Yobe 8:2 - Mukanda wa Nzambi Dihungila Dikulukulu ne Dihungila Dihia-dihia 2003

² Wewe newambe mei â musangu bule bishi? Mei a mukana muebe neikale bu tshihehele tshikole musangu bule bishi?

MUKANDA WA MYIDI MUKULU

² Neutuambile malu a nanku too ne ku diba kaayi? Biudi wamba bidi bia tshianana. Udi utantamana amu patupu.

Yobe 8:2 Referans Kwoze

Yobe 15:2

Bidi bimpe bua muena meji itabe ne lungenyi lua hatuhu, anyi? Bidi bimpe bua yeye adiûshe tente ne luhehele lua ku esete, anyi?

Yobe 6:26

Nudi nuelangana meji bua kungela bua mei anakuamba, anyi? Kadi mei a muntu udi ne bualu budi kumuhita bukole adi bu luhehele.

1 Bakalenga 19:11

Yeye wakamuambila ne Uluhuke, wimane ku mukuna ku mpala kua Yehowa. Yehowa wakahita ne tshihehele tshinene tshikole tshiakahanda mikuna, tshiakatshibula mabue ku mpala kua Yehowa; kadi Yehowa mene kakadi mu tshihehele. Ku nyima kua tshihehele buloba buakakanka, kadi Yehowa mene kakadi mu kukanka kua buloba.

Nsumuinu 1:22

Nuenu batshimbakanyi, nenunange butshimbakane musangu bule munyi? Badi babuidia nebasanke mu kubuidia kuabo, bahote nebakine lungenyi musangu bule munyi?

Yobe 18:2

Neukebe mei a kuamba musangu bule bishi? Wele meji, hashishe nenyikile.

Yobe 16:3

Mei a hatuhu adi ne nshikidilu, anyi? Bualu kai budi bukufikisha munda bua wewe udi witaba?

Yobe 7:11

Meme kabidi tshiena mbuikila mukana muanyi; nengambe di ne kanyinganyinga ka mutshima wanyi; nentontolole bua ntatu ya mu muoyo wanyi.

Yobe 6:9

Nakadi kusua bua Nzambi ikale ne disanka bua kumbutula; bua yeye alekele kukanda tshianza tshiandi ne ahempe muonshi wa muoyo wanyi!

Ekesode 10:7

Bantu ba Palô bakamukonka ne, Muntu eu neikale buteyi kutudi musangu bule munyi? Ulekele bantu baye kutendelela Yehowa Nzambi wabo, wewe kuena mumanye ne, Buloba bua Ejipitu buakushihibua, anyi?

Ekesode 10:3

Mose ne Alona bakaya kudi Palô, bakamuambila ne, Yehowa, Nzambi wa Bena Ebelu, udi Wamba ne. Wewe neuhidie kudihuekesha ku mesu kuanyi musangu bule munyi? Ulekele bantu banyi baye kuntendelela.

Yobe 8:1

Hashishe, Biledada, Muena Shuhi, wakakudimuna Yobo ne,

Yirmeya 5:13

Baprofete nebandamuke luhehele, dî dia Nzambi kadiena munda muabo; nebabenzele malu â.