Yobe 8:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Ndi nkusengelela bua kukonka bantu ba mu milongo ya kale, teka mutshima webe ku malu akakeba batatu babo kujingulula.

MUKANDA WA MYIDI MUKULU

⁸ Ukonke bankambua bavua bamane kuikala kumpala kuetu. Umanye bivua batatu batulongeshe.

Yobe 8:8 Referans Kwoze

Yobe 15:18

malu mene adi bena meji bamba, akunvuabo kudi batatu babo, kabakuasokoka;

Dielulula 32:7

Nuvuluke matuku a diambedi, nuelangane meji a bidimu ne bikondo bia bungi: webeshe tatu webe, ne yeye neakuleshe; ne bakulu benu, bobo nebakuambile.

Dielulula 4:32

Katataka nudikonke munda bua matuku adi ku nyima akadi ku mpala kuenu, katshia Nzambi wafuka bantu ha buloba, ne ku luseke lumue lua diulu tô ne ku luseke lukuabo ne, Bikalaku bualu bunene nunku, anyi bikalabo bunvue lumu lua bualu bua nunku.

Rome 15:4

Bua malu onso akafundabo diambedi akafundibua bua kutuyisha, bua tuetu tuikale ne ditekemena bua ditantamana dietu ne bua busambi bua mu Mukanda wa Nzambi.

1 Korente 10:11

Malu â akadi abakuata bu bifuanyikishi, akafundibua bua kutudimusha, kutudi mene kuakufika nshikidilu wa bikondo.

Yeshaya 38:19

Udi ne muoyo, muntu udi ne muoyo, neakutumbishe, bu mundi ngenza dituku edi; tatu neamanyishe bana bandi lulamatu luebe lua bushuwa.

Misambu 44:1

Nzambi, tuakunvua ku matshu etu, batatu betu bakuambila, bua malu awakenza mu matuku abo, mu matuku akahita kale.

Yobe 15:10

Munkatshi muetu mudi badi ne nvî mitoke tô ne banunu bahite tatu webe bununu ku bungi bua matuku abo.

Yobe 12:12

Meji adi kudi bantu bakoke, ne dijingulula dia malu didi kudi badi ne matuku a bungi.

2 Kulondolola 10:6

Mukelenge Lehabama wakasangisha dî ne bantu banunu bakadi bimane ku mpala kua tatu wandi Solomo hakadiye ne muoyo ne, Nuenu nudi nungambile lungenyi kai lua kukudimuna nʼalu bantu aba?

Yobe 20:4

Kuena mumanye bualu ebu bua kale, katshia bateka muntu ha buloba,

Yowele 1:2

Unvuai dî edi, nuenu bantu bakulumpe; telejai matshu enu, nuenu badi bashikame mu buloha ebu! Muanda bu nunku wakamueneka mu matuku enu, anyi? Wakamueneka mu matuku a batatu benu, anyi?

Yobe 13:1

Monai, mesu anyi akumona malu â onso, matshu anyi akûnvua ne akuajingulula.