Yobe 29:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Disankisha dia kudi muntu wakadi wamba kufua diakalua kundi; nakimbisha mutshima wa mukashi wa mu lufuila musambu wa disanka.

MUKANDA WA MYIDI MUKULU

¹³ Bantu bavua bapunga ne lufu, bavua banjingila diakalenga. Meme kusankisha bakaji bankamba.

Yobe 29:13 Referans Kwoze

Filemone 1:7

Bua nakadi ne disanka dinene ne busambi bua dinanga diebe, bualu ba mitshima ya basanto yakakankauashibua bua bualu buebe, muanʼetm.

Yeshaya 27:13

Mu dituku adi nebele mpungi munene; bakadi bamba kufua mu buloba bua Ashû, ne bakadi bihatshibue bua kubuelabo mu buloba bua Ejipitu, nebalue; nebatendelele Yehowa mu mukuna wa tshijila wa ku Yelushalema.

Yobe 22:9

Wewe wakuhingisha bakashi ba mu lufuila kuabo ne bianza bituhu, maboko adi atuala bana ba nshiya akutshibuka.

Yeshaya 65:14

tangilai, bantu banyi nebimbe misambu bua disanka dia mu mitshima yabo, kadi nuenu nenudie bua kanyinganyinga ka mu mitshima yenu, nenuase muadi bua mitshima yenu yakuhandika.

Misambu 67:4

Ba mu bisamba bia bantu bikale ne disanka, bimbe biabo misambu bua disanka diabo, bualu bua wewe udi ulumbuluisha bantu ne kulumbulula kuakane, udi ulombola bisamba bia bantu ha buloba.

Dielulula 26:5

Nenuambe ku mesu kua Yehowa, Nzambi wenu, ne, Tatu wetu wakadi Muena Sulia, wakadi wamba kufua; ne yeye wakaya mu Ejipitu, wakashikamamu bantu banya-banya; yeye wakalua tshisamba tshinene tshia bukole ne bantu ba bungi.

Dielulula 24:13

nuhingashe tshieya tshiandi habuela diba, bua yeye alale tulu ne tshilulu tshiandi, anuvudishile disanka; bualu ebu nebuikale buakane kunudi, ku mesu kua Yehowa, Nzambi wenu.

Dielulula 16:11

Nenusanke ku mesu kua Yehowa, Nzambi wenu, ne wewe ne muana webe mulume ne muana webe mukashi ne muntu webe mulume ne muntu webe mukashi ne Muena Lewi udi mu musoko webe ne muenyi ne bana ba nshiya ne bakashi ba mu lufuila badi munkatshi muenu, mu muaba udi Yehowa, Nzambi wenu, Usungula bua kujadikamu dina diandi.

Nsumuinu 11:26

Badi bela muntu udi udilaminyina manvua mulau, kadi badi basankisha udi wahana.

Rute 2:20

Naomi wakambila mamuenʼandi ne, Yehowa udi kayi ulekela kalolo kandi kudi badi ne muoyo ne badi bafue amusankishe. Naomi wakamuambila ne, Muntu au udi wa ha buihi nʼetu, udi umue wa mu tshiota tshietu.