Yobe 24:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Mesu a muena masandi adi indila kajimbʼa buenyi, yeye udi wamba ne, Kakuena disu dilualua kummona. Udi usokoka mpala wandi ne tshilulu tshikudika.

MUKANDA WA MYIDI MUKULU

¹⁵ Mulume muena tshiendenda udi utentekela butuku, wamba ne: “Mpindiewu nempite kabayi bammona.” Nanku udi udibuikila kabidi tshilamba ku mesu.

Yobe 24:15 Referans Kwoze

Misambu 10:11

Yeye udi udiamba mu mutshima wandi ne, Nzambi wakuhua muoyo; udi usokoka mpala wandi, kena utangila bualu ebu kashidi.

Yezekiyele 9:9

Hashishe yeye wakangambila ne, Bubi bua Bena Isalele ne bua Bena Yuda budi buhita hunene, buloba budi bûle tente ne kumatshisha kua mashi, ne musoko udi mûle tente ne kunyanga kua bilumbu bia bantu. Bualu bua badi bamba ne, Yehowa wakulekela buloba buetu, ne Yehowa kena utumona.

Yezekiyele 8:12

Hashishe Yehowa wakangambila ne, Muana wa muntu, udi umona bu mudi bakulu ba mu tshisamba tshia Bena Isalele benza mu mîdima, muntu ne muntu mu nsubu wandi wa mindidimbi, anyi? Bua badi bamba ne, Yehowa kena utumona; Yehowa wakulekela buloba buetu, wakumuka.

Misambu 94:7

Badi bamba ne, Yehowa kena umona malu etu; Nzambi wa Yakoba kena ubala malu â.

Misambu 73:11

Badi bamba ne, Nzambi udi mumanye munyi? Mutambe Bunene wa mu diulu udi ne lungenyi, anyi?

Misambu 50:18

Hawamona muibi, udi usanka bua kuikala nʼandi; ne udi ukuata bulunda ne bendi ba masandi.

2 Samuele 12:12

Wewe wakenza bualu ebu mu musokoko, kadi nengenzeshe bualu ebu ku mesu kua Bena Isalele bonso anu hatoke tô.

Ekesode 20:14

Kuendi masandi.

Yobe 31:9

Bikala mutshima wanyi muteyibue bua mukashi, ne bingikala mualamine ku mbelu kua muena mutumba nʼanyi,

Nsumuinu 7:7

Nakatangila munkatshi mua batshimbakanyi, munkatshi mua bansongalume, nakamona nsongalume wakadi kayi ne lungenyi.