Yoshua 7:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ hanakatangila tshilulu tshimpe tshia Bena Babulona ne nshekele nkama ibidi ya argent ne tshiamu tshia or tshia mushinga wa nshekele makumi atanu munkatshi mua bintu, lukuka luakangata, nakabiangata; mona, bidi bisokoka mu buloba munkatshi mua ntenta wanyi, ne tshiamu tshia argent tshidi muinshi muabi.

MUKANDA WA MYIDI MUKULU

²¹ mu bintu bituvua bapeta mu mvita, mvua mumone tshinkutu tshimpe tshia bena Mezopotamiya, nkanu nkama ibidi ya biamu bitoke bia mushinga mukole, ne tshiamu tshia mpawungi tshikale ne bujitu bua nkanu makumi atanu. Lukuka lukole kungenza. Mvua mubiangate. Meme kubijikila mu ntenta wanyi, munudi mua kubipeta. Mvua muteke tshiamu tshitoke tshia mushinga mukole muinshi.

Yoshua 7:21 Referans Kwoze

Yakobe 1:15

Hashishe lukuka, himitalu, ludi lulela bubi: ne bubi, hakolabu budi bulela lufu.

Luke 12:15

Yeye wakabambila ne, Nudimuke, kanukumi mitshima ku biuma; bua muntu kena ne muoyo bualu bua bungi bua bintu bidiye nʼabi.

Misambu 119:37

Ukudimune mesu anyi bua kâtangidi malu a hatuhu, usangashe muoyo wanyi mu nshila yebe.

2 Petro 2:15

Hakalekelabo nshila mululame, bakahambuka, bamane kulonda nshila wa Belama, muana wa Beo, wakasua difutu dia bienzedi bibi;

Dielulula 7:25

Nuoshe mpingu yabo yakasongabo ne kahia: kanukumi mitshima yenu kudi argent anyi or idi ha mutu hai, kanuyidiangatshidi, kanudionyi mu buteyi ebu; bualu ebu budi butonda mutshima wa Yehowa, Nzambi wenu.

Ebrewu 13:5

Mioyo yenu kaikadi ne lukuka lua biuma, nuikale ne disanka ne bintu binudi nʼabi, bualu bua Nzambi muine wakuamba ne, Tshiena nkulekela, nasha kakese, tshiena nkushîa tshianana.

Nsumuinu 28:22

Muena lukuka udi wenda lukasa bua kuheta biuma, kena mumanye ne, Buhele nebunkuate.

2 Samuele 11:2

Dilolo dikuabo hakabika Davidi ku bulalu buandi, yeye wakadi wendakana ku mutu kua nsubu wa mukelenge; hakadiye ku mutu kua nsubu, yeye wakatangila mukashi wowa mai; wakadi mukashi mulengele kumona.

Genese 6:2

bansongalume ba bantu ba Nzambi bakamona bana bakashi ba bantu ba tshianana ne, Mbalengele, bakasungula bonso bakasuabo bu bakashi babo

Genese 3:6

Hakamona mukashi ne, Mutshi au udi muimpe wa kudia ne udi muimpe ku mesu ne udi mua kuha muntu lungenyi, yeye wakangata dimuma, wakadia, wakahesha mulume wandi kabidi, ne yeye wakadia.

Kolose 3:5

Nunku nufuishe bituha bia mibidi yenu ya ha buloba: masandi, malu a bukoya, nkuka ya mubidi, disamina dibi dia mutshima, ne dikuma dia mutshima ku bintu didi kutendelela kua mpingu mene;

Efeze 5:5

Nudi bamanye bienu bulelela ne, Kakuena muena masandi anyi muena mutshima mubi anyi muena lukuka lua biuma udi mutendeledi wa mpingu, udi ne buhianyi mu bukelenge bua Kilisto ne bua Nzambi.

Efeze 5:3

Tshiendenda tshia malunda mabi ne malu a bundu ne dikuma dia mutshima kabitedibu mene munkatshi muenu; ebu budi buimpe bua basanto benze.

Luke 12:2

Kadi kakuena tshintu tshibuikila tshiahanga kubuluibua, kakuena tshintu tshisokoka tshiahanga kumanyibua.

Abakuke 2:9

Mulau wikale kudi udi wangatshila ba mu nsubu muandi luhetu ku malu mabi andi, bua kuibaka nʼalu disua diandi kulu bua kuhanduka ku makenga!

Yeshaya 29:15

Mulau wikale kudi bantu badi bafundika bifufu biabo muinshi mule bua kubisokoka ku mesu kua Yehowa, ne badi ne midimu yabo mu midima, badi bamba ne, Muntu kai udi mutumone? Muntu kai udi mummanye?

Yeshaya 28:15

Bualu bua nuakuamba bienu ne, Tuakuhunga tshihungidi ne lufu, tuakuhungakasha dî ne Muaba wa Bafue; halua tshihuhu tshidi tshihongoloka kuhitshilamu, katshiena tshifika kutudi; bualu bua tuakuvisha mashimi tshinyemenu tshietu, tuakusokoma muinshi mua kudinga.

Nsumuinu 23:31

Kutangidi maluvu a nvinyo hatshidiu makunze, hadiu engelela munda mua luhanza, hadiu ahueka bitekete ha muminu.

Nsumuinu 4:23

Ulame mutshima webe ne dilama dionso, bualu bua munda muau mudi muhatuka mishimi yonso ya muoyo.

Yobe 31:1

Nakahunga tshihungidi ne mesu anyi, nunku nakadi kumanya mua kutuhika mesu anyi kudi mushikankunde utshidi kamama bishi?

Ekesode 20:17

Kukuna mutshima webe ku nsubu wa mukuenu, kukumi mutshima webe ku mukashi wa mukuenu anyi ku muntu wandi mulume anyi ku muntu wandi mukashi anyi ku ngombe wandi anyi ku mpunda wandi anyi ku tshintu tshionso tshia mukuenu.

Genese 10:10

Tshibangidilu tshia bukelenge buandi tshiakadi Babela ne Eleke ne Akada ne Kalene mu buloba bua Shinâ.

Yoshua 7:20

Akana wakambila Yoshua ne, Bulelela, nakenzela Yehowa, Nzambi wa Isalele, bubi; bualu bunakuenza budi nunku:

Yoshua 7:22

Yoshua wakatuma ba-messager, ne bobo bakaya lubilu ku ntenta; monai, biakadi bisokoka mu ntenta wandi, ne tshiamu tshia argent muinshi muabi.

2 Bakalenga 7:8

Hakafika bena nsudi aba ku mpenge wa tshitudilu, bakabuela mu ntenta, bakadia, bakanua, bakafumaku ne tshiamu tshia argent ne tshia or ne bilulu, bakaya, bakabisokoka; bakahingana, bakabuela mu ntenta mukuabo, bakangata bintu, bakabisokoka.

Genese 34:27

Bana ba balume ba Yakoba bakalua munkatshi mua bantu bafue bakahaula musoko, bualu bua bobo bakanyanga muanʼabo wa bakashi

Nsumuinu 1:19

Nshila ya bonso badi ne lukuka lua kunyenga bintu ku bukole idi nunku; ludi lujimisha mioyo ya badi nʼalu.