Yobe 4:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Mei ebe akubisha muntu wakadi wamba kudishinda, wakukolesha binu biakadi bitekete.

MUKANDA WA MYIDI MUKULU

⁴ Wewe uvua wimanyika kulu bavua bakeba kudishinda. Uvua ujula bavua bapungile ne bujitu.

Yobe 4:4 Referans Kwoze

Ebrewu 12:12

Nunku, nukoleshe bianza biakateketa ne binu bidi ne kaneke;

1 Tesalonike 5:14

Bana betu, tudi tunusengelela ne, Nudimushe batshimbakanyi, nukoleshe badi ne mitshima yamba kuhanga, nukuatshishe badi batekete, nuikale ne lutulu kudi bantu bonso.

Nsumuinu 12:18

Muntu udi wamba mei a tshiakulakula adi ataha bu muele wa nvita, kadi ndimi ya bena meji idi isangasha bantu.

Misambu 145:14

Yehowa udi wimanyika bonso badi bamba kuhona, udi ubisha bonso badi biname hanshi.

2 Korente 7:6

Kadi Nzambi, udi usamba bantu buhuekela, wakatusamba mu kulua kua Tito;

2 Korente 2:7

kadi nudi ne bualu bua kumulekelela bubi buandi ne kumusamba, bua bumue muntu wa nunku katambi bu ku kanyinganyinga kakole.

Danyele 5:6

Ha bualu ebu mpala wa mukelenge wakandamuka, ne mutshima wandi wakahampakana ne buowa. Manungu a bidimba biandi akahauka, binu biandi biakatutakana.

Yobe 4:3

Tangila, wewe wakuyisha bantu ba bungi, wakukolesha bianza biakadi bitekete.

Yobe 4:5

Kadi mpindiu bualu ebu budi bukukuata, mutshima webe udi unema bujitu; budi bukulenga, buowa budi bukukuata.

Yobe 29:11

Bualu bua hakunvua matshu dî dianyi, akanvudishila disanka; hakammona mesu, akammanyishisha kudi bakuabo.

Yobe 29:25

Nakabasunguila nshila bua bobo kuendela, nakashikama bu nfumu wabo, nakashikama bu mukelenge munkatshi mua masalayi andi, bu muntu udi usamba badi badila.

Nsumuinu 25:11

Dî diamba mu tshikondo tshiakane didi bu mamuma a tshiamu tshia or mu tshitekelu tshia argent.

Yeshaya 50:4

Mukelenge Yehowa wakumpa ludimi lua badi bayila bua meme kumanya mua kukuatshisha muntu muhungile ne dî. Ku dinda ku dinda udi utabala, udi utelejesha ditshu dianyi bua kunvua bianyi bu mudi bayidi bunvua.