Yobe 6:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Badi badia tshintu tshitshihala tshianana kabayi belamu luehu, anyi? Kutua kuimpe kudi mu milembulembu ya makela, anyi?

MUKANDA WA MYIDI MUKULU

⁶ Badi mua kudia biakudia bitalala kabiyi biela luepu anyi? Badi mua kudia mulungulungu wa diyi mutoke, kauyi muipika, wewe kumvua bimpe anyi?

Yobe 6:6 Referans Kwoze

Kolose 4:6

Mei enu ikale ne ngasa misangu yonso, matue bu lueho, bua nuenu mimanye mua kuandamuna muntu ne muntu dî.

Lewitiki 2:13

Neutuishe milambu yonso ya bukula ne luehu, kanulekedi luehu lua tshihungidi tshia Nzambi mu milambu yenu ya bukula, tuishai milambu yonso ne luehu.

Luke 14:34

Lueho ludi luimpe, kadi biatshihala lueho kutua kualu, nebalutuishe kabidi ne tshinyi?

Misambu 119:103

Mona mudi mei ebe mashemakane handi ngalabula, mahite buitshi kushemakana mukana muanyi!

Yobe 34:3

Bualu bua ditshu didi diteta mei bu mudi ludimi lulabula bia kudia.

Yobe 16:2

Nakunvua malu a bungi bu nunku, nudi basambi badi bantatshisha, buonso buenu!

Yobe 12:11

Ditshu kadiena diteta mei, bu mudi ludimi lulabula bia kudia bialu, anyi?

Yobe 6:30

Bualu bubi budi buambibua ku ludimi luanyi, anyi? Meme tshiena mua kujingulula malu adi kâyi makane mukana muanyi, anyi?

Yobe 6:25

Monai mudi mei malelela ne bukole bua kutuisha muntu! Kadi kubela kuenu kudi kunfuisha ku bubi kai?

Matayi 5:13

Nuenu nudi lueho lua buloba; hatshihala lueho kutua kualu, nebalutuishe kabidi ne tshinyi? Ludi tshianana, nebaluimashe, nebaludiate mu makasa.

Yobe 6:5

Mpunda wa mu tshisuku udi udila muadi hikaleye ne mashinde a kudia, anyi? Ngombe kabidi udi udila muadi hikaleye ne bia kudia, anyi?

Yobe 6:7

Mutshima wanyi udi ubenga kubilenga; bidi bu bia kudia bidi butonda!