Yoshua 22:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Bena Isalele aba bakatuma Pinehasa, muana mulume wa Eleazâ muakuidi, kudi Bena Lubena ne Bena Gada ne tshituha tshia tshisamba tshia Bena Manashe,

MUKANDA WA MYIDI MUKULU

¹³ Bena Izrayele kutuma Pinase, muana wa mutuangaji Elazare, mu ditunga dia Ngilaade, bua kuyukila ne bena Rubene, bena Ngade, ne bena Menashe ba luseke ludi diba dipatukila lua Yardene.

Yoshua 22:13 Referans Kwoze

Dibadika 25:7

Hakatangila Pinehasa, muana mulume wa Eleazâ, muana mulume wa Alona muakuidi, bualu ebu, yeye wakabika munkatshi mua tshisumbu, wakangata difuma mu tshianza tshiandi,

Balombodi 20:28

ne Pinehasa, muana wa Eleazâ, muana wa Alona, wakadi muimane ku mpala kua mushete mu matuku au), bamba ne, Netuye bua kuluangana ne bana betu Bena Benyamina kabidi, anyi nealekele? Yehowa wakabambila ne, Yai bienu, bualu bua nembafile mu bianza bienu makelela.

Ekesode 6:25

Eleazâ, muana wa balume wa Alona, wakabaka umue wa bana ba bakashi ba Putiele, yeye wakamulelela Pinehasa. Bantu aba badi ku mutu kua nsubu ya batatuʼabo, Bena Lewi, ku meku abo.

Matayi 18:15

Bakuenzela muanʼenu bibi, uye biebe, umuleshe bubi buandi, wewe ne yeye nkayenu; bitabusheye dî diebe, wewe wakamuvuisha muanʼenu kabidi.

Nsumuinu 20:18

Malu adi bantu bahangidisha adi ajadikibua ku kuhunga kua dî; hakuhabo lungenyi lua kuenza, luangana nvita.

Balombodi 20:12

Bisamba bionso bia Bena Isalele biakatuma bantu munkatshi mua tshisamba tshionso tshia Bena Benyamina, bamba ne, Bualu ebu bubi buakuenjibua munkatshi muenu budi tshinyi?

Dielulula 13:14

hashishe nenuebeshangane, nenukebe, nenukonkangane bimpe; bikala bualu bulelela, bakuenza bualu bua tshikamakama munkatshi muenu,

Dibadika 31:6

Mose wakabatuma ku nvita, bantu tshinunu ku tshisamba ku tshisamba, Pinehasa, muana mulume wa Eleazâ muakuidi, wakaya nʼabo ne bintu bikuabo bia mu nsubu wa tshitendelelu ne mpungi ya kuela nʼai dî dikole mu tshianza tshiandi.

Yoshua 24:33

Eleazâ, muana mulume wa Alona, wakafua; bakamujika mu mukuna wa Pinehasa, muanʼandi mulume, wakamuhabo mu buloba bua Bena Efelayima.

Dibadika 32:1

Bena Lubena ne Bena Gada bakadi ne bimuna bia bungi be, hakatangilabo ne buloba bua Yazê ne buloba bua Gilada buakadi muaba muimpe wa bimuna,

1 Kulondolola 9:20

Diambedi Pinehasa, muana wa Eleazâ, wakadi ku mutu kuabo ne Yehowa wakadi nʼandi.

Ezela 7:5

muana wa Abishua, muana wa Pinehasa, muana wa Eleazâ, muana wa Alona, muakuidi mutambe bakuabo;