Yoshua 6:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Kadi tshiamu tshionso tshia argent ne tshia or, ne malonga a tshiamu tshia mitaku ne tshiamu tshifike bidi bajidila kudi Yehowa; bintu ebi bionso nebikale mu tshibutshilu tshia Yehowa.

MUKANDA WA MYIDI MUKULU

¹⁹ Biamu bitoke bia mushinga mukole bionsu, bia mpawungi, bikunze, ne bikuabu bionsu, nebabijidile mu dina dia Maweja-Nangila, babiele mu diyeba diende.

Yoshua 6:19 Referans Kwoze

Matayi 27:6

Bakuidi banene bakangata bituha bia mpalata, bakamba ne, Kuteka bintu ebi mu tshibutshilu tshia Nzambi kudi kushiha mukenshi, bualu bua bidi mushinga wa mashi.

1 Kulondolola 26:20

Ahiya wa Bena Lewi wakadi mulami wa bibutshilu bia mu nsubu wa Nzambi ne wa bibutshilu bia bintu bia tshijila.

Marke 12:41

Yesu wakashikama buludiludi ne tshibutshilu, wakadi utangila bu muakadi bantu bela mpalata mu tshibutshilu; bantu babanshi ba bungi bakela mpalata ya bungi.

Nehemya 10:38

Muakuidi, muana wa Alona, neikale ne Bena Lewi hangatabo tshia dikumi; Bena Lewi nebalue ne tshia dikumi tshia mu bintu bia tshia dikumi, mu nsubu wa Nzambi wetu mu tshibutshilu tshiandi.

1 Kulondolola 18:11

Davidi wakabijidila kudi Yehowa ne argent ne or biakanyengeye kabidi kudi bisamba bionso: kudi Bena Edome ne kudi Bena Moaba ne kudi Bena Amona ne kudi Bena Peleshete ne kudi Bena Amaleka.

2 Bakalenga 24:13

Wakatuala bintu bimpe bionso bia mu bibutshilu bia mu nsubu wa Yehowa ne bia mu nsubu wa mukelenge; wakakosa bintu bia or bionso bituha bituha biakenza Solomo, mukelenge wa Isalele, mu ntempelo wa Yehowa, bu muakamba Yehowa.

1 Bakalenga 7:51

Nunku mudimu wakenza mukelenge Solomo mu nsubu wa Yehowa wakashikishibua. Solomo wakalua ne bintu bionso biakajidila tatu wandi Davidi Nzambi, bintu bia argent ne bia or ne malonga onso, wakabiteka mu bibu tshilu bia mu nsubu wa Yehowa.

2 Samuele 8:11

ebi kabidi biakajidileye mukelenge Davidi kudi Yehowa bu muakajidileye Yehowa argent ne or bia bisamba bionso biakahiteye bukole;

Mika 4:13

Bika biebe, ubashihule, wewe muana mukashi wa Siona, bualu bua nenvuishe lusengu luebe tshiamu, nenvuishe mikono yebe tshiamu tshia mitaku; ne wewe neuboteshe bantu ba bungi; neujidile luhetu luabo kudi Yehowa, ne biuma biabo kudi Mukelenge wa buloba buonso.

2 Kulondolola 31:12

Bakalua ne milambu ne bia dikumi bia bintu bia tshijila ne lulamatu lua mitshima yabo; Kenaniya, Muena Lewi, wakadi ku mutu kuabi, ne Shemei muanʼabo wakamulonda.

2 Kulondolola 15:18

Yeye wakateka bintu biakajidila tatu wandi ne bintu biakajidileye nkayandi bia argent ne bia or ne mpanza mu nsubu wa Yehowa.

1 Kulondolola 28:12

ne luidi lua ngenyi yandi yonso ya biendedi bia mu nsubu wa Yehowa, ne ya nsubu yandi yonso, ne ya bibutshilu bia mu nsubu wa Yehowa, ne ya bitekelu bia bintu bia tshijila;

1 Kulondolola 26:28

Bintu bionso biakajidila Samuele, mumonyi wa malu a Nzambi, ne Shaula, muana wa Kishi, ne Abinê, muana wa Nê, ne Yoaba, muana wa Seluya, ne muntu yonso wakajidila bintu, biobi biakadi mu bianza bia Shelomota ne bia bana babo.

1 Kulondolola 26:26

Shelomota eu ne bana babo bakadi ku mutu kua bibutshilu bia bintu bionso bia tshijila biakajidilabo kudi Davidi mukelenge ne kudi ba ku mutu kua nsubu ya hatatu babo, ne kudi tupitene tua bantu tshinunu ne tua bantu lukama ne kudi tupitene tua masalayi.

1 Bakalenga 14:26

wakahaula bintu bionso bia mu nsubu wa Yehowa ne bia mu nsubu wa mukelenge, wakaya ne buonso buabi; wakanyenga ngabu ya or yakenza Solomo.

Yirmeya 38:11

Nunku Ebede-meleke wakaya ne bantu aba, wakabuela mu nsubu wa mukelenge wakadi muinshi mua nsubu wa tshibutshilu, wakangataku mikusu ne bilulu bisunsuke, wakabihuekeshila Yelemiya mu dina ku muonshi.

Dibadika 31:22

kadi or ne argent ne tshiamu tshia mitaku ne tshiamu tshifike ne tshiamu tshia étain ne tshia plomb

Lewitiki 19:24

Kadi halua tshidimu tshinai, nujidile mamuma onso a mu tshidimu atshi bua kutendelela nʼau Yehowa.

Dibadika 31:11

Bakangata bintu bionso bia bantu ne bia bimuna kabidi.

Dibadika 31:12

Bakalua ne bantu bakakuatabo ne bintu biabo bionso kudi Mose ne kudi Eleazâ muakuidi ne kudi tshisumbu tshionso tshia Bena Isalele, ku tshitudilu tshiakadi mu mpata ya Moaba, hehi ne Yadene ku Yeleko.

Yoshua 7:11

Bena Isalele bakenza bibi; bakashiha tshihungidi tshinakahunga nʼabo, bakadiangatshila tshintu tshia tshijila, bakatshiba kabidi, bakasokoka bubi buabo; bakatshiteka munkatshi mua bintu biabo mene.

1 Kulondolola 26:27

Bakajidila bia mu bintu biakanyengabo mu nvita bua kulongololabo nʼabi nsubu wa Yehowa.