Yobe 7:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Meme kabidi tshiena mbuikila mukana muanyi; nengambe di ne kanyinganyinga ka mutshima wanyi; nentontolole bua ntatu ya mu muoyo wanyi.

MUKANDA WA MYIDI MUKULU

¹¹ Ke pandi tshiyi mua kupuwa kashidi to. Bu mundi ne kanyinganyinga kakole mu muoyi wanyi, ndi amu ne bua kuakula. Dibungama dianyi ndipite, ndi amu ne bua kuamba bidi bintonda.

Yobe 7:11 Referans Kwoze

Misambu 40:9

Nakuamba lumu luimpe lua buakane buebe mu disangisha dinene dia bantu, mona, tshiakukanda mishiku yanyi, wewe Yehowa, udi mumanye bualu ebu.

Yobe 10:1

Mutshima wanyi wakutondeshibua bua muoyo wanyi; nengambe meji adi annyingalasha hatoke tô, nengambe dî mu kanyinganyinga ka mutshima wanyi.

1 Samuele 1:10

Mutshima wa Hana wakatamba kunyingalala, wakadi utendelela Yehowa anu udila.

Yeshaya 38:17

Mona, bua meme kuheta ditalala ku nyima nakadi ne kanyinganyinga kakole diambedi; kadi dinanga diebe dia muoyo wanyi diakûmusha mu dijimba dia kabutu; bualu bua wewe wakuela mibi yanyi yonso ku nyima kuebe.

Yeshaya 38:15

Nengambe tshinyi? Yeye wakungambila dî, ne yeye muine wakuenza muanda eu; nengende bitulu bitulu bidimu bianyi bionso bualu bua kanyinganyinga kakole ka mu mutshima wanyi.

Yobe 21:25

Mukuabo udi ufua ne mutshima unyingalala bikole, kayi muanze kuheta tshintu tshimpe nansha musangu umue.

2 Korente 2:4

Nakanufundila ne kanyinganyinga ka bungi ne mutshima munemu bujitu bua bungi ne binsonshi bia bungi ku mesu; kembua mitshima yenu inyingalashibue, kadi bua nuenu mimanye dinanga dindi ntamba kukumbasha kunudi.

Luke 22:44

Wakatamba kukenga ne kanyinganyinga, wakatendelela Nzambi bikole; luanga luakahatuka mamata manene hamʼbidi handi bu mashi amata hanshi.

Yobe 16:6

Bingamba di, kanyinganyinga kanyi kakena kaholeshibua; binahuwa bianyi, nekumuke kundi, anyi?

Yobe 13:13

Nuanji kutulesha, nundekele bua meme ngakule bianyi; bualu budi busue kunkuata bunkuate.

Yobe 10:15

Bingikala ne bubi, ndi ne mulau; nansha bingikala muakane, tshiena mbisha mutu wanyi, bualu bua nakûshibua tente ne bundu handi ntangila makenga anyi.

Yobe 6:26

Nudi nuelangana meji bua kungela bua mei anakuamba, anyi? Kadi mei a muntu udi ne bualu budi kumuhita bukole adi bu luhehele.

Genese 42:21

Bakambilangana ne, Tuetu tuakudihisha bulelela mu bualu bubi butuakenzela muanʼetu hatuakatangila kanyinganyinga ka mutshima wandi hakadiye utusengelela, kadi tuetu katuakamunvuila, bua bualu ebu dikenga diakatukuata.

Misambu 39:3

Mutshima wanyi wakahiakana munda muanyi; hanakadi ngelangana meji munda muanyi, kahia kakatemamu; hashishe, nakamba di ne ludimi luanyi.

Yobe 9:27

Bingamba ne, Nempue meji adi annyingalasha muoyo, nendekele kubungama kuanyi, nengikale ne disanka,

Yobe 23:2

Lelu mene kutontolola kuanyi kutshidi bu kutomboka, tshianza tshianyi tshidi tshinemena bujitu handi ntua mikemu.

Yobe 36:21

Udimuke bua wewe kukudimunyi mutshima webe ku bualu bubi, bualu bua wewe wakusungula bubi ebu ku mpala kua makenga.