Yoshua 7:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Yoshua wakamba ne, Aka! Mukelenge Yehowa, wewe wakulua ne bantu aba dia munemu dia Yadene bua kutufila mu bianza bia Bena Amole ne bua kutufuisha munyi? Biakadi bimpe bua tuetu kushikama dishiya dia Yadene!

MUKANDA WA MYIDI MUKULU

⁷ Pashishe Yoshuwa kukema bikole, wamba ne: — Akia! Mvidi Mukulu Maweja-Nangila, uvua mutusabuishe musulu wa Yardene bua tshinyi? Uvua mutusabuishe bua kutufila kudi bena Amore bua batushipe anyi? Uvua mua kutulekela dishiya dia Yardene.

Yoshua 7:7 Referans Kwoze

Ebrewu 12:5

ne nuakuhua muoyo bua disengelela, didi diyikilangana nʼenu bu bana balume ne, Muanʼanyi, kumonyi dikengesha dia Mukelenge bu bualu butekete, Ne kuikadi ne mutshima mutekete hakubeleye;

2 Bakalenga 3:10

Mukelenge wa Isalele wakamba ne, Aka, Yehowa wakabikila bakelenge aba basatu basangisha bua kubafila mu bianza bia Bena Moaba.

Matayi 17:20

Yeye wakabambila ne, Bualu bua ditabusha dienu diakadi dikese. Bulelela, ndi nuambila ne, Binuikala ne ditabusha bunene bua lutete lua mutada, nenuambile mukuna eu ne, Umukaku, ya kuakua, neumuke; kakuena bualu budi mua kunukolela. [

Matayi 17:17

Yesu wakandamuna ne, Nuenu ba tshikondo etshi tshia buhidia ne tshitshu, nenshale nʼenu musangu bule munyi? Nentate nʼenu musangu bule munyi? Luai nʼandi kundi.

Misambu 116:11

Nakamba mu ditenkakana dia mutshima wanyi ne. Bonso badi bandinga.

Dibadika 14:3

Bualu kai Yehowa udi ulua nʼetu ku buloba ebu bua kutushihesha ku miele ya nvita? Bakashi betu ne bana betu bakese nebashihibue, bualu budi butamba buimpe bua tuetu tuhingane mu Ejipitu nansha?

Ekesode 17:3

Bantu bakadi ne nyota, bakatontolola Mose, bakamba ne, Wakuluila nʼetu ku Ejipitu bua kutushiha ne bana betu ne bimuna bietu ne nyota munyi?

Ekesode 16:3

Bena Isalele bakabambila ne, Biakadi bimpe bua tuetu kufua mu Ejipitu ku tshianza tshia Yehowa hatuakashikama hadi bivuadi bia munyinyi ne hatuakukutshika mafu ne bidia, kadi nuenu nuakuluila nʼetu mu tshihela etshi bualu bua kushiha tshisumbu etshi tshionso ne nzala.

Dibadika 14:16

Bualu bua Yehowa kakadi ne bukole bua kulua ne bantu aba mu buloba buakahaneye, nunku yeye wakabashiha mu tshihela.

Yoshua 7:6

Yoshua wakadihanda bilulu biandi, wakadikuma mpala wandi hanshi ku mpala kua mushete wa Yehowa tô ne ku dilolo; yeye ne bakulu ba Bena Isalele bakadiela buloba mu mitu.

Yoshua 7:8

Mukelenge, nengambe tshinyi, hela Bena Isalele bena lukuna babo nyima?

Balombodi 20:23

Bena Isalele bakaya, bakadila ku mpala kua Yehowa tô ne dilolo; bakebesha Yehowa ne, Netuhingane bua kuluangana ne bana betu Bena Benyamina kabidi, anyi? Yehowa wakabambila ne, Nubaluishe.

1 Samuele 4:3

Kakahingana bantu ku tshitudilu, bakulu ba mu Isalele bakakonkangana ne, Yehowa wakatushiha lelu ku mesu kua Bena Peleshete bualu kai? Tuyai, tuangate mushete wa tshihungidi tshia mei a Yehowa ku Shilo, ulue munkatshi muetu bua kutusungilau ku tshianza tshia badi nʼetu lukuna.