Yoshua 21:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Bakaha meku a Bena Melali, bakashala ba Bena Lewi, Yokenama ne miaba ya ku matshika, ne Kâta ne miaba ya ku matshika, munkatshi mua tshisamba tshia Zebuluna:

MUKANDA WA MYIDI MUKULU

³⁴ Meku makuabu a bena levi, a ku ndelangayi ya Merari, kupeta bimenga binayi, kusangisha ne mpata ya kudishila bimuna. Bimenga abi bivua mu buloba bua bena Zebulone. Ke tshimenga tshia Yokneyame, tshia Karta,

Yoshua 21:34 Referans Kwoze

1 Kulondolola 6:77

Bakaha Bena Lewi bakuabo, bana ba balume ba Melali, mu tshisamba tshia Zebuluna, Limono ne miaba ya ku mpenge, ne Tabô ne miaba ya ku mpenge;

Yoshua 21:7

Bena Melali ku meku abo bakangata tshiabo tshituha munkatshi mua tshisamba tshia Lubena ne mu tshisamba tshia Gada ne mu tshisamba tshia Zebuluna, bimenga dikumi ne bibidi.

Yoshua 19:15

ne Katata ne Nahalala ne Shimelona ne Yidala ne Beteleheme: bimenga dikumi ne bibidi ne misoko yabi.

Yoshua 19:11

mukalu wabo wakayila ku wesete ku Malala tô ne ku Dabeshete; wakabatuala ku musulu udi ku mpala kua Yokenama;

Yoshua 12:22

mukelenge umue wa mu Kedeshe, mukelenge umue wa mu Yokenama mu Kâmele,

Yoshua 21:33

Bimenga bionso bia Bena Gêshona ku meku abo biakadi dikumi ne bisatu ne miaba yabi ya ku matshika.

Yoshua 21:35

Dimana ne miaba ya ku matshika, ne Nahalala ne miaba ya ku matshika: bimenga binai.

1 Kulondolola 6:63

Bakayifila ku nshobo kudi bana ba balume ba Melali, ku meku abo, misoko dikumi ne ibidi mu tshisamba tshia Lubena ne tshia Gada ne tshia Zebuluna.

1 Kulondolola 6:48

Bana babo Bena Lewi bakadi ku mutu kua midimu yonso ya mu nsubu wa kusambakena wa Nzambi.