Yowanane 13:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Tshiena nuamba buonso buenu; ndi mumanye banakusungula, kadi bualu ebu buakulua bua kushikisha dî diakafundabo ne, Utu wadia bidia bianyi wakuntua museba.

MUKANDA WA MYIDI MUKULU

¹⁸ Tshiena ngamba buenu bonsu to. Ndi mumanye bandi musungule. Kadi mbimpe ikumbane miaku ivuabu bafunde mu Mukanda wa tshijila ne: “Muntu utuvua tudia nende diampa, ukadi unduisha.”

Yowanane 13:18 Referans Kwoze

Misambu 41:9

Mulunda wanyi mene unakadi nʼandi ditalala ne unakeyemena, wakadi udia bidia bianyi wakuntua museba.

Matayi 26:23

Yeye wakandamuna ne, Wakutua nʼanyi bidia mu dilonga dimue neantungile tshitungu.

Yowanane 17:12

Hanakadi nʼabo, nakubalama mu dina diebe diwakumpa; ne nakabalama, ne kakuakadi umue wakujimina anu muana wa dibutuka, bua kushikisha dî diakadi difunda mu Mukanda wa Nzambi.

Marke 14:20

Yeye wakabambila ne, Udi biandi wa ba dikumi ne babidi, udi utua nʼanyi tshianza mu dilonga.

Yowanane 13:26

Yesu wakamukudimuna ne, Unasabidila tshihesa tshia bidia unaha, nyeye. Nunku hakuvukuleye tshihesa, wakatshiangata, wakatshiha Yudasa, muana wa Simona Isakaliote.

Yowanane 6:70

Yesu wakabakonka ne, Tshiakunusungula dikumi ne babidi, anyi? Kadi umue wenu udi wa diabolo.

Yowanane 15:19

Bu nuenu bikale ba ha buloba, ba ha buloba bakadi kusua bantu babo; kadi bualu bua nuenu kanuena ba ha buloba, nakunusungulula mu ba ha buloba, nunku ba ha buloba badi nʼenu lukuna.

Ebrewu 4:13

Ne kakuena tshintu tshifukibua tshidi katshi tshimueneshibua ku mesu kuandi, kadi bintu bionso bidi butaka ne bibuluka ku mesu kua utudi nʼandi ne bualu.

Yowanane 15:16

Nuenu kanuakunsungula, nakunusungula, nakunujadika bua nuenu kuya kukuama mamuma ne bua mamuma enu ikale tshiendelele, bua tshintu tshionso tshinualomba Tatu mu dina dianyi yeye anuhetshi.

Matayi 10:36

Badi mu nsubu nebikale ne muena nsubu lukuna.

Didimanyisha 2:23

Nenfuishe bana bandi ne lufu, ne ekelesia yonso neimanye ne meme nyeye udi uteta meshi ne mitshima; ne nempe kudi muntu ne muntu wa munkatshi muenu difutu bu mudi midimu yandi.

Yowanane 21:17

Wakamukonka tshiakasatu ne, Simona wa Yona, udi munsue, anyi? Mutshima wa Petelo wakanyingalala bua yeye wakamukonka tshiakasatu ne, Udi munsue, anyi? Wakamuambila ne, Mukelenge, wewe udi mumanye malu onso; udi mumanye ne, Ndi mukusue. Yesu wakamuambila ne, Udishe mikoko yanyi.

2 Korente 4:5

Bualu bua katuena tudiamba, kadi tudi tuamba Kilisto Yesu bu Mukelenge; ne tuetu bu bahika benu bualu bua Yesu.

Yirmeya 41:2

Yishemaele, muana wa Netanya, ne bantu dikumi bakadi nʼandi bakajuka, bakataha Gedaliya, muana wa Ahikama, muana wa Shafana, ne muele wa nvita, bobo bakashiha muntu wakatekabo gouverneur kudi mukelenge wa Babulona.

Matayi 26:21

hakadibo badia, yeye wakamba ne, Bulelela, ndi nuambila ne, Muanʼenu mukuabo neantungile tshitungu!

Marke 14:17

Hakabuela diba, Yesu wakalua ne bayidi bandi dikumi ne babidi.

Marke 14:18

Hakadibo bashikame badia, Yesu wakamba ne, Bulelela, ndi nuambila ne, Muanʼenu mukuabo neantungile tshitungu, yeye mene udi udia nʼanyi.

Luke 22:21

Kadi, tangilai, tshianza tshia udi untungila tshitungu tshidi nʼanyi ha mesa.

Yowanane 13:21

Hakamba Yesu nunku, mutshima wandi wakanema bujitu, wakamba ne, Bulelela, bulelela, ndi nuambila ne, Umue wenu neantungile tshitungu.

Yowanane 13:22

Bayidi bakatangilangana, bela mpata munda ne, Udiye wamba nganyi?

Yowanane 15:25

Nunku bakushikisha dî diakadi difunda mu mikenshi yabo ne, Bakadi nʼanyi lukuna tshianana.

Yowanane 18:32

Nunku bakashikisha dî dia Yesu diakambeye hakadiye wamba bualu bua lufu luafueye nʼalu.

Yowanane 19:24

Bakambilangana ne, Katutshihandi, tutshielele nshobo ne tshikala tshia nganyi; nunku bakashikisha dî diakafundabo mu Mukanda wa Nzambi ne, Bakabanyangana bilulu bianyi, Bakelela tshikowelu tshianyi nshobo. Masalayi akenza nunku.

Yowanane 19:36

Malu â akulua bua kushikisha dî diakafundabo mu Mukanda wa Nzambi ne, Kabena batshibula mukuha wandi.

Bienzedi 1:2

tô ne ku dituku diakangatshibueye mu diulu, hakamaneye kuambika bapostolo bakasunguleye mikenshi yandi kudi Nyuma Muimpe.

Bienzedi 1:16

Bana betu, buakadibo nʼabo mbua kushikisha dî didi difunda mu Mukanda wa Nzambi, diakambabo bua Yudasa diambedi kudi Nyuma Muimpe mukana mua Davidi, yeye wakadi mulombodi wa bakuatshi ba Yesu.