakadi wela mai ha bianza bia Eliya.

1 Samuele 25:41

Yeye wakajuka, wakatua mpala wandi hanshi, wakamba ne, Monai, muntu wenu udi bu muhika bua kuowesheye makasa a bahika ba mukelenge wanyi.

Lewitiki 14:8

Muntu udi musue kudilengesha neuvuwe bilulu biandi, neabeye nsuki yandi yonso, neadioweshe ne mai, yeye neikale muakane; ku nyima nealue biandi mu tshitudilu, kadi neashikame ku mbelu kua ntenta wandi matuku muanda mutekete.

1 Yone 5:6

Nyeyʼeu wakalua ne mai ne mashi, Yesu Kilisto mene; kene mai nkayau, kadi ne mai ne mashi.

1 Yone 1:7

kadi bituenda mu munya, bu mudiye mu munya, tudi tuikalangana ne buobumue, ne mashi a Yesu, Muanʼandi, adi atulengesha ku mibi yonso.

Yowanane 19:34

Kadi dinga disalayi diakamutua difuma mu lubadi, mashi ne mai biakahatuka.

Luke 7:38

hakadiye muimane ku makasa a Yesu ku nyima kuandi udila, wakabanga kubolesha makasa andi ne binsonshi biandi, wakâkuhula ne nsuki yandi, wakatua mishiku ku makasa a Yesu, wakaela mananashi.

Zekâya 13:1

Mu dituku adi nebabuluile ba mu tshiota tshia Davidi ne ba mu Yelushalema mushimi wa mai, bua kubalengesha ku bubi ne ku malu a bukoya.

Yezekiyele 36:25

Nennumiamine mai matoke tô, nenuikale bakane; nennulengeshe ku bukoya buenu buonso ne ku mpingu yenu yonso.

Didimanyisha 1:5

ne kudi Yesu Kilisto, mumanyishi wa kueyemena, muledibue diambedi wa ku bafue, ne mukokeshi wa bakelenge ba ha buloba. Kudi yeye udi utunanga, ne wakatuvua ku mibi yetu mu mashi andi mene;

Yeshaya 1:16

Nudioweshe bienu, nudilengeshe, numushe bubi bua bienzedi bienu ku mesu kuanyi; nulekele kuenza malu mabi,

Ekesode 29:4

Ulue ne Alona ne bana bandi balume ku tshibi tshia ntenta wa kusangakena, uboweshe mai.

Yowanane 13:10

Yesu wakamuambila ne, Udi mumane kuowa hamʼbidi, udi anu ne bua kuowa ku makasa, mubidi wonso udi mutoke; nuenu nudi batoke, kadi buonso buenu kanuena nunku.

Yowanane 13:8

Petelo wakamuambila ne, Nasha, tô ne tshiendelele wewe kungoweshi makasa. Yesu wakamuandamuna ne, Bingikala tshî mukuoweshe, kuena nʼanyi luseke lumue.

Genese 43:24

Muntu eu wakalua nʼabo mu nsubu wa Yosefe, wakabaha mai, ne bobo bakuvuwa makasa abo, ne yeye wakadisha mpunda yabo kabidi.

Balombodi 19:21

Nunku yeye wakaya nʼandi mu nsubu muandi, wakadisha mpunda; bakowa makasa abo, bakadia, bakanua.

Yowanane 13:6

Nunku yeye wakalua kudi Simona Petelo. Petelo wakamukonka ne, Mukelenge, wewe udi ungowesha meme makasa, anyi?