Yobe 27:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu ebu kabuikadi kundi bua meme kunubingisha. Tô ne hanafua bianyi tshiena ngitabusha bua mutshima wanyi mutoke ûmuke kundi.

MUKANDA WA MYIDI MUKULU

⁵ Tshiena musue kuitaba nansha kakese ne binudi nuamba bidi bia bulelela. Kashidi too ne ku lufu luanyi, nengambe amu kuamba ne tshiena ne bualu.

Yobe 27:5 Referans Kwoze

Yobe 2:9

Mukashi wandi wakamukonka ne, Wewe utshidi unanukila kulamata ku buakane buebe, anyi? Diula Nzambi ne fuaku biebe!

Yobe 13:15

Monai, yeye neanshihe; tshiena ne ditekemena; kadi nennanukile kudijidila ku mesu kuandi bua bienzedi bianyi.

Ngalate 2:11

Kadi hakalua Kefa ku Antiokia, nakabengangana nʼandi ku mei ku mesu kuandi bualu bua yeye wakadihishisha.

Nsumuinu 17:15

Udi ubingisha muntu mubi ne udi uhisha muntu muakane, bubidi buabo badi batondesha Yehowa.

Yobe 42:7

Kakambila Yehowa Yobo mei â, Yehowa wakambila Elifaza, Muena Temana, ne, Tshiji tshianyi tshidi tshitema kudi ne kudi balunda bebe babidi. Bualu bua kanuakuamba mei malelela bua bualu buanyi, bu mudi muntu wanyi Yobo wamba.

Yobe 32:3

Tshiji tshiandi tshiakatemena balunda bandi basatu kabidi, bualu bua bobo kabakamona mei a kukudimuna nʼau Yobo, kadi bakaosha Yobo.

Yobe 29:14

Nakaluata buakane bu tshivualu. Buakane buanyi buakadi bu muzabi ne bu tshitambala tshia ku mutu.

Dielulula 25:1

Bikala bantu babidi batandangane, ne haluabo bua kulumbuluishibua, balumbuluishi nebalumbulule tshilumbu tshiabo; ku nyima nebabingishe muntu muimpe ne nebahishe muntu mubi.

2 Korente 1:12

Bualu bua ditumba dietu didi bualu ebu, tshimanyishilu tshia muoyo-mukese wetu ne, Tuetu tuakenda munkatshi mua ba ha buloba ne bienzedi bia tshijila ne bia hatoke bia Nzambi, kemu meshi a bantu kadi mu ngasa wa Nzambi, ne tuakatamba kuenda nunku munkatshi muenu.

Yobe 2:3

Yehowa wakakonka Satana ne, Wakumona muntu wanyi Yobo, anyi? Kakuena muntu mukuabo bu yeye ha buloba; bu mudiye muntu wa mutshima mutoke ne wa malu makane, udi utshina Nzambi ne udi wehuka ku malu mabi. Yeye utshidi unanukila kulamata ku buakane buandi, kadi wewe wakanshikila bualu buandi bua kumubutula kayi ne bualu,

Yobe 6:29

Ndi nnusengelela ne, Lekelai bualu budi kabuyi buakane; e, vulukai, buakane buanyi butshidi bujalame munda muanyi.

Yobe 31:6

(Yeye angidikishe mu tshidikishilu tshidi tshidikisha biakane, bua Nzambi amanye buakane buanyi!)

Yobe 32:1

Nunku bantu aba basatu bakalekela kukudimuna Yobo mei, bualu bua yeye wakadi muakane ku mesu kuandi.

Yobe 32:2

Hashishe tshiji tshia Elihu, muana wa Balakela, Muena Buzi, wa diku dia Lama, tshiakatema. Tshiakatemena Yobo, bualu bua yeye wakadingisha, kakabingisha Nzambi.

Yobe 17:9

Kadi muntu muakane neananukile kuenda mu nshila wandi, ne udi ne bianza bitoke neadiundediunde mu bukole buandi.

Yobe 31:7

bikala dikasa dianyi disesuke mu nshila, bikala mutshima wanyi mulonde lukuka lua mesu anyi, bikala ditoba dilamate ha bianza bianyi;

Yobe 33:9

Ndi ne mutshima mutoke, tshiena ne bualu bubi; ndi muakane, tshiena ne dihila bua malu mabi.