Yobe 34:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bualu bua udi mumanye midimu yabo, udi ubatonkola mu butuku, nunku badi babutudibua.

MUKANDA WA MYIDI MUKULU

²⁵ Bualu udi mumanye bionsu bidibu benza. Nanku udi mua kubatonkola butuku, nansha kubazaza mene.

Yobe 34:25 Referans Kwoze

Yobe 34:20

Mu tshituha tshia diba badi bafua; nansha ha diba dia mundankulu mene bantu badi bazakashibua ne badi bajimina; bakole badi bumushibua tshianza tshia muntu katshiyi tshibumusha.

Didimanyisha 20:12

Nakatangila bafue, banene ne bakese, bimane ku mpala kua nkuasa wa butumbi; ne mikanda yakabuluibua, mukanda mukuabo wakabulula kabidi, udi wa muoyo; bakalumbuluisha bafue ku malu akadi mafunda mu mukanda, bu muakadi bienzedi biabo.

1 Tesalonike 5:2

Bualu bua nuenu nkayenu nudi bamanye bimpe ne, Dituku dia Mukelenge dilualua bu mudi muibi ulua butuku.

Amosa 8:7

Yehowa wakuditshiha ku bulengele bua Yakoba ne, Bulelela, tshiena mpua bienzedi biabo bionso muoyo tshiendelele.

Osheya 7:2

Kabena belangana meji mu mitshima yabo ne, Yehowa udi uvuluka bubi buetu buonso, bienzedi bietu bibi bidi bitunyunguluka, bidi ku mpala kuandi.

Yeshaya 66:18

Bualu bua ndi mumanye midimu yabo ne meji abo, ndualua bua kusangisha bisamba bionso bia bantu ne nuaku yonso; nebalue, nebamone butumbi buanyi,

Yeshaya 15:1

Dî dia tshijila bualu bua Moaba. Bualu bua mu butuku bumue bakubutula Ala wa Moaba, bakuyisha Moaba bu muaba wa hatuhu; bualu bua mu butuku bumue bakubutula Kî wa Moaba, bakuyisha Moaba bu muaba wa hatuhu.

Musambu wa Solomo 3:8

Buonso buabo badi ne miele ya nvita, badi ne bukitu bua kuluangana; muntu yonso udi ne muele wandi musuika ku mukaba wandi, bua buowa bua butuku.

Misambu 33:15

yeye udi ufuka mitshima ya buonso buabo, udi umona bienzedi biabo bionso.

Yobe 34:11

Bualu bua Nzambi neafute muntu bu mudi bienzedi biandi, yeye neavuishile muntu yonso bualu bu muakenzenzeye.

Yobe 36:20

Kujingi biebe ne, Butuku buile, humushabo bantu ku miaba yabo.

Yobe 38:13

bua koko kakuate matengu a buloba, ne bua koko kitshikishilemu bantu babi, anyi?

Nsumuinu 12:7

Badi babutula bantu babi; bantu babi kabenaku kabidi; kadi nsubu wa bantu bakane neajalame.