Yobe 4:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Ndi nkusengelela ne, Uvuluke, utuambile ne, Muntu kai wakafua kayi ne tshilumbu? Bakabutula bantu bakane kudi kunyi?

MUKANDA WA MYIDI MUKULU

⁷ Ela meji bimpe, ukadi mumone bantu bakane babutuka anyi? Bena muoyi muimpe, badi mua kujimina anyi?

Yobe 4:7 Referans Kwoze

Misambu 37:25

Nakadi nsongalume, katataka nakulua muntu mukole; kadi tshiena muanze kutangila muntu muakane mushale hatuhu, anyi bana bandi baledibue balombe bia kudia.

2 Petro 2:9

Mukelenge udi mumanye mua kuhandisha bantu bandi bimpe mu mateyi abo, ne mua kulama bantu babi mu dikenga tô ne halua dituku dia kulumbulula;

Yobe 36:7

Kena umusha mesu andi kudi bantu bakane; kadi udi ubashikika hohamue ne bakelenge mu nkuasa ya bukelenge tshiendelele, ne badi batumbishibue.

Bienzedi 28:4

Hakatangila basenshi nyoka mubi mulembelele ku tshianza tshiandi, bakambilangana ne, Bulelela, muntu eu udi mutahianganyi; wakuhanduka mu mai, kadi dilumbulula dilelela kadiena ditabusha bua yeye kuikala ne muoyo.

Yobe 8:20

Bulelela, Nzambi kena uhidia muntu udi muakane tshishiki, kena ujadika benji ba malu mabi.

Muambi 7:15

Nakatangila malu onso mu matuku a ditshimbakana dianyi; muntu muakane udiku, udi ufua mu buakane buandi; muntu mubi udi uvudisha matuku andi mu bubi buandi.

Yobe 36:6

Kena Usungila mioyo ya bantu babi, ne udi uha badi mu dikenga malu makane a bobo kuangata.