Yoshua 22:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bakalua kudi Bena Lubena ne Bena Gada ne tshituha tshia tshisamba tshia Bena Manashe mu buloba bua Gilada, bakabambila ne,

MUKANDA WA MYIDI MUKULU

¹⁵ Kuyabu mu ditunga dia Ngilaade, muaba uvua bisamba bia bena Izrayele bivua luseke ludi diba dipatukila lua Yardene. Kuyukilabu nabu,

Yoshua 22:15 Referans Kwoze

Ebrewu 12:25

Nudimuke bua nuenu kanubidi udi wakula nʼenu. Bikalabo kabai bahanduke, hakahidiabo wakabadimusha ha buloba, kudi kutamba kumueneka ne tuetu katuena tuhanduka, badi bumuka kudi udi utudimusha mu diulu.

1 Korente 5:4

Nakamalumbaluisha mu dinu dia Mukelenge Yesu, hanuakadisangishaku ne nyuma wanyi nʼenu, mu bukole bua Mukelenge wetu Yesu,

1 Korente 1:10

Bana betu, ndi nusengelela bua dina dia Mukelenge Yesu Kilisto, bua buonso buenu nuambe dî diodiumue, ne bua kakuikadi matahuluka munkatshi muenu; kadi bua nuenu nuikale bâkashibue tshishiki mu meshi amue ne mu lungenyi lumue.

Matayi 18:17

Biahidieye kunvua mei abo, ambila bena ekelesia bualu ebu; biahidieye kunyua mei a bena ekelesia, ikale biandi ku mesu kuebe bu muntu wa bende anyi musangishi wa mulambu.

Yeshaya 63:10

Kadi bakamutombokela, bakanyingalasha Nyuma wandi Muimpe; nunku yeye wakadikudimuna bua kuikaleye muena lukuna wabo, ne yeye muine wakaluangana nʼabo.

Misambu 78:8

Bua bana aba kabikadi bu muakadi batatu babo, bakadi mulongo wa bena tshitshu ne batomboki, mulongo wa bantu bakadi kabayi ne mitshima yabo nutantamane, ne bakadi ne nyuma yakadi kayiyi nueyemene Nzambi.

Ezela 9:15

Yehowa, Nzambi wa Isalele, wewe udi muakane; bualu bua wewe wakatahila difuka dihanduka bu mudidi lelu eu; mona, tudi ku mesu kuebe mu kuhila kuetu; kakuena udi mumanye mua kuimana ku mpala kuebe bua bualu ebu.

Ezela 9:2

Bualu bua bobo ne bana babo balume bakadiangatshila bana bakashi ba bantu aba bu bakashi babo; nunku bantu ba tshijila bakabuelakana ne bena maloba â; bulelela, bantu banene ne bakokeshi bakadianjila kuenza bubi ebu.

2 Kulondolola 28:13

Bakabambila m, Kanuena nuhitaku ne bantu banuakukuata mu nvita; bualu bua nudi nukeba kutubuesha mu malu mabi kudi Yehowa ha mutu ha mibi yetu ne malu mabi etu; bualu bua mibi yetu idi minene, ne tshiji tshikole tshidi kudi Bena Isalele.

2 Kulondolola 26:18

bobo bakakandisha Uziya mukelenge, bakamuambila ne, Uziya, kambualu buebe bua kuoshela Yehowa musenga wa manananshi, kadi mbua bakuidi, bana ba Alona, badi bajidibue bua kuoshela Yehowa manananshi; umuka mu muaba eu wa tshijila, bualu bua wewe wakuenza bibi; bualu ebu kabuena bukuvuisha butumbi kudi Yehowa Nzambi nansha.

2 Kulondolola 25:27

Mu dituku diakalekela Amasaya kulonda Yehowa, bantu bakamuelela tshifufu mu Yelushalema; yeye wakanyema ku Lakisha, kadi bakamulonda ku Lakisha, bakamushihelaku.

2 Kulondolola 10:19

Nunku Bena Isalele bakutombokela ba mu nsubu wa Davidi tô ne ku dituku edi.

1 Kulondolola 21:3

Yoaba wakamba ne, Yehowa avudishe bantu bandi misangu lukama bu mudibo katataka; kadi, mukelenge wanyi, bobo kabena bantu bebe, anyi? Mukelenge wanyi udi musue bualu ebu bishi? Yeye udi musue kubuesha Bena Isalele mu bualu bubi bishi?

1 Samuele 15:23

Kutomboka kudi bualu bubi bu butempi bua mbuku ne tshitshu tshidi bu kutendelela kua mpingu ne manga a hatuhu. Bualu bua wewe wakahidia dî dia Yehowa yeye kabidi wakakuhidia bua wewe kuikala mukelenge.

Yoshua 22:18

nuenu nudi basue kuhambuka lelu ne kuhanga kulonda Yehowa, anyi? Binuatombokela Yehowa lelu, makelela yeye neakuatshile tshisumbu tshionso tshia Bena Isalele tshiji.

Yoshua 22:12

Hakunvua Bena Isalele lumu alu, tshisumbu tshionso tshia Bena Isalele aba tshiakadisangisha ku Shilo, bua kuluangana nʼabo.

Dielulula 30:17

Kadi bikala mitshima yenu mihambuke, ne binuikala kanuyi nunyua, kadi binuatendelela nzambi mikuabo bua kuyikuatshila mudimu,

Dielulula 7:4

Bualu bua bobo nebakudimune mutshima wa muanʼenu mulume, bua yeye kandondi meme bua kukuatshileye nzambi mikuabo mudimu: nunku Yehowa neanukuatshile tshiji, neanujimishe lubilu.

Dibadika 32:15

Binuikala nusesuka bua kulekela kulonda ku nyima kuandi yeye neabashiye mu tshihela, yeye neashihe bantu aba bonso.

Dibadika 14:43

Bena Amaleka ne Bena Kanâna badi ku mpala kuenu, nunku nenufue ku miele ya nvita, bualu bua nuenu nuakuhidia kulonda Yehowa, nunku Yehowa kena wikala nʼenu.

Dibadika 5:6

Wambile Bena Isalele ne, Henza mulumi anyi mukashi bualu bubi budi bantu benza, udi ushiha mukenji wa Yehowa, ne badi bahisha muntu au,

Lewitiki 26:40

Bobo nebatonde mibi yabo, nebatonde mitu ya batatuʼabo kabidi disambuka diabo dia mikenji ne kumpidia kuabo,

Lewitiki 5:19

Eu udi mulambu wa disambuka dia mikenji, yeye udi ne dihila dilelela ku mesu kua Yehowa.

Ekesode 32:8

Bakusesuka lubilu mu nshila unakubambila, bakulamba nkanu ya or, bakutula kana ka ngombe, bakukatendelela, bakukashihela milambu, bakuamba ne, Bena Isalele, nzambi wenu nyeu wakanuluhula mu buloba bua Ejipitu.

Yoshua 22:14

bakamutuma ne bukelenge dikumi, mukelenge wa ku tshisamba mukelenge wa ku tshisamba; muntu ne muntu wakadi ku mutu bua binunu bia meku a Bena Isalele a mu tshisamba tshiandi.

Yoshua 22:16

Tshisumbu tshionso tshia bantu ba Yehowa tshidi tshianza ne, Bualu ebu bubi bunuakuenzela Nzambi wa Isalele budi munyi? Munyi munuakulekela kulonda Yehowa hanuakadiashila tshioshelu bua kutombokela Yehowa lelu?