Yobe 22:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Itabusha diyisha dia mukana muandi, buesha mei andi mu mutshima webe,

MUKANDA WA MYIDI MUKULU

²² Padi Mvidi Mukulu ukulongesha, witaba tshidiye wamba. Lama miaku yende munda muebe.

Yobe 22:22 Referans Kwoze

Misambu 119:11

Nakulama dî diebe mu mutshima wanyi, bua meme tshikuenzedi bibi.

Yobe 23:12

Tshiakulekela kutumikila mukenji wa ku mishiku yandi; nakubuta mei a mukana muandi mu mutshima wanyi.

Yirmeya 15:16

Nakasangana mei ebe, nakâdia; mei ebe akadi kundi bu disanka ne akasankisha mutshima wanyi; bualu bua badi bambikila ku dina diebe, wewe Yehowa, Nzambi wa misumba.

Nsumuinu 4:21

Mei â kaumuki ku mesu kuebe; wâteke munda mua mutshima webe.

Nsumuinu 4:4

Tatu wakadi unyisha kabidi, wakadi ungambila ne, Mutshima webe ulamate mei anyi bikole; utumikile mikenji yanyi, wikale ne muoyo.

Luke 2:19

Kadi Malia wakalama mei â onso, wakadi wela meshi munda munda.

Matayi 13:52

Yeye wakabambila ne, Mufundi yonso wakuvui-shabo muyidi mu bukelenge bua mu diulu udi bu muena nsubu udi uhatula bintu bihia-bihia ne bikulukulu mu tshibutshilu tshiandi.

Matayi 12:35

Muntu muimpe udi uhatula bintu bimpe mu tshibutshilu tshiandi tshimpe; muntu mubi udi uhatula bintu bibi mu tshibutshilu tshiandi tshibi.

Luke 2:51

Yeye wakahueka nʼabo, wakaya ku Nazaleta; wakadi utumikila mei abo; baba wandi wakalama malu â onso mu mutshima wandi.

Yobe 6:10

Nunku busambi buakadi kuikala kundi; nakadi kutungila mu kanyinganyinga kadi kakayi kandekela, bua muanda eu ne, Tshiakubenga mei a Wa Tshijila.

Yezekiyele 3:10

Wakangambila kabidi ne, Muana wa muntu, itabusha mu mutshima webe mei anyi onso andualua kukuambila, ûnvua bimpe mu matshu ebe.

2 Kulondolola 33:13

Wakamutendelela; Nzambi wakamunvuila, wakitabusha kutendekena kuandi, wakamuhingisha ku Yelushalema mu bukelenge buandi kabidi. Hashishe Manashe wakamanya ne, Yehowa udi Nzambi.